Devachem Raj Mhunnttlear Kitem?

BIBLE HACHE VIXIM KITEM SANGTA

“Sorgincho Dev kednanch bhosm zaun vechem na toslem ek raj sthaptolo.”—Daniel 2:44, 45, Povitr Pustok.

“To vhodd zatolo ani Bhov Vorto Dev Taka Aplo Put mhonnttolo . . . ani Tachem raj kednanch sompchem na.”—Lukas 1:32, 33.

HEM ZANNAM ZALʼLEAN TUKA KITEM MELLTTOLEM

• Hea promannikponnachea sorkara thaun, atam tuka besanvam.—Izaias 48:17, 18.

• Ani fuddarak, ieunchea asa tea novea sonvsarant, bori bholaiki ani khuxalkai.—Prokasovnni 21:3, 4.

BIBLE KITEM SANGTA TEM AMI KHOREANINCH PATIEUNK ZATA?

Hoi, don karonnak lagon:

• Devachem Raj koslim besanvam haddtolem tem Jezun dakhoilem. ­Devachem Raj ieum ani tachi khuxi sonvsarant zaum, oxem magnnem korunk, Jezun aplea xisank xikoilem. (Matev 6:9, 10) Him utram koxim khorim zatolim, tem Jezun dakhoun dilem.

  Hea sonvsaracher astana, Jezun bhukelʼleank jevonn dilem, piddestank borim kelim ani melʼleank jivont kelim! (Matev 15:29-38; Juanv 11:38-44) Oxem korun, fuddarak Devachem Raj munxakulla khatir koslim besanvam haddtolem tem, hea Razvottkechea Raza, Jezun dakhoun dilem.—Prokasovnni 11:15.

• Devachem Raj veginnuch ietolem mhunn hea sonvsarachi poristhiti dakhoita. Devachem Raj xanti haddche poilim, sonvsarant chodd promannan bhuk poddtoli, toxench zhuzam ani bhuimkamp zatolem mhunn adinch Jezun sanglolem.—Matev 24:3, 7.

  Hem sogllem sonvsaracher ghoddta tem aiz amkam dison ieta. Dekhun amkam khatri zata ki veginuch Devachem Raj oslea sogllea ghoddneancho xevott haddtolem.