Jehovache Sakxi aploch dhorm sarko mhunn patietat kai?

Aplea dhorma vixim mog aslolea zonn eklean, apnnem vinchun kaddlolo dhorm Devak ani Jezuk manvota mhunn khatri korunk zai. Ani manvona zalear te hea dhormant kiteak asat hacher tannim niall korunk zata.

Dhorm mhunnche veg-veglleo vatto, ani khoinchea-i vatten gelear amkam taronn mellounk xokta oxem zaiteank dista. Punn Jezu Kristan oxem xikounk na. To sangta, “Jivitak pavoita to darvontto kitlo mhonn oxir ani to marog kitlo mhonn kotthin! Ani bhov thoddeank to mellta.” (Matev 7:14) Apnnak jivitak pavoita ti vatt mellʼllea mhunn Jehovachea Sakxeank khatri asa. Na zalear, te dusro dhorm apnnaita asle.