Beginuch Jehova Dev aple Razvottke udexim amche sogle tras kaddun uddoitolo. Hi bori khobor dusreank sangonk tumkam avoddttolem nhoi! Jezun aplea pattlavdarank hi khobor sogleank sangat mhunn adnea dilʼli! (Matev 28:19, 20) Jezun dilʼli hi adnea Jehovachim Sakxi koxim pallttat?

1. Matev 24:14-ant sanglam tem aiz koxem purnn zata?

Jezun mhunnttlem: “Rajeachi bori khobor akʼkhea sonvsarant porgott zatoli.” (Matev 24:14) Hea porgottnnechea kamant bhag gheunk Jehovachim Sakxi khuxen fuddem sortat. Hi bori khobor ami sonvsarbhor 1,000 poros chodd bhasamnim porgott kortat. Itlea vhodd promannan cholta tem kam korunk bori manddavoll asop gorjechem. Toxench, hea kamant zaito vell ghalunk poddtta ani zaito vavr korcho poddtta. Hem kam fokot Jehovachea adaranuch zaunk pavta.

2. Lokank porgott korunk ami kitem kortat?

Lokank porgott korunk ami poilea xekddeantlea Kristanvam bhaxen “ghoran-ghor” voitat. (Itihas 5:42) Hea toren ami dor vorsa lakʼkhamnim lokank porgott korunk pavtat. Thodde pavtt lok amkam ghoramnim mellona dekhun ami dusreo vatto uzar korun pasun porgottnni kortat. Jehova Deva vixim ani to fuddarak kitem korcho asa tea vixim dusreank sangonk, ami mellttat titleo-i sondhi uzar kortat.

3. Bori khobor konnem porgottunk zai?

Bori khobor porgott korop dor eka khorea Kristanvachi zobabdari zaun asa. Devan dilʼli hi zobabdari ami purnn kallzan pallttat. Hem kam korunk ami khub vavurtat karonn lokancho jiv dhokeant asa mhunn ami zannant. (1 Timotak 4:16 vachat.) Hem kam korunk amkam poixe mellonant. Bible sangta: “Tumkam funkott mellʼllam, tumi-i funkott diat.” (Matev 10:7, 8) Ami porgottʼttat tednam soglinch amchem aikotat oxem nhoi, tori astana ami porgott korchem bond korinant. Karonn hem kam amchea bhoktecho bhag zaun asa ani ami hem kam kelʼlem Jehovak zai.

KHOLAIEN XIKAT

4. Sogleank porgott korunk ami zaito vavr kortat

VIDEO: “Sonvsarachea Ximam Porian” Porgottnni (7:33)

• Porgottnni korunk Jehovachim Sakxi zo vavr kortat tea vixim tumkam kitem borem dista?

Matev 22:39 ani Romkarank 10:13-15 vachun sokol dilʼlea prosnanche zobab zannam zaum-ia:

• Amkam lokancho mog asa mhunn amchea porgottnnechea kamam vorvim koxem dison ieta?

• Bori khobor porgott kortoleam vixim Jehovak koxem dista?—Vers 15 polloiat.

5. Ami Deva sangata kam kortat

Porgottnnechea kamant Jehova margdorxon dita mhunn zaitea onubhovantlean kollon ieta. Udharonnak, New Zealand-ant donparchea vellar ghoran-ghor porgottʼttana Paul nanvachea bhavak ek bail mellʼlli. Teach sokallim te bailen Jehovachem nanv gheun magnnem kelʼlem. Tinnem apnnak mellonk konnak tori dhadd mhunn maglolem. Bhav Paul mhunntta, “Tin voram uprant hanv tichea ghora pavlo.”

1 Korintkarank 3:9 vachun sokol dilʼlea prosnacho zobab zannam zaum-ia:

• Jehova amchea kamank margdorxon dita mhunn voir dilʼlea onubhovantlean koxem kolltta?

Itihas 1:8 vachun sokol dilʼlea prosnacho zobab zannam zaum-ia:

• Porgottnnechem kam korunk amkam Jehovachea modotichi kiteak goroz asa?

Tumi zannant?

Porgottnni koxi korchi hea vixim amkam sumanachea modlea mittingek proxikxonn melltta. Oslea eka mittingek tumi hajir zaleant zalear thoim melltta tea proxikxonna vixim tumkam koxem dista?

6. Porgott korunk Devan amkam adnea dilea

Poilea xekddeant, Jezuche pattlavdar porgottnni kortale tednam virodheamnim tanchem kam bond korunk proitn kelo. Punn, tannim sorkari kaideancho adar gheun porgottnni korpacho ‘hokʼk rakhlo.’ (Filipkarank 1:7) Aiz Jehovachim Sakxi pasun toxench kortat.a

VIDEO: Kaideachea Adaran Bori Khobor Porgottop (2:28)

Itihas 5:27-42 vachun sokol dilʼlea prosnacho zobab zannam zaum-ia:

• Ami porgottnni kiteak bond korchimnant? —Vers 29, 38, ani 39 polloiat.

KITEM XIKLIM

Jezun aplea pattlavdarank bori khobor soglea raxttrantlea lokank porgottunk adnea dilʼli. Hem kam korunk Jehova aplea lokank modot korta.

Porot Ugddas Korum-ia

• Bori khobor akʼkhea sonvsarant koxi porgott zata?

• Porgottnne udexim amkam lokancho mog asa mhunn koxem kolltta?

• Porgottnni korun amkam dhadosponn mellonk xokta oxem tumkam dista? Kiteak?

ANIK SODHAT

Vhoddlea xaramnim ravtolea lokank Jehovachim Sakxi koxim porgottʼttat tem polloiat.

Paris-ant Zaito Lok Asa Tea Zagear Khas Porgottnni (5:11)

Asro gheupeank porgott korunk Jehovachea Sakxeamnim kitem kelem?

Asro Gheupeank Devachi Xikounn Mellʼlli (5:59)

Aplem jivit purnn vellache sevent uzar kelʼlean eke bhoinnik koxem dhadosponn mellʼllem tem aikat.

Hi Vatt Vinchli Mhunn Hanv Khuxal (6:29)

Korttant ghetlolea tharavank lagon porgottnnechem kam korunk koso adar zalo tem zannam zaiat.

“Porgottnnaram Apli Kes Korttant Manddttat” (God’s Kingdom Rules!, chapter 13)

Kristanvamnim bautizm ghevop gorjechem mhunn Jezun xikoilem. (Matev 28:19, 20 vachat.) Punn bautizm mhunnttlear kitem? Ani bautizm gheunk fuddem soronk eka munxan kitem korunk zai?

1. Bautizm mhunnttlear kitem?

“Bautizm” hem utor Grik bhaxechea ek utra thaun ailam zacho orth zaun asa “udkant buddovop.” Juanvan Jordan nodint Jezuk akʼkho buddoun bautizm dilʼlo. Tea khatir Bible mhunntta, Jezu “udkantlean bhair” sorlo. (Marku 1:9, 10) Teach porim, khorea Kristanvank pasun udkant buddoun bautizm ditat.

2. Ek munis bautizm gheun kitem dakhoita?

Ek munis bautizm gheta tednam tannem aplem jivit Jehovak somorpit kelam mhunn to dakhoita. Punn to Jehovak aplem jivit koxem somorpit korta? To magnnem korun apunn sodankal fokot Jehovachi seva kortolo ani tachi khuxi korop jivitant poilea zagear dovortolo mhunn bhas dita. To ‘apnnakuch nakarta’ ani Jezuchi xikounn ani dekh apnnaun tachea ‘fattlean cholta.’ (Matev 16:24) Somorponn ani bautizma udexim to Jehova sangata ani bhav-bhoinnam sangata ek laginchi ixttagot zhoddunk pavta.

3. Bautizm gheunk fuddem sortolim zalear tumi kitem korunk zai?

Bautizm gheunk fuddem sortolim zalear tumi Jehova vixim xikonk zai ani tacher tumcho bhavarth ghott korunk zai. (Hebrevank 11:6 vachat.) Jitlim tumi Jehova Deva vixim zannam zatolim, titlinch tumi tacher bhavarth dovrunk pavtolim ani tachea pasot tumcho mogui vaddttolo. Toxench, Jehova Deva vixim lokank sangonk ani tachea dorjeam pormonnem jieunk tumkam adar zatolo. (2 Timotak 4:2; 1 Juanv 5:3) Ek munis ‘Jehovachea sevokank sobta toxem vagon taka purnn toren khuxal korunk’ jieta zalear tannem Jehovak somorponn korun, bautizm gheunk zata.—Koloskarank 1:9, 10.a

KHOLAIEN XIKAT

4. Amkam Jezuchea bautizma thaun xikonk melltta

Jezuchea bautizma vixim anik zannam zaunk Matev 3:13-17 vachun sokol dilʼlea prosnanche zobab zannam zaum-ia:

• Jezun bautizm ghetlo tednam to ek lhan ballok aslo kai?

• Jezun bautizm koso ghetlo? Bautizma vellar tacher thoddem-xem udok ximpddailʼlem kai?

Bautizm ghetlea uprant Jezun Devan dilʼlem khas kam suru kelem. Lukas 3:21-23 ani Juanv 6:38 vachun sokol dilʼlea prosnacho zobab zannam zaum-ia:

• Bautizm ghetlea uprant Jezun aplea jivitant khoinchea kamak poilo zago dilo?

5. Tumi-i bautizm gheunk zata

Somorponn korunk ani bautizm gheunk apnnam lagim zaunchem na oxem survatek thoddeank dista. Punn, Jehova vixim xikot ravlear tache lagim tumchi ixttagot ghott zatoli ani hem mhotvachem panvl gheunk tumi fuddem sortolim. Thoddeamnim hem koxem kelam tem zannam zaunk VIDEO polloum-ia.

VIDEO: Jehova Sangata Tumchi Ixttagot Ghott Korat (1:11)

Juanv 17:3 ani Jakob 1:5 vachun sokol dilʼlea prosnacho zobab zannam zaum-ia:

• Bautizm gheunk eka munxak koxi modot zatoli?

1. Somorponn kortana ami sodankal Devachi seva kortolim mhunn bhas ditat

2. Bautizm gheun ek munis apnnem Devak somorponn kelam mhunn dakhoun dita

6. Bautizm gheun ami Jehovachea kuttumbacho bhag zatat

Sonvsarbhor aslolim Jehovachim Sakxi ek kuttumb koso zaun asat. Bautizm ghetat tednam ami hea kuttumbacho bhag zatat. Hea kuttumbantlim soglim veg-vegllea desachim ani zatichim asat tem khorem punn tanchi xikounn, patienni ani dorje veglle nant. Stotr 25:14 ani 1 Pedru 2:17 vachun sokol dilʼlea prosnacho zobab zannam zaum-ia:

• Bautizm ghetlea uprant Jehova sangata ani tachi bhokti kortoleam sangata eka munxachem natem koxem ghott zata?

KITEM XIKLIM

Kristanvamnim bautizm ghevop gorjechem mhunn Jezun xikoilem. Bautizm gheunk zai zalear eka munxan Jehovacher aplo visvas ghott korunk zai. Toxench, tannem Jehovak manvota tea pormonnem jieunk zai ani aplem jivit taka somorpit korunk zai.

Porot Ugddas Korum-ia

• Bautizm mhunnttlear kitem? Bautizm ghevop kiteak gorjechem?

• Somorponn mhunnttlear kitem ani ami tem kednam korunk zai?

• Somorponn ani bautizma poilim ami koslim panvlam gheunk zai?

ANIK SODHAT

Bautizm mhunnttlear kitem ani kitem nhoi tem zannam zaiat.

“Bautizm Mhunnttlear Kitem?” (Web article)

Eka munxan bautizm gheunk koslim panvlam gheunk zai tem polloiat.

“Jehova Pasot Mog ani Upkariponn Bautizm Gheunk Urba Dita” (The Watchtower, March 2020)

Ek munis bautizm gheunk kiteak fuddem sorlo tem vachat.

“Hem Sot Mhunn Hanvem Khatri Kelʼli Tankam Zai Asli” (The Watchtower, February 1, 2013)

Tumi bautizm kiteak gheunk zai ani tea pasot koxi toiari korunk zata tem zannam zaiat.

“Hanvem Bautizm Gheunk Zai Kai?” (Questions Young People Ask—Answers That Work, Volume 2, chapter 37)