• Dhormank Lagon Devachem Nanv Koxem Piddʼddear Zalam?
    Sasnak Khuxalkaien Jieiat!—Bible Xikonk Modot

    • 2. Dhormanchea nanvan kelʼlea vaitt kamank lagon kitem zata?

      Jehova lokancho mog korta, punn khottea dhormanim mog dison iena. Bible sangta, khottea dhormachea “patkanchi ras mollba meren pavlea.” (Prokasovnni 18:5) Zaitea xekddeam thaun khottea dhormache fuddari rajkaronnant meter zait asat. Tannim zhuzam korunk tenko dila zaka lagon lokancho jiv pasun gela. Thoddea dhormik fuddareamnim lokam koddlean danam ektthaim korun hispa bhair girestkai ektthaim kelea. Tor, hachea voilean dhormik fuddareank Devachi sarki vollokh na mhunn kollon ieta. Hea pasot tankam Deva vixim xikouncho hokʼk na.—1 Juanv 4:8 vachat.

  • Sodanch Jehovak Visvaxi Ravat
    Sasnak Khuxalkaien Jieiat!—Bible Xikonk Modot

    • VIDEO polloiat.

      VIDEO: Bollixtt Babilona Thaun Bhair Sorat! (5:06)

      ‘Vorixtt Babilona Thaun Bhair Sorat!’ hea video-ntlem ek chitr. Ek Bible videarthi igorjent aplem kam soddtta ani padri asa thoim thaun bhair soron voita.

      Lukas 4:8 ani Prokasovnni 18:4, 5 vachun sokol dilʼlea prosnanche zobab zannam zaum-ia:

      • Hanv aiz porian eka khottea dhormant sodoxio mhunn asam kai vo mhojem nanv thoim register kelʼlem asa kai?

      • Khottea dhorma sangata natem aslolea khoinchea-i songottnnent hanv asa kai?

      • Hanv ji sirvis kortam tantuntlean hanv khoinchea-i ritin khottea dhormank tenko ditam kai?

      • Ani khoinchea-i ritin khottea dhorma sangata mhojem natem asa kai?

      • Hantuntlea khoinchea-i prosnacho zobab hanv ‘hoi’ mhunn ditam zalear hanvem kitem korchi goroz asa?

      Amchem ontoskornn sodanch nitoll urta ani ami Jehovak visvaxi ravonk pavtat tosle nirnnoi ami gheunk zai.

      Ek bhoinn ani ticho put supermarket-antlean bhair sortat. Ek bail dhormank lagon poixe magot ani tichea mukhailean tim cholon voitat.

      Eka dhorma pasot konnem-i tumche lagim dan maglem zalear tumi kitem kortolim?

      THODDO LOK MHUNNTTA: “Dhorm-broxtt korpi Jehovachea Sakxeam vixim kitem sangtat tem zannam zalearuch ami tanchea prosnanche zobab diunk pavtolim.”