Dukh-Tras Ani Vaittponn Kiteak Asa?

Amchea jivitant kitem-i vaitt ghoddtta tednam ami chintʼtat, “amcher he dukh-tras kiteak ietat?” Hea vixim Bible kitem sangta tem zannam zaun tumchea monak xanti mellttoli.

1. Vaittponn konnak lagon suru zalem?

Soitan apunn munxakullacher raz cholounk sodhtalo dekhun to Devachea add gelo. Tannem poilea zoddpeak, Adanv ani Evek fott sangli. (Utpoti 3:1-5) Jehova Dev tankam borem tem diunk sodhina mhunn Soitanan Evechea motint ghatlem. Tim Jehovachi adnea pallinant zalear chodd khuxal astolim ani kednanch morchimnant mhunn tannem sanglem. Even Soitanachem aikon Jehovachi adnea moddli. Oxe toren, Soitanan vaittponn suru kelem. Tannem poili fott marli dekhun Bible-ant taka “fottkiro ani fottincho bapui” mhunnttla.—Juanv 8:44.

2. Adanv ani Even zannam zaun kosli chuk keli?

Jehova Dev Adanv ani Evecho khub mog kortalo dekhun tannem tankam khuxal ravonk soglem dilʼlem. Bagentlim soglim follam tannim khaunk zatalim. Punn Devan tankam fokot ekuch zhaddachem foll khainakat mhunn sanglolem. (Utpoti 2:15-17) Tori astana, Soitanachem aikon Even ‘tem foll kaddlem ani khalem.’ Uprant, Adanvanui ‘tem khalem.’ (Utpoti 3:6) Devan tankam patok nastana rochlolim tor tanchea lagim chuk zaunk xokonasli. Tem foll khaun tim mudʼdom Devachea add gelim. Borem ani vaitt kitem tem Devan tankam sangchi goroz na mhunn tannim dakhoilem. Tannim Devachi adnea moddli dekhun tancher dukh-tras aile.—Utpoti 3:16-19.

3. Adanv ani Even zannam zaun patok kelem dekhun kitem zalem?

Adanv-Evechea patkak lagon soglim patki zalim. Bible sangta: “Eka munxa udexim patok hea sonvsarant bhitor sorlem ani patka udexim moronn. Hea toren moronn soglea munxam modem posorlem.”—Romkarank 5:12.

Amcher dukh-tras ieunk anikui karonnam asat. Ek-ek pavtt ami zannam zaun chukichem panvl ghetat. Thodde pavtt dusreanche chukink lagon amcher dukh-tras ieta. Toxench, thodde pavtt ami oslea zagear astat zoim okosmat ek vaitt ghoddnni ghoddtta.—Upodexok 9:11 vachat.

KHOLAIEN XIKAT

4. Dukh-trasancho zobabdar konn to zannam zaiat

Hea sonvsaracher Dev Raz choloita mhunn zaite lok chintʼtat. Punn hem khorem kai? VIDEO polloum-ia.

VIDEO: Sonvsar Konnachea Tabeant Asa? (1:24)

Jakob 1:13 ani 1 Juanv 5:19 vachun sokol dilʼlea prosnacho zobab zannam zaum-ia:

• Amcher ietat tea dukh-trasancho zobabdar Dev kai?

5. Soitan raz choloita dekhun kitem porinnam zala?

VIDEO: Devan Azunui Dukh-tras Kiteak Kaddunk Na?—Hacho thoddo bhag (3:07)

Utpoti 3:1-6 vachun sokol dilʼlea prosnanche zobab zannam zaum-ia:

• Soitanan kitem mhunn fott marli?—Vers 4 ani 5 polloiat.

• Jehova munxank borem tem diunk sodhina mhunn Soitanan Evechea monant koxem ghatlem?

• Munxak khuxal ravonk Jehova Devachi goroz na mhunn Soitan dakhounk sodhtalo hem koxem kolltta?

Upodexok 8:9 vachun sokol dilʼlea prosnacho zobab zannam zaum-ia:

• Aiz sonvsaracher Jehova Raz choloina dekhun kitem porinnam zala?

1. Adanv-Evek Devan patok nastana rochun eke sobit bagent dovorlim. Punn, Soitanachem aikon tim Devachea add gelim

2. Adanv-Even Devachi adnea moddlea uprant sonvsarant patok, dukh-tras ani moronn ailem

3. Beginuch Jehova Dev patok, moronn ani dukh-tras kaddun uddoitolo. Ani tea uprant munis poripurnn zaun hea prithumer sasnak khuxalkaien jietolo

6. Jehovak amchi porva asa

Amcher dukh-tras ieta tednam Jehovak koxem dista? Raza Davidan ani apostl Pedrun kitem boroilam tem ami vachun polloum-ia. Stotr 31:7 ani 1 Pedru 5:7 vachun sokol dilʼlea prosnacho zobab zannam zaum-ia:

• Ami dukh-tras sostat tednam Jehovak dukh bhogta, hem zannam zaun tumkam koxem dista?

KITEM XIKLIM

Soitanak ani Adanv-Evek lagon aiz sonvsarant vaittponn asa. Punn Jehovak amchi kallji asa ani to beginuch hem soglem vaittponn kaddun uddoitolo.

Porot Ugddas Korum-ia

• Soitanan Evek kosli fott marli?

• Adanv-Eve Devachea add gelim dekhun kitem porinnam zalo?

• Jehova amchi porva korta mhunn amkam koxem kolltta?

ANIK SODHAT

Patok mhunnttlear kitem, hea vixim Bible kitem sangta tem zannam zaiat.

“Patok Mhunnttlear Kitem?” (Web article)

Eden bagent Soitanan Devachea raz-odhikaracher koslo prosn ubarlo tea vixim vachat.

“Devan Dukh-Tras Kiteak Kaddunk Na?” (The Watchtower, January 1, 2014)

Eka mhotvachea prosnacho zobab zannam zaiat.

“Lakʼkhamnim Judevank Nazi Lokamnim Marun Uddoile Tednam Devan Kiteak Addaunk Na?” (Web article)

Aplea bhonvtonni aslole dukh-tras polloun eka munxak koxem bhoglem tem polloiat.

Hanv Jehovacher Patietam (5:09)

Adanv-Evechea patkak lagon ami soglim patki zalim. Heach pasot, aiz amcher dukh-tras asat ani ami mortat.a Punn Devan amkam patkantlean ani mornnantlean soddounk ek manddavoll keli. Tannem aplea ekleach Putak, Jezuk amchea pasot hea sonvsarant dhaddlo. Jezun ap-khuxen aplem poripurnn jivit amche pasot bhettoilem ani amkam mornnantlean salvar korunk mol farik kelem, zaka soddvonn mhunnttat. (Matev 20:28 vachat.) Tachea bolidanak lagon amkam hea prithumer sasnak jieunchi sondhi melltta. Jehovan ani Jezun amche pasot jem kelem tantuntlean te amcho kitlo mog kortat tem amkam kollon ieta. He soddvonne pasot ami upkari asat mhunn koxem dakhounk zata tem polloum-ia.

1. Jezuchea mornna udexim aiz amkam kitem melltta?

Patki zalʼlean ami zaite pavtti chuktat ani Devachem kalliz dukhoitat. Punn amchea chukink lagon ami Jezu udexim Deva lagim bhogsonnem maglear to amkam bhogxitolo. Toxench, teo chuki porot korina zaunk ami zata titlo proitn kortat tednam Deva lagim amchi ixttagot ghott zatoli. (1 Juanv 2:1) Bible sangta: “Krist  . .  amchea patkank lagon ekuch pavtti sodankala pasot melo. Tumkam Deva lagim pavounk, to nitivont asonui nitivont nant toslea lokam pasot melo.”—1 Pedru 3:18.

2. Jezuchea mornna udexim fuddarak koslim besanvam mellttolim?

Jezucher “bhavarth dovortat tea sogleancho nas zaina zaunk punn tankam sasnachem jivit mellchem mhunn” Jehovan Jezuk hea prithumer dhaddlo. (Juanv 3:16) Khorench Jezun amchea pasot ek vhodd bolidan dilam! Jezuchea bolidana udexim, Adanvachea patkak lagon ailolem soglem vaittponn Jehova beginuch kaddun uddoitolo. Tor aiz ami Jezuchea bolidanacher bhavarth dovorlear, fuddarak amkam dukh-tras nastana hea prithumer sasnak jieunk mellttolem.—Izaias 65:21-23.

KHOLAIEN XIKAT

3. Jezuchea mornna udexim amkam soddvonn melltta

VIDEO: Jezu Kiteak Melo?—Bhag 1 (2:01)

• Adanvan Devachi adnea moddli dekhun tannem kosli sondhi hogddaili?

Romkarank 5:12 vachun sokol dilʼlea prosnacho zobab zannam zaum-ia:

• Adanv-achea patkak lagon amcher kitem porinnam zalo?

Juanv 3:16 vachun sokol dilʼlea prosnacho zobab zannam zaum-ia:

• Jehovan Jezuk hea prithumer kiteak dhaddlo?

2. Tannem Devachi adnea pallʼlli dekhun soglim munxam poripurnn zatolim ani tankam sasnik jivit mellttolem

4. Jezuchea mornna udexim soglea lokank faido zata

VIDEO: Jezu Kiteak Melo?—Bhag 2 (2:00)

• Eka munxachea mornna udexim soglea munxakullak koso faido zata?

1 Timotak 2:5, 6 vachun sokol dilʼlea prosnacho zobab zannam zaum-ia:

• Adanv poripurnn aslo, punn tachea patkak lagon soglea munxancher patok ani moronn ailem. Adanv-a bhaxen Jezu-i ek poripurnn munis aslo. Tor Jezuchea mornna udexim “soddvonnechem sarkem mol” koxem farik zalem?

5. Soddvonn Jehova Deva thaun ek moladik dennem

Jehovachea lokank soddvonn khorench ek moladik dennem zaun asa. Galasiekarank 2:20 vachun sokol dilʼlea prosnacho zobab zannam zaum-ia:

• Apostl Paulu, Jezun dilʼlem bolidan moladik mhunn lekhtalo hem amkam koxem kolltta?

Adanvan patok kelem tednam tacher mornnachi xikxa poddli. Ti xikxa tachea sonstikui favo zali ani taka lagon aiz ami soglim mortat. Punn Jehova Devan aplea ekleach Putak hea prithumer dhaddlo ani munxakulla pasot sasnik jivitachi vatt ukti keli.

Sokol dilʼlim versam vachtana, Jehovak aplo Put tras sosta tem polloun koxem dislem astolem tem chintat. Juanv 19:1-7, 16-18 vachun sokol dilʼlea prosnacho zobab zannam zaum-ia:

• Jehovan ani Jezun tumchea pasot jem kitem kelam, tea vixim tumkam koxem bhogta?

KITEM XIKLIM

Jezu amchea pasot melo dekhun amkam amchea patkachem bhogsonnem melltta, toxench fuddarak sasnak khuxalkaien jieunchi sondhi melltta.

Porot Ugddas Korum-ia

• Jezu kiteak melo?

• Adanva udexim ailolea mornna thaun suttka diunk jem mol farik korunk zai aslem tem Jezuchea mornna udexim koxem farik zalem?

• Jezuchea mornna udexim amkam kitem mellttolem?

ANIK SODHAT

Jezuchea bolidanak soddvonn kiteak mhunnttat tem zannam zaiat.

“Jezuchea Bolidana Udexim Zaiteak Soddvonn Koxi Melltta?” (Web article)

Salvar zatolim zalear ami kitem korunk zai tem zannam zaiat.

“Jezu Amkam Koso Salvar Korta?” (Web article)

Amchim patkam vhodd aslear pasun Jehova amkam bhogxita kai?

“Bible Adarit Prosnanche Zobab” (The Watchtower, May 1, 2013)

Jezuchea bolidancher niall korun eka munxak koxi modot zali tem zannam zaiat.

“Mhaka Hinvsechea Gulamponna Thaun Suttka Mellʼlli” (Web article)