AMCHEM KRISTI JIVIT
Jehovachea Xellianchea Borea Pasot Vavurpi Gonvlli
Zaitea lokank, odhikar aslolea munxancher visvas na. Hachem ek karonnui asa. Itihas polloilear, odhikar aslolea zaitea munxamnim, tancho odhikar svotachea faidea pasot uzar kelo. (Mik. 7:3) Punn Jehovachea songottnnent odhikar aslolea vhoddilam pasot ami kitlim upkari asat nhoi! Karonn tancho odhikar Jehovachea lokanchea borea pasot uzar korunk tankam proxikxonn mellʼllam.—Est. 10:3; Mt. 20:25, 26.
Vhoddil aplo odhikar sonvsarantlea munxam bhaxen uzar korinant. Te tanchem dekhrekh korpachem kam, Jehova ani tachea lokanchea moga pasot kortat. (Ju. 21:16; 1Ped. 5:1-3) Jezuchea margdorxona khala, te dor eka porgottnnarak Jehova sangata tanchi ixttagot ghott dovrunk, ani tim Jehovachea familicho bhag zaun asat mhunn khatri korun gheunk modot kortat. Te Jehovachea xelliank urba diunk, toxench ek odruxtt ghoddtta vo konnachi-i bholaiki okosmat bigoddtta tednam, tankam rokddech modot korunk toiar astat. Tor tumkam modotichi goroz asa zalear, tumchea sobhent aslolea eka vhoddilachi modot gheunk fattim soronakat.—Jak. 5:14.
XELLIANCHI KALLJI GHEUPI GONVLLI, HO VIDEO POLLOIAT ANI UPRANT HEA PROSNANCHE ZOBAB DIAT:
Vhoddilanchea modotik lagon Mariana-k koso faido zalo?
Vhoddilanchea modotik lagon Elias-ak koso faido zalo?
Ho video polloilea uprant, vhoddil kortat tea kamam vixim tumkam koxem bhogta?