Kednai Tori Koxtt Kabar Zatole?

BIBLE HACHE VIXIM KITEM SANGTA

‘Dev . . . tanchea dolleantlim sogllim dukam pusun kaddtolo; moronn anink aschem na, dukh anink korchim nant, rudon somptolem, koxtt-ui anink asche nant.’—Prokasovnni 21:3, 4, Povitr Pustok.

HEM ZANNAM ZALʼLEAN AMKAM KITEM MELLTA

Khatri, ki Dev amcher tras haddina.—Jakob 1:13.

Buzvonn, ki Dev amchem dukh ani koxtt boro somzota.—Zekaria 2:8.

Bhorvonso, ki soglle tras kabar zatole.—Stotram 37:9-11.

BIBLE KITEM SANGTA TEM AMI KHOREANINCH PATIEUNK ZATA?

Hoi, don karonnak lagon:

• Dev koxtt ani onʼneaiacho dves korta. Adlea kallar aplea lokancher zulum zata tem polloun Jehova Devak kitem bhoglem tem chintun polloiat. Bible sangta, “piddapidd ditoleanchea bharan tim pinrgotalim” dekh­un, Jehovak tanchem churchurem distalem.—Fuddari 2:18.

  Dusreank tras ditat tancho Devak khubuch rag ieta. Udharonnak, Bible mhuntta, “nir­opradhi rogot varovpi hat”, hancho Dev dves korta.—Mhonnʼnneo 6:16, 17.

• Dev zonn ekleachi kallji gheta. Munxanchi, “koxttam-dukhinchi zagrutai” tankanch nam, punn Jehovak-ui asa.—2 Itihas 6:29, 30.

  Jehova aple rajea vorvim dor eka munxache koxtt kabar kortolo. (Matev 6:9, 10) Tea mhunnosor, je konn taka khorea monan sodtat tankam to buzvonn dita.—Itihas 17:27; 2 Korintkarank 1:3, 4.