• Bore Nirnnoi Koxe Gheunche?
    Sasnak Khuxalkaien Jieiat!—Bible Xikonk Modot

    • 5. Dusreanchem ontoskornn dukhovta toxem vagonakat

      Amchea jivitant ami soglim veg-veglle nirnnoi ghetat. Punn amchea nirnnoi-ank lagon dusreanchem ontoskornn dukhovna zaunk ami kitem kortolim? Ami don poristhiti polloum-ia:

      Poristhiti 1: Eke bhoinnik umkech toreche kopdde ghalunk avoddtta. Punn ti oslea sobhent voita, zoim bhav-bhoinnank tosle kopdde ghatlear borem disona.

      Romkarank 15:1 ani 1 Korintkarank 10:23, 24 vachun sokol dilʼlea prosnanche zobab zannam zaum-ia:

      • Hea versam pormonnem hi bhoinn kitem kortoli? Tumchea ontoskornna pormonnem umkench korunk tumkam ghoddie sarkem disot punn dusreanchem ontoskornn dukhovna zaunk tumi kitem kortolim?

      Poristhiti 2: Thoddo soro pievop chukichem nhoi mhunn Bible sangta hem ek bhav zannam. Tori astana, apunn kednanch soro pieuncho na mhunn tannem tharailam. Sobhentle bhav taka jevnnak apoitat ani thoim pavtoch to polloita ki te soro pietat.

      Upodexok 7:16 ani Romkarank 14:1, 10 vachun sokol dilʼlea prosnanche zobab zannam zaum-ia:

      • Hea versam pormonnem ho bhav kitem kortolo? Tumchea ontoskornna pormonnem umkench korop sarkem nhoi oxem tumkam disot. Punn dusrim tem kortat tednam tumi kitem kortolim?

      Ek nirnnoi gheunchea poilim kitem korunk zata?

      Ek bail magnnem korta.

      1. Magnnem korun Jehova lagim adar magat.—Jakob 1:5.

      Tich bail computer-acher Bible ani Bible adarit prokaxonant sodh korta.

      2. Bible-ant ani Bible adarit prokaxonamnim aslolim totvam sodhat. Toxench, tumi sotant ghott aslolea bhav-bhoinnancho adar gheunk zata.

      Ek bail chintʼta.

      3. Umkoch nirnnoi ghetlear, tumkam ani dusreank koxem distolem tem chintat.