Munxachem jivit ekdom lhan ani “koxttamnim bhorlolem.” (Job 14:1) Tor prosn ieta: Devan amkam hem soglem sosunk rochleant kai? Na zalear, tannem amkam kiteak rochlim? Devak zai aslem toxem khorench ghoddon ietolem kai? Hea vixim Bible kitem mhunntta tem zannam zaun tumi ojap zatolim.

1. Jehova amkam koslem jivit diunk sodhta?

Ami boreantlem-borem jivit jielolim Jehovak zai. Taka lagon, tannem poilea zoddpeak Adanv ani Evek, Eden mhunnttlole eke sobit bagent dovorlim. Uprant, “axirvad ghalun Devan tankam mhollem: ‘Choddat ani vaddat, prithum bhorat ani tika tumchea hata khal dovrat.’” (Utpoti 1:28) Tor hea utram pormonnem, Adanv ani Evek bhurgim zolmon hi prithum bhorloli Devak zai asli. Sogleamnim hea prithumecho ani zonvarancho samball korunk zai aslo. Oxea toren, hi akʼkhi prithum ek sobit bag zatoli asli ani tantunt soglo lok bore bholaiken sasnak jietolo aslo.

Punn, Devak zai aslem toxem zaunk na.a Tori astana, Devan amchea pasot ievjilʼlem tem bodlonk na. (Izaias 46:10, 11) Khalto lok khuxalkaien sasnak jielʼlo taka zai.—Prokasovnni 21:3, 4 vachat.

2. Aiz khuxalkaien jieunk ami kitem korunk zai?

Devacho adar na zalear ami jivitant sanddonk xoktat. To dakhoita ti vatt amkam khub faideachi. Teach pasot, ami tachi xikounn gheun tachi bhokti korop gorjechem. (Matev 5:3-6 vachat.) Jehova anvddeta ki ami ‘tachea rosteamnim cholchem, tacho mog korcho ani soglea kallzan’ tachi seva korchi mhunn. Oxem korit tor ami tachim ixttam zaunk pavtolim. (Dusri Somurt 10:12; Stotr 25:14) Hea ixttagotik lagon, ami oddchonneancho bore toren fuddo korunk pavtolim ani khuxal astolim.

3. Munxank khuxalkaiechem jivit mellʼllolem Jehovak zai

VIDEO polloun sokol dilʼlea prosnacho zobab zannam zaum-ia.

VIDEO: Devan Prithum Kiteak Rochli?—Hacho thoddo bhag (1:41)

• Devan hi sobit prithum kiteak rochli?

Upodexok 3:11 vachun sokol dilʼlea prosnacho zobab zannam zaum-ia:

• Hea versant tumkam Jehova vixim kitem xikonk mellʼllem?

4. Jehovak zai aslem toxem zatolench

Stotr 37:11, 29 ani Izaias 55:11 vachun sokol dilʼlea prosnacho zobab zannam zaum-ia:

• Jehovak zai toxem zatolench mhunn ami kiteak khatri dovrunk zata?

5. Jehovachi bhokti korun ami khuxal zatat

VIDEO: Devan Amkam Kiteak Rochleant Tem Hanv Zannam Zalem (5:03)

• Devan amkam kiteak rochlim tem kollʼllea uprant Terumichem jivit koxem bodolʼlem?

Upodexok 12:13 vachun sokol dilʼlea prosnacho zobab zannam zaum-ia:

• Jehovan amchea pasot zaitem kelam, tor ami tache upkari asat mhunn koxim dakhoitolim?

KITEM XIKLIM

Ami hea prithumer sasnak khuxalkaien jielolim Jehovak zai. Ami purnn kallzan Jehovachi bhokti kortat zalear aiz pasun ami khuxal ravonk xoktat.

Porot Ugddas Korum-ia

• Jehova Devan Adanv ani Evek kiteak rochlolim?

• Munxam sodankal hea prithumer jietolim mhunn amkam kiteak khatri asa?

• Jivitant khori khuxalkai mellonk ami kitem korunk zai?

ANIK SODHAT

Eden bag khorench asli oxem mhunnonk kitem purave asat tem polloiat.

“Eden Bag Khorench Asli Kai?” (The Watchtower, January 1, 2011)

Hi prithum sasnak urtoli oxem ami kiteak mhunnonk zata tem zannam zaiat.

“Hea Prithumecho Nas Zatolo Kai?” (Web article)

Jivitant khori khuxalkai koxi mellonk xokta hea vixim Bible kitem sangta tem polloiat.

“Devan Amkam Kiteak Rochlim?” (Web article)

Eka munxa lagim soglem asonui to khuxal naslo. Taka khori khuxalkai koxi mellʼlli tem polloiat.

Atam Mhojem Jivit Khuxalbhorit Asa (3:55)

2. Jezu sangata konn raz choloitolim?

Jezu sangata raz cholounk Devan ‘dor eka kulla thaun, bhaxe thaun, zati thaun ani raxttra thaun lokank raza koxe prithumecher raj’ korunk vinchun kaddleant. (Prokasovnni 5:9, 10) Jezu prithumer ailo tednam thaun lakʼkhamnim lok tache xis zait asat. Punn ho soglo lok tachea sangata raz choloitolo kai? Na. Fokot 1,44,000 zannam Jezu sangata sorgar raz choloitolim. (Prokasovnni 14:1-4 vachat.) Toxem zalear, Jezuche xis zaleat tea lakʼkhamnim lokanchem kitem zatolem? Tankam hea prithumer Devachea Rajea khala sasnak jieunk mellttolem.—Stotr 37:29.

Gelʼlea odheai-ant Devachem Raj sorgar kednam suru zalem tea vixim ami polloilem. Tor hea odheai-ant tem Raj prithumer Razvottki choloitolem tednam amkam kitem boreponn mellttolem tem ami polloum-ia.

1. Devachem Raj soglea munxank xanti ani neai koxem favo kortolem?

Devachea Rajeacho Raza Jezu Krist Armageddon hea zhuzant soglea vaitt lokancho ani sorkarancho nas korun uddoitolo. (Prokasovnni 16:14, 16) Tednam soglim xantin jietolim ani onʼneai ascho na. (Izaias 11:4 vachat) Tea vellar, Bible-ant sangloli bhasaunni purnn zatoli: “Matso rav noxtte monis nanch zatole.”—Stotr 37:10.

2. Devachem Raj hea prithumer razvottki choloitolem tednam jivit koxem astolem?

Devachea Rajeant jivit koxem astolem tea vixim Bible oxem sangta: “Des zatolo borea monxanchem daiz: thoim ti tthikann kortolim sasnnachea sasnnak.” (Stotr 37:29) Tor, thoim fokot Jehova Devacho ani eka-mekacho mog korta toslo lok astolo. Tea vellar konnuch duent ascho na. Soglim sasnak jietolim. Chintun polloiat, tednam jivit kitlem borem astolem!

3. Vaitt lokancho nas zalea uprant Devachem Raj kitem kortolem?

Vaitt lokancho nas zalea uprant Jezu sorgar thaun hea prithumer 1,000 vorsam Raj choloitolo. Tea vellar, to ani tachea sangata Raj cholovpi 1,44,000 zann prithumer aslolea lokank sompurnn zaunk modot kortole. Tor, 1,000 vorsam sompta mhunnosor hi akʼkhi prithum sobit bag zatoli ani sogle lok Jehovachea kaideam pormonnem jietat dekhun te khuxal astole. Jehova Dev ek mogall tosoch boro Raza mhunn soglim vollkhonk pavtolim ani Jehovachem “nanv povitr” zatolem. (Matev 6:9, 10) Ek hozar vorsam somptat tednam Jezu tem Raj aplea Bapachea, mhunnche Jehovachea adhin kortolo. Magir Jehova Dev, Soitancho, tachea dutancho ani aplea Rajea add voitolea soglea lokancho nas kortolo. (Prokasovnni 20:7-10) Tea uprant, Devachea Rajea udexim mellttat tim besanvam sodankal urtolim.

KHOLAIEN XIKAT

4. Devachem Raj munxanche sogle sorkar kaddun uddoitolem

Sonvsarant thoddeach lokank podvi asta ani urlole tanchea ‘khala koxttovtat.’ (Upodexok 8:9) Punn, Devachea Rajeant oxe toren onʼneai zauncho na.

Daniel 2:44 ani 2 Tesalonikekarank 1:6-8 vachun sokol dilʼlea prosnanche zobab zannam zaum-ia:

• Jehova Dev ani tacho Put Jezu hea prithumer raj choloitolea sorkarank ani tankam sangat ditolea lokank kitem kortole?

• Jehova Dev ani Jezu vixim tumi atam porian jem xikleant tantuntlean te vaitt lokam sangata borea lokancho-i nas korcho na mhunn tumkam kiteak khatri asa?

5. Jezu sogleam-von boro Raza

Jezu sorgar thaun raz choloita tednam prithumer munxank zaitem boreponn haddttolo. Jezu lokancho mog korta ani heach pasot to tankam adar korunk sodhta. Titlench nhoi, Devan taka oxem korunk xokti pasun dilea. Hea vixim zannam zaunk VIDEO polloum-ia.

VIDEO: Devachem Raj Kitem Kortolem Tem Jezun Dakhoilem (1:13)

Prithumer astana Jezun zaitim vizmitam korun dakhoilim. Tor, tachea voilean fuddarak Raza zaun to kitem kortolo tem amkam kollon ieta. Jezun prithumer astana kitem kelem ani fuddarak to kitem kortolo tem sokol dilʼlem asa. Tor, Devachea Rajeant khoinchi bhasaunni purnn zata ti tumi pollounk axetat? Tea bhasaunnechea kuxik dilʼlim versam vachat.

6. Devachem Raj he prithumer boreponn haddttolem

VIDEO: Fuddarak Mellttolea Besanvancher Ek Nodor (4:38)

Stotr 145:16 vachun sokol dilʼlea prosnacho zobab zannam zaum-ia:

• Dev “sogllea rochnnank [munxank] dhadoxi” kortolo hem zannam zaun tumkam koxem dista?

KITEM XIKLIM

Dev aplea Rajea udexim aplo udʼdhex purnn kortolo. Akʼkhi prithum sobit bag zatoli ani tacher fokot Jehovachi bhokti korta toslo lok sasnak jietolo

Porot Ugddas Korum-ia

• Devachea Rajea udexim Devachem nanv povitr koxem zatolem?

• Bible-antleo bhasaunneo Devachea Rajeant purnn zatoleoch mhunn ami kiteak patieunk zata?

• Devachea Rajeant khoinchi bhasaunni purnn zatoli ti pollounk tumi axeun asat?

ANIK SODHAT

Armageddon mhunnttlear kitem tem zannam zaiat.

“Armageddon-achem Zhuz Mhunnttlear Kitem?” (Web article)

Jezun ‘Vhodd Sonkoxtta’ vellar kitem-kitem ghoddttolem mhunn sanglolem tem zannam zaiat.​—Matev 24:21.

“Vhodd Sonkoxtt Mhunnttlear Kitem?” (Web article)

Kuttumbantlea sogleamnim sangata mellon fuddarachea besanvacher koso niall korunk zata tem polloiat.

Sobit Bag Koxi Astoli Tem Niallat (1:50)

“Mhaka Zaite Prosn Asle,” hea lekhant sorkara add vavurtolea eka munxak tachea prosnanche zobab koxe mellʼlle tea vixim vachat.

“Bible Jivit Bodolta” (The Watchtower, January 1, 2012)