13. 1933 thaun Sonvsarachem Dusrem Zhuz poriant utʼtorechea razan kitem kelem?

¹³ Uprant 1933 thaun suru zaun, khas korun sonvsarachea dusrea zhuzachea vellar utʼtorechea razan Devachea lokancher krur toren akromonn kelem. Nazi lokamnim Germany-k aplea tabeant kelea uprant, Hitler ani tachea vangddeamnim Devachea lokanchea kamacher bondi haddli. Utʼtorechea razan sumar 1,500 Jehovachea lokank jivexim marle ani hozaramnim bhav-bhoinnank concentration camps vo bondkhonnint ghatle. Hea ghoddnne vixim Danielan adim-fuddench sanglolem. Tor, utʼtorechea razan, ‘devmondir oxudʼdh kelem’ ani ‘disa-dispottim sodam bhettounche iodn thamboile.’ Hacho orth, tannem Devache lok kortat tea porgottnnechea kamacher bondi haddli. (Dan. 11:30b, 31a) Germany-nt aslolea soglea Devachea lokank jivexim marun uddoitolo mhunn pasun tacho fuddari, Hitler-an soput ghetlo.

DUSMAN SANGATA MELLON KAM KORTAT

17. ‘Sotʼtianasacho kanttallo’ kitem zaun asa?

¹⁷ Utʼtorechea razan ani dokxinnechea razan ek mhotvachea toren sangata mellon kam kelam. Tem mhunnttlear, tannim ‘sotʼtianasacho kanttallo bosoila.’ (Dan. 11:31) ‘Kanttallo haddtta’ to, United Nations zaun asa.

18. United Nations-ak ‘kanttallo haddtta’ toslo kiteak mhunnttla?

¹⁸ Fokot Devachem Raj korunk xokta tem, United Nations apunn kortolem mhunn sangta. Tem mhunnttlear, apunn sonvsarbhor xanti haddttolem mhunn davo korta. Taka lagon, hea songottnnek ‘kanttallo haddtta toslo’ mhunnttla. Ani bhasaunne pormonnem, kanttallo haddtta tem ‘sotʼtianas haddtta’ mhunn sangta, karonn khottea dhormak nas korunk United Nations-acho mhotvacho hat astolo.—“Xevottachea Disamnim Eka-meka Add Zhuztat Te Raza,” ho chart polloiat.