3. Aplea ixttamnim kitem kelʼlem Jehovak zai?

Jehova sogleancho mog korta, punn ‘apli bhokti kortoleank to aplem kalliz ugoddtta’ mhunnche, tanchea lagim ghott ixttagot korta. (Stotr 25:14) Aplea ixttamnim borem tem korun, vaitt tem nakarlolem taka zai. Thoddeank, Jehova sangta tem soglem aplea lagim korunk zaunchem na oxem disot. Punn, ami chuktat mhunn Jehova somzota. Ek munis soglea kallzan tacho mog korta ani taka manvota tem korunk proitn korta tednam Jehova khuxal zata.—Stotr 147:11; Itihas 10:34, 35.

Amkam sogleank oslim munxam avoddttat jim sodanch sot uloitat ani sarkem tem kortat. Jehovak pasun osleach lokam sangata ixttagot korunk avoddtta. Punn hea sonvsarant promannikponnan cholop titlem sompem na. Tori astana, ami promannik ravtat zalear kitem faide asat tem polloum-ia.

1. Promannikponnan cholop kiteak gorjechem?

Ami promannik astat tednam ami Jehova Devacho mog kortat ani taka man ditat mhunn dakhoitat. Ami kitem chintʼtat ani kortat tem soglem Jehova Dev zannam. (Hebrevank 4:13) Tor ami sot uloitat ani sarkem tem kortat tednam to khuxal zata. Bible mhunntta: “Khottea monxak Dev vitteta, punn promannik monxacher to visvas tthevta.”—Mhonnʼnneo 3:32.

2. Ami promannik asat zalear kitem kortolim ani kitem korchimnant?

Jehova Dev sangta: “Eka-meka kodde sot uloiat.” (Zekaria 8:16, 17) Tor, ami promannik asat zalear ami amchea ghorcheank, amchea sangata kam kortoleank, Kristi bhav-bhoinnank, sorkari odhikareank fott marchimnant vo tankam chukichi mahiti diunchimnant. Toxench, ami chori korchimnant vo dusreank nagounchimnant. (Mhonnʼnneo 24:28 ani Efezkarank 4:28 vachat.) Ani ami sorkarak soglo tax farik kortolim. (Romkarank 13:5-7) Hea toren ami ‘soglea vostumnim promannik’ mhunn dakhoitolim.—Hebrevank 13:18.

3. Promannik ravop kiteak faideachem?

Ami promannik ravtat tednam amkam ek nitoll ontoskornn melltta ani dusrim amcher visvas dovrunk xoktat. Hea toren, amchea familint ani amchea sobhent soglim khuxalkaien ani mogan jieunk pavtolim. Tea bhair, promannik aslolean ami ‘Taronn diupi Devachea xikounnechi sobitkai . . . vaddounk xoktolim.’ Toxench, lok khoro dhorm khoincho to vollkhon Devachi bhokti korunk lagtolo.—Titak 2:10.

KHOLAIEN XIKAT

4. Ami promannik ravlear Dev khuxal zata

Stotr 44:21 ani Malaki 3:16 vachun sokol dilʼlea prosnanche zobab zannam zaum-ia:

• Ami Devak fottounk zata oxem tumkam dista? Kiteak?

• Amkam sot ulounk kotthin zalear pasun ami sot uloitat tednam Jehovak koxem dista?

5. Sodanch promannik ravat

VIDEO: Kitem Khuxalkai Dita?—Ek Nitoll Ontoskornn (2:32)

Hebrevank 13:18 vachun sokol dilʼlea prosnanche zobab zannam zaum-ia:

• Ami amchea kuttumbant promannik koxem ravonk zata?

• Kamachea zagear vo iskolant ami koxem promannik ravonk zata?

• Anik khoinche-khoinche poristhitint ami promannik ravonk zata?

6. Promannikponn sodanch faideachem

Promannik ravlear survatek ghoddie amkam thoddeo oddchonneo ie-it. Punn toxem kelear amkam zaite faide asat. Stotr 34:12-16 vachun sokol dilʼlea prosnacho zobab zannam zaum-ia:

• Promannik aslear tumchem jivit sukh-sontosachem koxem zatolem?

1. Ghov ani bail eka-meka sovem promannik astat tednam tanchem kazari jivit ghott zata

2. Kamachea zagear promannik ravtat tednam tumcho patranv tumcher visvas dovorta

3. Sorkari kaide promannikponnan pallttat tednam tanchea mukhar amchem nanv borem urta

KITEM XIKLIM

Jehovak aplim ixttam utramnim ani korneamnim promannik aslolim zai.

Porot Ugddas Korum-ia

• Ami promannik asat mhunn koxem dakhounk zata?

• Ami Devak fottounk zata oxem tumkam dista? Kiteak?

• Tumi sodanch promannik kiteak ravonk sodhtat?

ANIK SODHAT

Promannik ravonk avoi-bapain bhurgeank koxem xikounk zata?

Sot Uloiat (1:44)

Ami dilʼlem utor pallop kiteak gorjechem?

Dilʼlem Utor Pallat Ani Tumkam Besanvam Mellttolim (9:09)

Ami farik kortat to tax sarke ritin uzar zaina zalear pasun ami to kiteak farik korunk zai tem zannam zaiat.

“Ami Tax Farik Korunk Zai Kai?” (The Watchtower, September 1, 2011)

Ek munis promannikponnan jienaslo. Tachem jivit bodlunk taka koxi modot zali tem zannam zaiat.

“Jehova Doiall Ani To Amkam Bhogxita Mhunn Hanv Zannam Zalom” (The Watchtower, May 1, 2015)

2. Ami vinchun kaddttat tea ixttam vixim Jehovak koxem dista?

Jehova aple ixtt xanneponnan vinchun kaddtta. ‘To promannik munxacher visvas tthevta.’ Ani oslinch borim munxam tachim ixttam zaun asat. (Mhonnʼnneo 3:32; Jakob 2:23) Tor, ami Jehovacho mog korinant tosleam munxam sangata ixttagot kortat tednam Jehovak vaitt dista. (Jakob 4:4 vachat.) Punn, tacho mog kortat tosle ixtt ami vinchun kaddlear to khuxal zata ani to amkam aple ixtt mhunn lekhta.—Stotr 15:1-4.