Jehovachi Seva Korit Ravonk Tankam Xikoiat

Novea porgottnnarank survatek thaun sevent chukoi nastana ani urben bhag gheunk xikoilim zalear tim borim porgottnnaram zatat mhunn onnbhov dakhoita. (Mho. 22:6; Filp. 3:16) Hanga thoddeo suchounneo dileat, jeo uzar korun tumi novea porgottnnarak survatek thaun sevent bori buniad ghalunk modot korunk zata:

• Tumchea vidʼdeartheak porgottnnek vochonk maneatai melltta tednam taka seve vixim xikounk chalu korat. (km-E 8/15 1) Dor sumanak porgottnnechea kamant vantto ghevop gorjechem mhunn tachea monant ghott bosoiat. (Filp. 1:10) Jea vattarant tumi seva kortat tea vixim borem uloiat. (Filp. 4:8) Tumchea grupachi dekhrekh korpea borabor ani toxench grupantlea her porgottnnaram borabor sevent kam korun onnbhov gheunk tankam urba diat.—Mho. 1:5; km-E 10/12 6 ¶3

  

• Tumchea vidʼdearthean bautizm ghetlea uprant-ui taka urba diupachem ani seve vixim xikoupachem kam bond korinakat. “God’s Love” hea pustokacho obheas kabar zaunk na zalear hem korop chodd gorjechem.—km-E 12/13 7

  

• Novea porgottnnara borabor sevent kam kortana ek sadhem prodorxon uzar korat. Tachem prodorxon aikolea uprant, taka udar kallzan xabaski diat. Anik bore toren ulounk taka suchounneo diat.—km-E 5/10 7