4:10-15

Jehovachea adaran Moizes apli bhirant pois korunk xoklo. Jehovan Moizesak jem sanglem tantuntlean ami kitem xikonk zata?

• Amchea unneponnancher ami chodd dhean diunk zaina

• Apli seva purnn toren korunk Jehova amkam goroz tem soglem ditolo mhunn ami khatri dovrunk zata

• Munxanchi bhirant pois korunk amkam Devacher bhavarth asop gorjechem

Jehovachi seva korunk apnnachean zatolem kai mhunn Moizes dubhavlo. Jehovan dilʼlem kam aplea lagim zaunchem na oxem taka survatek dislem. (Sutt. 4:10, 13) Oxem tumkam kednam-i dislam? Tumi Jehovachea Sakxeam lagim Bible xiktat kai? Tumchean ghor-ghoramnim porgottunk zatolem kai mhunn tumi chintʼtat? Vo tumi ghoddie tornattim asot ani tumkam iskolant sakx diunk kotthin zata. Vo tumkam ghoddie fonacher sakx diunk vo eke torechea jahir porgottnnent bhag gheunk bhirant dista astoli. Jehova lagim magnnem korun povitr xokti magat. (1Ped. 4:11) Tache sevent koslem-i kam korunk to tumkam modot kortolo mhunn purnn khatri dovrat.—Sutt. 4:11, 12.