Kholaiecho Obheas Tumkam Zagrut Ravonk Modot Kortolo

Daniel 9:1-19 vachat ani kholaiecho obheas korop kiteak mhotvachem tem zannam zaiat.

Eke ghoddnne vixim zannam zaunk tachea bhonvtonnim aslolim versam vachat. Hachea poilim kosleo ghoddnneo ghoddloleo, ani Danielacher tacho kitem probhav poddlo? (Dan. 5:29–6:5) Tumi Daniel aslim zalear tumkam koxem bhogtolem aslem?

Kholaien sodh korat. Danielan khoinchea ‘povitr pustokamnim’ sodh kelo astolo? (Dan. 9:2; w11-E 1/1 22 ¶2) Danielan aplea ani Izraelachea lokanchea patkam pasot bhogsonnem kiteak maglem? (Lev. 26:39-42; 1 Raz. 8:46-50; dp-E 182-184) Danielachea magnneantlean to Devachea Utracho kholaien obheas kortalo mhunn koxem kolltta?—Dan. 9:11-13.

Tumi kitem xiklim tem chintat. Tumkanch vicharat:

• ‘Sonvsarant zata tea ghoddnneank lagon mhojem dhean halona zaunk hanvem kitem korunk zai?’ (Mik. 7:7)

• ‘Daniela bhaxen Devachea Utracho kholaien obheas kelʼlean mhaka koso faido zaunk xokta?’ (w04-E 8/1 12 ¶17)

• ‘Khoinchea vixoi-ancher svotacho obheas kelʼlean ‘zagrut ravonk’ mhaka modot zatoli?’ (Mt. 24:42, 44; w12-E 8/15 5 ¶7-8)