Hea Sonvsarache Bhag Zainastana Ravonk Ami Kitem Korunk Zai?

Jezun aplea pattlavdarank tumi hea “sonvsarache nhoi” mhunn sanglem. (Juanv 15:19) Tor, ami hea sonvsarachea rajkaronnant ani zhuzamnim bhag gheunk zaina. Hem korunk amkam sodanch sompem zaunchem na. Lok amchim fokannam korunk xoktat, tori astana ami Jehovak visvaxi koxim ravonk zata tem ami hea odheai-ant polloum-ia.

1. Kristanvam munxachea sorkarak man ditat kai?

Kristanvam munxachea sorkarak man ditat. Jezun mhunnttlem: “Somrazachem asa tem Somrazak diat.” (Marku 12:17) Jezuchea hea utrank pallo diun ami sorkarache kaide pallttat, zoxem ami tax farik kortat. Bible amkam sangta ki munxachea sorkarak Devan odhikar cholounk dila. (Romkarank 13:1) Hantuntlean amkam kollon ieta ki munxachea sorkarank zo odhikar asa to Deva poros khub unno asa. Tor, munxacheo sogleo oddchonneo Dev aple Razvottke udexim suttaveo kortolo mhunn ami tacher visvas dovortat.

2. Ami hea sonvsarache bhag nant mhunn ami koxem dakhounk zata?

Jezu hea prithumer aslo tednam, tannem kelʼlem vizmit polloun lok taka raza korunk sodhtale. Punn to thoinchean pollon gelo. (Juanv 6:15) Tor, Jezun hea sonvsarantlea rajkaronnant bhag gheunk na mhunn amkam kollon ieta. Punn oxem tannem kiteak kelem? Tannem mhunnttlem: “Mhojem Raj hea sonvsarantlem nhoi.” (Juanv 18:36) Tor, Jezu bhaxen ami pasun hea sonvsarache bhag zainant. Taka lagon, ami zhuzant bhag ghenant. (Mika 4:3 vachat.) Tea bhair, desachim khunnam mhunn uzar kortat tea vostunk, zoxem bavtteak ami solam korinant. Karonn ami toxem kelear tachi bhokti kelʼlea sarki zata, punn hea vostunk ami man ditat. (1 Juanv 5:21) Titlench nhoi, ami eka rajkaronnachea pokxeachi vo eka montreachi bazu ghenant. Hea soglea vattamnim ami Devache Razvottkek visvaxi asat mhunn dakhoun ditat.

KHOLAIEN XIKAT

3. Khore Kristanv hea sonvsarache bhag nhoi

Jezun ani tachea pattlavdaramnim amchea pasot ek borem udharonn dovorlam. Romkarank 13:1, 5-7 ani 1 Pedru 2:13, 14 vachat. Uprant, VIDEO polloun sokol dilʼlea prosnanche zobab zannam zaum-ia.

VIDEO: Khorim Kristanvam Konnachich Bazu Ghenant—Bhag 1 (4:28)

• Ami sorkari odhikareank kiteak man diunk zai?

• Ami tankam koso man diunk zata?

Zhuzachea vellar, thodde des apunn konnachech vatten na mhunn sangtat. Punn khorem mhunnttlear, te donui pokxeank zhuzant modot kortat. Punn, ami konnachoch pokx ghenastana ravonk kitem korunk zata? Juanv 17:16 vachat. Uprant, VIDEO polloun sokol dilʼlea prosnacho zobab zannam zaum-ia.

VIDEO: Khorim Kristanvam Konnachich Bazu Ghenant—Bhag 2 (3:11)

• Konnachich bazu ghenastana ravop mhunnttlear kitem?

Sorkari odhikari amkam Devachea kaideam add kitem-i korunk sangtat tednam ami kitem kortolim? Itihas 5:28, 29 vachat. Uprant, VIDEO polloun sokol dilʼlea prosnanche zobab zannam zaum-ia.

VIDEO: Khorim Kristanvam Konnachich Bazu Ghenant—Bhag 3 (1:18)

• Ami konnacheo adnea pallunk zai—munxacheo vo Devacheo?

• Kristanvam khoinchea poristhitint sorkari odhikareanche kaide pallchimnant? Udharonn diat.

4. Chintnamnim ani korneamnim konnachich bazu ghenakat

1 Juanv 5:21 vachat. Uprant, VIDEO polloun sokol dilʼlea prosnanche zobab zannam zaum-ia.

VIDEO: Khorea Kristanvank Dhirachi Goroz Kiteak Poddtta—Zhuzant ani Rajkaronnant Bhag Ghenastana Ravonk (2:49)

• Bhav Ayenge-n khoincheach rajkaronnachea pokxeachi bazu kiteak gheunk na vo raxttram pasot aslolea kariavollint bhag kiteak gheunk na?

• Tannem sarkem tem kelem oxem tumkam dista kai?

Ami konnachich bazu ghenastana ravtat mhunn ami anik khoinchea poristhitimnim dakhounk zata? VIDEO polloun sokol dilʼlea prosnanche zobab zannam zaum-ia.

VIDEO: Pahrogopurant Xiklolim Lisanvam—Futt Poddlolea Sonvsarant Konnachich Bazu Ghenakat (5:16)

• Don des khellttat tednam ami konnachich bazu ghenant mhunn ami koxem dakhounk zata?

• Rajkaronnachea fuddareamnim ghetlolea nirnnoi-ak lagon amchea jivitacher koslo-i porinnam zata zalear pasun ami konnachich bazu ghenant mhunn ami koxim dakhoitolim?

• News-ar vo lokam koddlean kosleo-i khobro aikotat tednam ami konnachich bazu ghenant mhunn koxim dakhoitolim?

KITEM XIKLIM

Kristanvam aplea chintnamnim, utramnim ani korneamnim rajkaronnant konnachich bazu ghenastana ravonk khub proitn kortat.

Porot Ugddas Korum-ia

• Sorkari odhikareank ami kitem diunk favo?

• Rajkaronnant ami konnachich bazu kiteak ghenant?

• Khoinchea poristhitint ami konnachich bazu ghenant mhunn dakhoitolim?

ANIK SODHAT

Konnachich bazu ghenastana ravtat tednam amkam kosle teag korunk poddot?

Jehova Amkam Kednanch Soddun Diunchona (3:14)

Bazu ghenastana ravonk poddtta toslea poristhitincho fuddo korunk familintlea sogleamnim sangata mellon koxi toiari korunk zata?

Jahir Kariavollimnim Bazu Ghenastana Ravop (4:25)

Eka munxak jivitant kitem kelear sogleam-von chodd man mellonk xokta?

“Deva Lagim Sogllem Ghoddta” (5:19)

Kamam vixim nirnnoi ghetana, ami hea sonvsarache bhag nhoi mhunn koxem dakhounk zata tem polloiat.

“Zonn-Eklean Ap-Aplem Ojem Ukollchem” (The Watchtower, March 15, 2006)

Aiz na tor faleam lok amkam Jehovachi seva bond korunk virodh vo dhumallo haddunk xoktat. Tea vellar, ami bhieupachi goroz asa kai?

1. Amcher dhumallo ieta tednam ami kiteak ojap zainant?

Bible sangta: “Krist Jezuchim xis koxim Devachi bhokti korit jieunk sodhtat tankam sogleank dhumallo soschoch poddttolo” (2 Timotak 3:12) Jezu Soitanachea sonvsaracho bhag naslo dekhun tacher dhumallo ailo. Tor, ami pasun hea sonvsarache bhag nant dekhun sorkari odhikari ani dhormik songottnnam amcher dhumallo haddttat ani tea pasot ami ojap zainant.—Juanv 15:18, 19.

2. Dhumallea pasot ami atam koxi toiari korunk zata?

Ami Jehovacher amcho visvas atam ghott korunk zai. Oxem korunk ami dor disa magnnem korunk zai ani Bible vachunk zai. Toxench, ami chukonastana mittingek hajir zaunk zai. Oxem ami kortat tednam, amcher koslo-i dhumallo ailear vo amchi famil pasun amcho virodh korta zalear ami dhiran tacho fuddo korunk pavtolim. Apostl Paulucher pasun zaito dhumallo ailo. Tannem tacho koso fuddo kelo? Tannem mhunnttlem: “Jehova mhozo modot korpi zaun asa, hanv bhieunchona.”—Hebrevank 13:6.

Dhumalleacho dhiran fuddo korunk ami anik kitem korunk zai? Ami porgottnnechea kamant bhag gheunk zai. Karonn, ami porgottnni kortat tednam ami Jehovacher patieun ravonk xiktat ani munxanchi bhirant pois kortat. (Mhonnʼnneo 29:25) Tor, ami atam bhienastana porgottnni kortat zalear, sorkaran amchea kamacher bondhi haddlear pasun ami dhiran porgottnni korunk pavtolim.—1 Tesalonikekarank 2:2.

3. Dhumallo ailear pasun ami thir ravlear amkam kosle faide asat?

Dhumallo sosunk konnakuch avoddna tem khorem. Punn, dhumallo ailear pasun ami thir ravtat tednam amcho visvas ghott zata. Amche lagim dhumallo sosunk zaina oxem amkam dista tednam Jehova amkam modot korta tem polloun ami taka anik lagim sortat. (Jakob 1:2-4 vachat.) Amcher dhumallo ieta tednam Jehovak khub dukh zata. Punn, dhumallea vellar ami thir ravtat tednam to khuxal zata. Bible sangta: “Tumi borem kam kortat dekhun dukh sostat zalear Devache nodren tem borem zaun asa.” (1 Pedru 2:20) Dhumallo ailear pasun ami xevott porian thir ravlear Jehova amkam sasnik jivit ditolo. Ani tednam khore bhoktek virodh korpi konnuch ascho na.—Matev 24:13.

KHOLAIEN XIKAT

4. Famili thaun virodh ailear tumi thir ravonk xoktat

Ami Jehovachi seva korunk nirnnoi ghetat tednam, amchi thoddim ghorchim amcho virodh korunk puro ani hea vixim Jezu zannam aslo. Matev 10:34-36 vachun sokol dilʼlea prosnacho zobab zannam zaum-ia:

• Ek munis Jehovachi seva korunk nirnnoi gheta tednam kitem zaunk xokta?

VIDEO: Jehovan Amkam Vengent Ghetlim (5:13)

• Jehovachi seva korunk tumchim ixttam vo soirim tumkam addaitat zalear tumi kitem kortolim?

Stotr 27:10 ani Marku 10:29, 30 vachat. Dor ek vers vachlea uprant, sokol dilʼlea prosnacho zobab zannam zaum-ia:

• Tumchim ghorchim vo ixttam tumcho virodh kortat zalear tumkam hea versantlean kitem khatri melltta?

5. Dhumallo ailear pasun Jehovachi bhokti korit ravat

VIDEO: Dhumallo Ailear Pasun Dhir Dakhoiat (6:27)

• Hea video-nt kitem polloun tumkam ghottai mellʼlli?

Itihas 5:27-29 ani Hebrevank 10:24, 25 vachat. Dor ek vers vachlea uprant, sokol dilʼlea prosnacho zobab zannam zaum-ia:

• Sorkar amkam porgott korinaka vo mittingek hajir zainaka mhunn sangta zalear pasun ami Jehovachi seva kiteak korit ravonk zai?

6. Jehova tumkam thir ravonk modot kortolo

VIDEO: Jehova Mhaka Ghottai Ditolo (3:40)

• Video-nt dakhoilʼlea bhav-bhoinnank, Jehovak visvaxi ravonk koxi modot zali?

Romkarank 8:35, 37-39 ani Filipkarank 4:13 vachat. Dor ek vers vachlea uprant, sokol dilʼlea prosnacho zobab zannam zaum-ia:

• Tumcher kosli-i porikxa ailear pasun tumchean tacho fuddo korunk zatolench mhunn him versam tumkam koxi khatri ditat?

Matev 5:10-12 vachun sokol dilʼlea prosnacho zobab zannam zaum-ia:

• Dhumallo ailear pasun tumi kiteak khuxal asonk xoktat?

KITEM XIKLIM

Dhumallo aslearui ami Jehovachi seva korchi soddinant tednam Jehova amcho khub valor korta. Tor, tachea modotin ami dhumalleant pasun thir ravonk xoktat!

Porot Ugddas Korum-ia

• Amcher dhumallo ieta tednam ami kiteak ojap zainant?

• Dhumallea pasot ami atam koxi toiari korunk zata?

• Tumcher kosli-i porikxa ailear Jehovak visvaxi ravonk tumkam modot zatolich mhunn tumi kiteak khatri dovrunk zata?

ANIK SODHAT

Military-int bhag gheunk na dekhun eka tornnattea bhavak bondkhonnint ghatlo tednam Jehovan taka koxi modot keli tem ami polloum-ia.

Dhumallo Aslear Pasun Thir Ravop (2:34)

Zaitea vorsam thaun dhumallo aslear pasun eka zoddpeak Jehovachi seva visvaxiponnan korunk koxi modot zali tem polloiat.

Poristhiti Bodolta Tednam Pasun Jehovachi Seva Korit Ravat (7:11)

Dhiran dhumalleacho koso fuddo korunk zata tem zannam zaiat.

“Dhumalleam Pasot Atanch Toiari Korat” (Pahrogopur, July 2019)

Familint virodh ieta tednam tumi kitem ugddas dovorchi goroz asa ani tumi tea poristhiticho koso fuddo korunk zata?

“Sot, ‘Xanti Nhoi, Punn Tolvar’ Haddta” (Watchtower, October 2017)