Devachea Rajea Udexim, Vatavoronnak Lagon Zatat Tea Somosiancho Koso Suttavo Zatolo?

“Vatavoronnant bodol zait asa dekhun lokank, xarank ani soglea jivea pranneank khub tras zatat. Toxench, bhirankull vadollam anikui bhirankull zait voitat, jea udexim ghoram nas zatat ani sonvsarbhor lokank jieunk khub tras zatat. Tea bhair, doriantlem udok gorom zait voita dekhun doriantlim zaitim pranni chodd temp urchimnant.”—Inger Andersen, under-secretary-general of the United Nations and executive director of the UN Environment Programme, Julay 25, 2023.

Sonvsarbhorchi hi somosia suttavi korunk, sogle sorkar ekvottan kam korunk pavtole kai? Sogleo somosia suttaveo korunk tanchea thaun zatolem kai?

Bible, ek oslo sorkar ietolo mhunn sangta zo sonvsarbhor vatavoronnak lagon zata teo sogleo somosia purnn toren kaddun uddounk xokta ani toso to kortoloch. Thoim sangta ki “sorgincho Dev . . . ek raj sthaptolo” vo aplo sorkar haddttolo jea udexim sonvsarant zatat teo sogleo somosia purnn toren kaddun uddoitolo. (Daniel 2:44) Tea sorkara khala, konnuch prithumek “vaitt korcho na vo dusream konnakuch nuksann haddcho na.”—Izaias 11:9.