Munis Mortoch Tachem Kitem Zata?

Amcho konnui morta tednam amkam khub dukh bhogta nhoi? Ami ghoddie chintit, ‘Melea uprant amchem kitem zata? Amchim ghorchim vo ixttam meleant tim jivont zatolim kai? Tim amkam porot mellttolim kai?’ Hea ani fuddlea odheai-ant amkam Bible-antlean hea prosnanche zobab mellttole. Ani te zannam zalʼlean amkam bhuzvonn mellttoli.

1. Munis morta tednam tachem kitem zata?

Jezun, moronn nhidek sor kelem. Eka munxak nhidlea uprant bhonvtonnim kitem zata tem kainch kollona. Tech porim, ek munis melea uprant taka kainch khobor asona. Taka koslech tras vo dukh zaina. Bible sangta, “meloleank koslich khobor asona.”—Upodexok 9:5 vachat.

2. Meloleam vixim sot zannam zaun amkam koso faido zata?

Aiz zaito lok melea uprant aplem kitem zatolem mhunn chintun bhietat ani thoddo lok meleant tankam bhieta. Meloleam vixim sot zannam zalʼlean aiz zaitea lokanchi bhirant pois zalea. Jezun mhunnttlem: “Sot tumkam svotontr kortolem.” (Juanv 8:32) Ek munis melear pasun, tacho otmo jivont urta mhunn aiz zaite dhorm xikoitat. Punn Bible-a pormonnem hem khorem nhoi. Munis melea uprant to amkam kainch vaitt korunk xokona, taka koslech tras zainant ani taka kainch khobor-ui asona mhunn Bible xikoita. Tor melolea munxa pasot magnnem korun vo tanchi bhokti korun kainch faido na.

Melolim aplea lagim uloitat oxem thoddo lok mhunntta. Punn oxem khorench zaunk xokta kai? Na. Karonn Bible sangta “meloleank koslich khobor asona.” Tor melolim amchea lagim ulounk xokonant. Punn thodde noxtte dut meloleanchem dhong korun munxam lagim ulouncho proitn kortat. Tor melolea vixim sot zannam zalʼlean noxttea dutam thaun amchi rakhonn zata. Meloleam lagim ulouncho proitn korcho nhoi mhunn Jehova sangta karonn ami toxem kelem zalear noxtte dut amkam tras kortole mhunn to zannam.—Dusri Somurt 18:10-12 vachat.

3. Meleant tanche poristhiti vixim zannam zaiat

Melea uprant munxachem kitem zata tea vixim lokanchi patienni veg-veglli asa. Punn tim patietat tem soglem sarkem oxem nhoi.

• Tumi ravtat tea zagear meloleam vixim lok kitem manta?

VIDEO: Melea Uprant Amchem Kitem Zata?—Hacho thoddo bhag (1:19)

Upodexok 3:20 vachun sokol dilʼlea prosnanche zobab zannam zaum-ia:

• Munis melea uprant tachem kitem zata?

• Melolea munxacho otmo jivo urta mhunn hem vers sangta kai?

Bible-ant amkam Lazara vixim vachunk melltta. To Jezucho ek ghott ixtt aslo. Juanv 11:11-14 vachtana Lazar melea uprant tache poristhiti vixim Jezu kitem sangta tacher dhean diat. Uprant sokol dilʼlea prosnanche zobab zannam zaum-ia:

• Jezun moronn kitea sangata sor kelem?

• Hantuntlean, meloleanchi poristhiti koxi asa mhunn kolltta?

• Bible mornna vixim jem sangta tem tumkam sarkem dista?

4. Meloleam vixim sot zannam zalʼlean amkam suttka melltta

Meloleam vixim ami sot zannam zatat tednam amchi bhirant pois zata. Upodexok 9:10 vachun sokol dilʼlea prosnacho zobab zannam zaum-ia:

• Meleant tim amkam tras korunk xoktat kai?

Thodde lok melolim jivim asat mhunn mantat ani tea khatir tanchi bhokti kortat vo tankam khuxal korunk thoddeo chali-riti pallttat. Punn Bible-antlem sot zannam zalʼlean ami oxem kainch korchimnant. Izaias 8:19 ani Prokasovnni 4:11 vachun sokol dilʼlea prosnacho zobab zannam zaum-ia:

• Ek munis meloleanchi bhokti korta vo meloleam lagim ulouncho proitn korta tednam Jehovak koxem bhogta?

5. Melolea vixim sot zannam zaun amkam bhuzvonn melltta

Munis melea uprant aplea vaitt korneank lagon tras sosta mhunn zaite lok patieta. Punn, melea uprant munxak koslech tras zainant mhunn Bible amkam dakhoita. Hem sot zannam zalʼlean amkam bhuzvonn melltta. Romkarank 6:7 vachun sokol dilʼlea prosnacho zobab zannam zaum-ia:

• Hea versa pormonnem melea uprant ek munis aplea patkam pasot tras sosta oxem tumkam dista?

Jehova vixim xikot ravtat tednam ami taka bore toren vollkhonk pavtolim. Toxench, to meloleank khast laina mhunn amkam kollon ietolem. Dusri Somurt 32:4 ani 1 Juanv 4:8 vachun sokol dilʼlea prosnanche zobab zannam zaum-ia:

• Hea versam pormonnem Dev meloleank khast laita oxem tumkam dista?

• Meloleam vixim sot zannam zaun tumkam koxem dista? Tumkam toxem kiteak dista?

KITEM XIKLIM

Ek munis melea uprant tachem jivit kabar zata, to koslech tras sosna ani to konnakuch tras korunk xokona.

Porot Ugddas Korum-ia

• Ek munis morta tednam tachem kitem zata?

• Meloleam vixim sot zannam zaun amkam koxi suttka melltta?

• Meloleam vixim sot zannam zaun amkam koxi bhuzvonn melltta?

ANIK SODHAT

Bible-a pormonnem “otmo” mhunnttlear kitem tem zannam zaiat.

“Otmo Mhunnttlear Kitem?” (Web article)

Dev vaitt munxank ujeant khast laita oxem zaito lok chinta. Hem khorem vo na tem zannam zaiat.

Ifern Khorench Asa Kai? (3:07)

Ami meloleank bhieunk zai kai?

Melolim—Amkam Modot vo Tras Korunk Xoktat Kai? (Brochure)

Munis melea uprant tachem kitem zata hea vixim sot zannam zalʼlean eka munxak koxi bhuzvonn mellʼlli tem zannam zaiat.

“Bible Spoxtt Ritin Zobab Dita Tem Zannam Zaun Hanv Ojap Zalo” (The Watchtower, February 1, 2015)