1. Bore ixtt vinchun kaddop kiteak gorjechem?

Ami jea lokam sangata vell sartat, zaum tem internet-ar pasun, tancho boro vo vaitt porinnam amcher poddonk xokta. Karonn Bible sangta, “xanneam borabor bhonvlear xannom zata, pixea vangdda [Jehovacho mog korina tanchea vangdda] bhonvta tachem nisonntton zatolem.” (Mhonnʼnneo 13:20) Tor, xanneam sangata mhunnttlear Jehovacho mog kortat tosleam sangata ami vell sarlo zalear tim amkam Jehova sangata ghott ixttagot samballunk modot kortolim ani bore nirnnoi gheunk adar ditolim. Punn, Jehovacho mog korinant tosleam munxam sangata ami vell sarlo zalear tim amkam Jehova thaun pois vhortolim. Haka lagon, ami bore ixtt vinchun kaddpachi goroz asa. Bible sangta, ‘eka-mekak urba ani ghottai di-it ravat.’ (1 Tesalonikekarank 5:11) Oxem kelem zalear, amkam ani amchea ixttankui faido zatolo.

Jehova Devan amkam ulounchem ek dennem dilam. Tor, ami koxim uloitat ani kitem uloitat tem Jehova polloita. (Jakob 1:26 vachat.) Toxem zalear, ami Jehovak borem dista tea ritin koxim uloitolim?

1. Jehovan amkam ulounchem dennem dilam tem ami bore ritin koxem uzar korunk zata?

Bible amkam sangta: ‘Eka-mekak urba ani eka-mekak ghottai di-it ravat.’ (1 Tesalonikekarank 5:11) Konnakui dhir vo urba diunchi goroz asa oxem tumkam dista? Toxem zalear, tumi kitem korunk zata? Tumkam tanchi khub kallji asa mhunn tumi tankam sangonk zata. Toxench, tumkam tanche vixim kitem borem dista tem-ui tumi sangonk zata. Itlench nhoi, tumi tankam Bible-antlean ek borem vers dakhounk zata. Punn ugddas dovrat, tumi kitem sangtat tench nhoi, punn tumi tem koxem sangtat tem-ui khub gorjechem zaun asa. Tor, dusream lagim uloitana doiall ani movall ritin uloiat.—Mhonnʼnneo 15:1.

2. Koslem ulovop ami pois korunk zai?

Bible sangta: “Koslench vaitt utor tumchea tonddantlean bhair sorchem nhoi.” (Efezkarank 4:29 vachat.) Tacho orth, ami dusreank galleo marcheo nhoi vo dusreank dukhoitat toslim utram ulounchim nhoi. Toxench, ami dusreancheo chaddio korcheo nhoi ani tanchem nanv piddʼddear zata toxem ulounchem nhoi.—Mhonnʼnneo 16:28 vachat.

3. Dusreank urba melltta tea ritin ulounk amkam koxi modot zatoli?

Ami kitem uloitat tea vorvim amchea kallzant ani monant kitem asa tem dusreank kollon ieta. (Lukas 6:45) Tor, jeo vostu niticheo, nirmoll, mogall ani vakhannʼnni haddttat tosleo asat tancher ami dhean diunk zai. (Filipkarank 4:8) Oxem korunk, ami amchem monoronjon ani ixttam vinchun kaddttana chotrai dovrunk zai. (Mhonnʼnneo 13:20) Toxench, ami jem kitem uloitat tem dusreank borem distolem vo vaitt distolem tem chintunk ami poilim vell kaddunk zai. Karonn, Bible sangta: “Ovichari utram torvari bhaxen toptat, punn, xanneanchi jib pekovnni haddta.”—Mhonnʼnneo 12:18.

KHOLAIEN XIKAT

4. Tumchea uloupacher tabo dovrat

Ek-ek pavtti ami jem kitem uloitat, tea vixim amkam uprant vaitt dista. (Jakob 3:2) Galasiekarank 5:22, 23 vachun sokol dilʼlea prosnanche zobab zannam zaum-ia:

• Tumchea uloupacher tabo dovrunk modot zaunk khoinchea gunnam pasot tumi magnnem korunk sodhtat? He gunn aslear tumkam koxi modot zatoli?

1 Korintkarank 15:33 vachun sokol dilʼlea prosnacho zobab zannam zaum-ia:

• Tumi jem monoronjon ani jim ixttam vinchun kaddttat tancho tumchea ulounneacher koso probhav poddonk xokta?

Upodexok 3:1, 7 vachun sokol dilʼlea prosnacho zobab zannam zaum-ia:

• Thodde pavtt ami vogi ravon dusrea vellar uloilear kiteak borem?

5. Dusream vixim borem uloiat

VIDEO: Dusreank Urba Melltta Tea Toren Uloiat (4:07)

• Ho bhav dusream vixim jea ritin uloitalo tem tannem bodolchi goroz kiteak asli?

• Aplem ulovop bodlunk tannem kitem kelem?

Upodexok 7:16 vachun sokol dilʼlea prosnacho zobab zannam zaum-ia:

• Amkam dusream vixim vaitt ulounchi tallnni ieta tednam ami kitem ugddas dovrunk zai?

Upodexok 7:21, 22 vachun sokol dilʼlea prosnacho zobab zannam zaum-ia:

• Konnui tumchea vixim vaitt uloita tednam xant ravonk him versam tumkam koxim modot kortolim?

6. Tumchea famili lagim uloitana doiall ritin uloiat

VIDEO: Mog Ani Resped Familink Ekvottaien Dovorta (3:08)

• Tumchea famili lagim doiall ritin ulounk tumkam koxi modot zatoli?

Efezkarank 4:31, 32 vachun sokol dilʼlea prosnacho zobab zannam zaum-ia:

• Ami koxem uloilear familint mog vaddttolo?

Aplea Puta Jezu vixim apleak koxem dislem tem Jehovan sanglem. Matev 17:5 vachun sokol dilʼlea prosnacho zobab zannam zaum-ia:

• Tumchea famili lagim uloitana tumi Jehovachi dekh koxi gheunk zata?

KITEM XIKLIM

Amchea utrancho dusreancher boro vo vaitt porinnam zaunk xokta. Tor ami kitem uloitat, kednam uloitat ani koxim uloitat tem chintun ulounk zai.

Porot Ugddas Korum-ia

• Dusreank borem dista tea ritin tumi koxem ulounk zata?

• Koslem torechem ulovop tumi pois korunk sodhtat?

• Dusream lagim doiall ritin ani tankam urba melltta toxem ulounk amkam koxi modot zatoli?

ANIK SODHAT

Dusream lagim bore ritin ulounk amkam koxi modot zatoli?

Uloitat Tednam Xanneponn Dakhoiat (8:04)

Vaitt ritichem ulovop bond korunk tumkam koxi modot zatoli tem zannam zaiat.

“Galleo Marop Khorench Chukichem Kai?” (Web article)

Chaddio korpacheo bond korunk tumkam koxi modot zatoli tem zannam zaiat.

Hanvem Chaddio Sangop Koxem Bond Korunk Zata? (2:36)

Ek dadlo khub galleo martalo. Teo bond korunk Jehovan taka koxi modot keli tem zannam zaiat.

“Mhojea Jivitacho Udʼdhex Kitem Asa Kai Mhunn Hanv Bariksannen Chintunk Laglom” (The Watchtower, August 1, 2013)