Watchtower ONLINE LIBRARY
Watchtower
ONLINE LIBRARY
Konkani (Romi)
  • BIBLE
  • PROKAXONAM
  • MITTING
  • Izaias 31
  • Novo Sonvsar Bhaxantor Bible

Tunvem vichun kaddla tea vixoi-acher viddeo na.

Sorry, ho viddeo sarko load zaunk na.

Izaias Hea Pustokachi Thoddi Mahiti

      • Khori modot Deva koddlean melltta, munxam koddlean nhoi (1-9)

        • Ejipttache ghodde hadda-masache (3)

Izaias 31:1

Futtnott

  • *

    Vo “je ghoddesvaranchem.”

Izaias 31:4

Futtnott

  • *

    Vo “ek tornatto xinv.”

Izaias 31:9

Futtnott

  • *

    Vo “uzo.”

  • Novo Sonvsar Bhaxantor Bible
  • 1
  • 2
  • 3
  • 4
  • 5
  • 6
  • 7
  • 8
  • 9
Novo Sonvsar Bhaxantor Bible
Izaias 31:1-9

Izaias

31 Je modoti pasot Ejiptta lagim voitat,

Je ghoddeancher patietat,

Je zhuzanchea rothancho ankddo polloun tancher visvas dovortat,

Ani je zhuzanchea ghoddeanchem* boll polloun tancher bhorvonso dovortat, tancher hai!

Te Izraelachea Povitr Devak polloinant,

Ani te Jehovak sodhinant.

 2 Punn to-ui zannvaiecho asa ani to odruxtt haddttolo,

Apnnem dilʼlem utor to fattim gheunchona.

Noxtteanchea ghora add to uttʼttholo,

Ani vaitt kortoleank tenko ditat tanchea add to panvl ghetolo.

 3 Ejipttache lok fokot munis zaun asat, Dev nhoi.

Tanche ghodde hadda-masache asat, disona tosli xokti nhoi.

Jehova aplo hat ubartolo tednam,

Je konn modot ditat te addkhollttole,

Ani je konn modot ghetat te poddttole,

Tancho sogleancho ekach borabor nas zatolo.

 4 Karonn Jehovan mhaka oxem mhunnttlem:

“Zoso ek xinv, ek bollixtt xinv* aplea xikarak lagon gurgurta,

Ani tea xinvak dhanvddaunk gonvlleanchea akʼkhea zomeak ektthaim apoun haddttat,

Tori astana tancho avaz aikon to bhiena,

Ani tancho bovall aikon to fattim sorona,

Teach bhaxen fouzancho Dev Jehova,

Sion Dongra pasot ani tachea porvota pasot zhuz korunk sokol ietolo.

 5 Fouzancho Dev Jehova eka suknnea bhaxen begin ieun Jeruzalemachi rakhonn kortolo.

To taka rakhtolo ani salvar kortolo.

To taka surokxit dovortolo ani vanchoitolo.”

6 “Izraelachea lokamno, tumi koslich loz dhorinastana jea Deva add geleat tachea lagim porot ieiat. 7 Karonn tea disa, dor eklo apnnem kelʼlea chandichea ani bhangrachea valor naslolea devank bhair martolo, zankam tannim aplea hatamnim toiar korun patok kelʼlem.

 8 Asiriekar tolvarin mortolo, punn munxachea tolvarin nhoi.

Taka khaun uddoitoli ti tolvar, munxachi aschina.

Tea tolvarik bhieun to pollon voitolo,

Ani tachea tornatteank gulam kortole.

 9 Bhirantin koddkoddon tachem khoddop nanch zatolem,

Ani khunna mhunn ubarlolo khambo polloun tache kunvor bhieun thorthortole,” oxem Jehova mhunntta,

Zacho uzvadd* Sionant asa ani zachi bhottʼtti Jeruzalemant asa.

Konkani Prokaxonam (1972-2025)
Log Out
Log In
  • Konkani (Romi)
  • Dhadd
  • Preferences
  • Copyright © 2025 Watch Tower Bible and Tract Society of Pennsylvania
  • Terms of Use
  • Privacy Policy
  • Privacy Settings
  • JW.ORG
  • Log In
Dhadd