Jezu Kirmeo ani Onʼneai Kaddun Uddoitolo

Kirmeo ani onʼneai-ak lagon amkam koxem bhogta tem Jezu ekdom bore bhaxen zannam. Karonn hea sonvsarant aslo tednam tacherui khotte arop lailole, guneav nastana taka khub marlo, kaide add vochon tacher kes keli, taka guneavkari tharailo ani tollmollaun marun uddoilo. Punn, tannem khuxen soglem sosun ghetlem “ani aplo jiv bolidan korun zaitea zannam pasot soddvonn” dili. (Matev 20:28; Juanv 15:13) Atam, to Devachea Rajeacho Raza zaun asa. Beginuch to neai kortolo ani akʼkhea prithume thaun kirmeo ani onʼneai sodankalla pasot kaddun uddoitolo.—Izaias 42:3.

Jezu kirmeo ani onʼneai kaddun uddoitolo tednam prithum koxi astolim tea vixim Bible sangta:

• “Matso rav noxtte monis nanch zatole; pollexi zalear, atanch hanga aslo to khoim pavlo? Punn Des zatolo khaltea monxancho ani sogllech vatten tankam xantin jieunk melltolem.”—Stotr 37:10, 11.

Jezun amchea pasot jem kelam ani jem kortolo, tachea pasot ami upkariponn koxem dakhounk zata? Ek vatt mhunnttlear, tannem porgott kelʼlea ‘Devachea Rajeache bore khobre’ vixim anik zannam zavop. (Lukas 4:43) Ho lekh vachat: “What Is the Kingdom of God?”