AMCHEM KRISTI JIVIT
Avoi-bapaimno—Tumchea Bhurgeank Devachi Zannvai Melloun Gheunk Modot Korat
Tumchea bhurgeank Devachi zannvai melloun gheunk modot korunk ek sogleam-von bori vatt mhunnttlear, mittingentlean faido zoddun gheunk tankam modot korop. Bhurgim mittingent jem aikotat, polloitat ani zobab ditat tednam, Jehova vixim anik xikonk ani tachim ghott ixttam zaunk tankam modot zata. (D.S. 31:12, 13) Tor avoi-bapaimno, tumchea bhurgeank mittingentlean anik faido zaunk tumi tankam koxi modot korunk zata?
Raj-ghorant mittingek hajir zaunk tumchean zata tem soglem korat.—St. 22:22
Raj-ghorant mittinge poilim vo uprant bhav-bhoinnam sangata vell sarat.—Heb. 10:25
Tumchea familintlea dor eklea lagim, mittingent xiktolim tea prokaxonanchi digital vo chhaploli kopi asa mhunn khatri korun gheiat
Tumchea bhurgeank tanchea svotachea utramnim zobab diunk modot korat.—Mt. 21:15, 16
Mittinge vixim ani tantunt ami jem xiktat tea vixim borem uloiat
Tumchea bhurgeank veg-vegllea kamant bhag gheunk, zoxem Raj-ghor nitoll korunk ani sobhentlea zannttea bhav-bhoinnam lagim ulounk xikoiat
Tumchea bhurgeank Jehovak lagim soronk modot korunk khub vavr mellon asa. Ani oxem korop thodde pavtti tumkam khub kotthin zaunk xokta. Punn Jehova tumkam modot kortolo mhunn tumi khatri dovrunk zata.—Iz. 40:29.
AVOI-BAPAIMNO—JEHOVA TUMKAM BOLL DITOLO MHUNN TACHER PATIEUN RAVAT, HO VIDEO POLLOIAT ANI UPRANT HEA PROSNANCHE ZOBAB DIAT:
Zack ani Leah ekdom thoktalim dekhun porinnam kitem zaunk laglo?
Avoi-bapaimnim Jehovachi modot kiteak gheunk zai?
Zack ani Leah-n, tim Jehovachea modoticher patieun ravtat mhunn koxem dakhoun dilem?