• Sodanch Devachi Bhirant Dovrun Faido Melloun Gheiat
    Pahrogopur (Obheas)—2023 | Jun

    • 6. Mhonnʼnneo odheai 9-antlean ami khoinchea don bailam vixim zannam zatolim?

      6 Atam ami Mhonnʼnneo odheai 9-ant sanglolea don bailam vixim zannam zaum-ia. Eke bailek zannvaiek sor kelea ani dusre bailek, murkhponnak.c Oxem kortana ami ugddas dovrum-ia ki Soitanacho sonvsar onoitik kamam korunk ani pornography pollounk piso zala. (Ef. 4:19) Dekhun ami amche bhitor Jehovachi bhirant vaddovop, ani vaitta thaun pois ravop gorjechem. (Mho. 16:6) Oxem korunk ami Mhonnʼnneo odheai 9-acher dhean dium-ia. Karonn tantuntlean amkam sogleank faido zaunk xokta. Thoim sangloli dor ek bail ‘somjikai nasloleank’ apounnem dita mhunnttlam. Tim dogaim eka orthan oxem sangtat: ‘Mhojea ghorant ieo ani jev.’ (Mho. 9:1, 5, 6, 13, 16, 17) Punn eklo khoinchea bailechem aikota tea pormonnem taka boro vo vaitt porinnam bhogcho poddtta.

  • Sodanch Devachi Bhirant Dovrun Faido Melloun Gheiat
    Pahrogopur (Obheas)—2023 | Jun
    • Adlea kalla voili Izraelantli ek xindoll bail, dara lagim ubi ravon eka dadleak tichea ghora apoita.

      ‘Murkh ostorechem’ apounnem manun ghetlem zalear tacho porinnam vaitt zatolo (Peregraf 7 polloiat)

      7. Mhonnʼnneo 9:13-18-nt sanglolea pormonnem, murkh ostorechem apounnem manun ghetat tanchem kitem zata? (Chitr pasun polloiat.)

      7 “Murkh ostori” koslem apounnem dita? (Mhonnʼnneo 9:13-18 vachat.) Loz nastana, ti somjikai naslolea munxak oxem mhunntta, “Oso ie!” ani mhojea sangata khaun khuxal zav. Punn tichem aikotat tanchem kitem zata? Tim soglim ‘mornnak’ pavtat. Mhonnʼnneo pustokant, osleach torechea anikui don ostoream vixim sanglam mhunn tumi ugddas korunk zata. Thoim amkam “suvadik Utramnim bhulovpi” ani “onvollki” [“pordvari,” NW] ostore vixim xittkaunni dilea. Bible-ant sanglam: “Tichem ghor mornnache vatten bagovta.” (Mho. 2:11-19) Toxench, Mhonnʼnneo 5:3-10-nt anik eke ‘pordvari ostore’ vixim sanglam ani “tiche paim mornnak pavoitat” mhunnttlam.

      8. Amkam koslo nirnnoi gheunk poddot?

      8 Jim ‘murkh ostorechem’ apounnem aikotat tankam ek nirnnoi korcho poddtta. Tem mhunnttlear, tim tem apounnem manun ghetolim vo na. Aiz amkam pasun osloch ek nirnnoi gheunk poddot. Amkam konnui onoitik kamam korunk apounnem dita tednam, vo media ani Internet-acher amkam burxim chitram ani video dixtti poddttat tednam, eka orthan ti murkh ostori amkam apounnem dita oxem ami mhunnonk zata. Tor tea vellar ami kitem kortolim to nirnnoi amkam gheunk poddtta.