Zaito lok kuddichea sombonda vixim ulounk fatti sortat. Punn Jehova Devan hea vixim Bible-ant ukteponnim ani bore ritin sanglolem asa, karonn to amchem borem chintʼta. Amchea pasot kitem borem tem to zannam. Tor, ami tacheo adnea pallttat tednam ami sasnak khuxal astolim. Toxench, Jehova Dev pasun khuxal zatolo.

1. Kuddichea sombonda vixim Bible-ant kitem sanglam?

Kuddicho sombond Jehova Deva thaun ek dennem zaun asa. Ani hem dennem tannem fokot kazari zoddpeank dilam. Hea dennea vorvim ek zoddpem bhurgeak zolmank haddunk xokta ani toxench eka-meka pasot mog dakhoun dhadoxi zaunk xokta. Bible sangta: “Tujea tornea piraier logn zalolea baile sangata dhadoxi zav.” (Mhonnʼnneo 5:18, 19) Kazari zoddpim eka-mekak visvaxi aslolim Jehovak zai ani tannim pordvar kelʼlo taka naka.—Hebrevank 13:4 vachat.

2. Pozoddponn mhunnttlear kitem?

Bible sangta: “Onoitik kuddicho sombond dovorpi . . . Devachea Rajeache daiji zaunchenant.” (1 Korintkarank 6:9, 10) Bible boroupeamnim onoitik kuddicho sombond vo pozoddponn hea utrak porneia hem Grik utor uzar kelam. Porneia mhunnche (1) kazar zainastana kuddicho sombonda dovrop, (2) apleach lingachea munxa lagim kuddicho sombond dovrop (dadlean-dadlea lagim ani bailen-baile lagim) ani (3) zonvaram lagim kuddicho sombond dovrop. Tor, ami “onoitik kuddichea sombonda thaun pois” ravtat tednam Jehova khuxal zatolo ani ami-i khuxal zatolim.—1 Tesalonikekarank 4:3.

KHOLAIEN XIKAT

3. Pozoddponn pois korat

Juze nanvachea eka visvaxi munxan noitik ritin nitoll ravonk kitem kelem tem polloum-ia. Utpoti 39:1-12 vachun sokol dilʼlea prosnanche zobab zannam zaum-ia:

• Juze thoinchean kiteak dhanvon gelo?—Vers 9 polloiat.

• Tannem kelem tem sarkem oxem tumkam dista? Kiteak?

VIDEO: Pozoddponna Thaun Pois Dhanvat (5:06)

Ami pozoddponna thaun pois ravlolim Jehovak zai. 1 Korintkarank 6:18 vachun sokol dilʼlea prosnanche zobab zannam zaum-ia:

• Khoinchea poristhitint ek munis pozoddponnachea tallnnent poddonk xokta?

• Tumi pozoddponna thaun koxem pois ravonk zata?

4. Tumi tallnneo pois korunk zatat

VIDEO: Tallnneo Pois Korunk Bible Vachat (3:02)

• Tea bhavak apunn aplea chitnamnim ani vagnnukent aple bailek ovisvaxi zaunk xokta mhunn kollʼllem tednam tannem kitem kelem?

Thodde pavtti, thoddea visvaxi Kristanvank pasun vaitt chintnam pois korunk kotthin zata. Tumi vaitt chintnam koxim pois korunk zatat? Filipkarank 4:8 vachun sokol dilʼlea prosnanche zobab zannam zaum-ia:

• Hea versa pormonnem ami kitea vixim chintunk zai?

• Bible vachun ani Jehovache sevent vavrit ravon, tallnneo pois korunk tumkam koxi modot zatoli?

5. Jehovachea dorjeam pormonnem jielear amchench borem zatolem

VIDEO: Okʼkol Naslolim Zaum Nakat (9:31)

• To tornnatto tallnnent koso poddonk pavlo?—Mhonnʼnneo 7:8, 9 polloiat.

• Mhonnʼnneo 7:23 ani 26 dakhoita ki pozoddponn kelem zalear khub vaitt porinnam zata. Ami noitik ritin nitoll ravtat tednam koslea trasant poddchimnant?

• Noitik ritin nitoll ravlear amkam koslim besanvam mellttolim?

Apleach lingachea munxa lagim sombond dovrop chukichem mhunn Bible sangta. Hem aikon thoddeank Dev tancho mog korina oxem disot. Punn Dev sogleancho mog korta ani soglim khuxalkaien sasnak jielʼlim taka zai. Tor, sasnak jietolim zalear ami tachea dorjeam pormonnem jieunk zai. 1 Korintkarank 6:9-11 vachun sokol dilʼlea prosnacho zobab zannam zaum-ia:

• Hea versant, fokot apleach lingachea munxa lagim pozoddponn korop chukichem mhunn sanglam kai?

Devak manvololim zaunk ami amchea jivitant bodlav korunk zai. He bodlav korop faideachem oxem tumkam dista? Stotr 19:8, 11 vachun sokol dilʼlea prosnacho zobab zannam zaum-ia:

• Jehovache dorje amcheach boreak oxem tumkam dista? Kiteak?

KITEM XIKLIM

Kuddicho sombond hem ghov-bailank Jehova Deva thaun dennem zaun asa.

Porot Ugddas Korum-ia

• Pozoddponnant koslim-koslim vaittponnam mellon asat?

• Pozoddponna thaun pois ravonk amkam koxi modot zatoli?

• Jehovache noitik dorje pallttat tednam amkam kosle faide astat?

ANIK SODHAT

Ek cheddo ani cheddum sangata ravonk sodhtat zalear tim kazar zalʼlim Devak kiteak zai?

“Kazar Zainastana Sangata Ravop Sarkem Kai?” (Web article)

Apleach lingachea munxa lagim pozoddponn korop chukichem mhunn Bible sangta. Punn ami toslea munxancho dves kiteak korunk zaina?

“Apleach Lingachea Munxa Lagim Sombond Dovrop Kiteak Chukichem?” (Web article)

Kuddichea sombonda vixim Devan dilʼlea soglea kaideank lagon amchi rakhonn zata.

“Oral Sex Korop Chukichem Kai?” (Web article)

Apleach lingachea munxa sangata sombond dovortolea eka dadleak aplem jivit bodlunk koxi modot zali tem ami “Tannim Mhaka Man Dilo” hea onubhovant polloum-ia.

“Bible Jivit Bodolta” (The Watchtower, April 1, 2011)

Zaitea lokank dista ki tim kazar zalearuch khuxal astolim. Punn ami kazar zalearuch vo ankvar aslearuch khuxal astolim oxem na. Bible sangta ki kazari jivit ani ankvarponn donui Jehova Deva thaun dennim zaun asat.

1. Ankvar aslear kosle faide astat?

Bible sangta: “Zo kazar zata to borem korta, punn zo kazar zaina to chodd borem korta.” (1 Korintkarank 7:32, 33, 38 vachat.) Ankvar munis khoinchea vattamnim “chodd borem” korunk xokta? Kazari zoddpeank astat teo zobabdari ankvar munxank asonant. Tor, tankam chodd svotontrtai asta. Udharonnank, tankam porgottnnechea kamant chodd korunk sondhi asta, zoxem tankam dusrea desant vochon porgottunk melltta. Toxench, Jehova lagim ghott sombond zhoddunk tankam zaito vell melltta.

2. Kaidea pormonnem kazar zatat tankam kosle faide asat?

Ankvar astat tankam faide astat toxech, kazar zatat tankam-i faide astat. Bible sangta, “eklo aslolea poros dog zann aslear odik borem.” (Upodexok 4:9) Kristanvam Bible totvam apnnaun kaidea pormonnem kazar zatat tednam tim khuxal astat. Karonn tim kazar zatat tednam tim eka-mekacho mog kortolim, eka-mekak man ditolim ani eka-mekachi opurbai kortolim mhunn bhas ditat. Dekhun, aplo sangati apleak soddun voitolo mhunn eke bailek vo ghovak bhirant asona. Ani tankam bhurgim aslear tancho-i fuddar boro zata.

3. Kazara vixim Jehova kitem mhunntta?

Jehovan sanglem: “Dadlo aplea avoibapaik soddta ani eke bailek ektthovta.” (Utpoti 2:24) Tor, kazari zoddpeamnim jivitbhor eka-mekacho mog korunk zai ani eka-mekak visvaxi ravonk zai. Konnem-i divors ghetlolo Jehovak avoddna. Punn eklean pordvar kelo zalear, guneanvkari na tea sangatean taka divors diuncho vo na tem tharaunk zata. Dusrea khoincheach karonnak lagon divorsa divop chukichem. (Matev 19:9) Ghovak eka poros chodd bailo asop vo bailek eka poros chodd ghov asop hem pasun Jehovak avoddna.—1 Timotak 3:2.

KHOLAIEN XIKAT

4. Ankvar aslear pasun khuxal ravonk zata

Ankvarponn Jehova Deva thaun ek dennem mhunn Jezun sanglem. (Matev 19:11, 12) Matev 4:23 vachun sokol dilʼlea prosnacho zobab zannam zaum-ia.

• Jezun aplem ankvarponn Jehovachi seva korunk ani dusreank modot korunk koxem uzar kelem?

Ankvar Kristanvamnim pasun Jezuchi dekh gheun Jehovachea sevent chodd vavr korun ani dusreank modot korun khuxal ravonk zata. VIDEO polloun sokol dilʼlea prosnacho zobab zannam zaum-ia.

VIDEO: Visvaxi Ankvar Bhav-Bhoinnimno (3:11)

• Kristi bhav-bhoinnamnim ankvar astana kitem-kitem korunk zata?

Tumi Zannant?

Umkeach piraier kazar zaunchem oxem Bible khoinch sangona. Punn “tornni pirai zaun” vocho porian ravlear borem zatolem. Karonn, hi pirai soron gelea uprant bore nirnnoi gheunk tumkam modot zatoli.—1 Korintkarank 7:36.

5. Ek sangati vinchun kaddttana chitat

Kazar zaunk ek sangati vinchun kaddcho nirnnoi eka Kristanvachea jivitant khub mhotvacho zaun asa. Matev 19:4-6, 9 vachun sokol dilʼlea prosnacho zobab zannam zaum-ia.

• Kazar zauncho nirnnoi chintun gheunk zai, to ghoddboddin gheunk zaina. Kiteak?

Ek boro kazari sangati vinchun kaddunk Bible amkam modot korta. Jehovacho mog korta toslo sangati vinchun kaddop khub gorjechem zaun asa.b 1 Korintkarank 7:39 ani 2 Korintkarank 6:14 vachun sokol dilʼlea prosnanche zobab zannam zaum-ia.

• Jehovacho mog korta toslea munxa lagim kazar zavop kiteak gorjechem?

• Jehovacho mog korina toslea munxa lagim kazar zalear Jehovak koxem distolem?

6. Jehova lekhta toxem tumi kazarachem natem lekhtat kai?

Adlea kallar, Israelitkar dadle svarthak lagon aple bailek divors ditale. Malaki 2:13, 14, 16 vachun sokol dilʼlea prosnacho zobab zannam zaum-ia.

• Pordvar soddun anik khoinchea-i karonnank lagon ghov-bailam aplem kazar moddttat zalear Jehovak tem kiteak avoddna?

VIDEO polloun sokol dilʼlea prosnacho zobab zannam zaum-ia.

VIDEO: Kazar—Ek Sasnachem Natem (4:30)

• Tumcho ghov vo bail Jehovachi seva korina zalear pasun tumi tumchem kazari jivit koxem khuxal korunk zata?

7. Kazara vixim Jehovache dorje pallat

VIDEO: Kazara Vixim Jehovache Dorje Pallat (4:14)

Hebrevank 13:4 vachun sokol dilʼlea prosnacho zobab zannam zaum-ia.

• Kazara vixim Jehovan dilʼle dorje pallunk tumkam kotthin oxem dista kai? Kiteak?

Jehova Devak zai ki kazar zaunk sodhtat tannim kaidea pormonnem kazar zaunchem ani konnui divors gheunk tharaita zalear tannim to kaidea pormonnem gheuncho. Oxem kelʼlean, tim sorkarache-i kaide pallttolim. Titak 3:1 vachun sokol dilʼlea prosnacho zobab zannam zaum-ia.

• Tumi kazari asat zalear tumi sorkari kaidea pormonnem kazar zaleant kai?

KITEM XIKLIM

Kazari jivit ani ankvarponn Jehova Deva thaun dennim zaun asat. Ami ankvar asum vo kazari asum ami Jehova Devache dorje pallttat tednam khuxal astolim.

Porot Ugddas Korum-ia

• Ankvar astat tim kitem-kitem korunk xoktat?

• Jehovacho mog korta teach munxa lagim kazar zaunchem mhunn Bible kiteak sangta?

• Bible-a pormonnem divors diunk ekuch karonn khoinchem?

ANIK SODHAT

“Fokot Somiant aslolea lagim” kazar zavop mhunnttlear kitem?

“Vachpeam Thaun Prosn” (The Watchtower, July 1, 2004)

Boro sangati koso vinchun kaddunk zata ani kazara vixim bore nirnnoi koxe gheunk zatat hem zannam zaunk don lhan video polloiat.

Kazari Jivita Pasot Toiari Korop (11:53)

Apnnem soddlam tachea poros Jehovan apleak dilam tem chodd moladik oxem eka bhavak kiteak dista tem zannam zaiat.

Tem Sot Xiktolem Oxem Mhaka Dislem (1:56)

Divors gheunchea poilim vo aplea kazari sangatea thaun kuxin ravcho nirnnoi gheunchea poilim eka munxan kitem ugddas dovrunk zai?

“Devan Zoddlam Taka Man Diat” (The Watchtower, December 2018)