Porgottnnechea Kamant Amchi Kola Vaddoum-ia​—“Favo Asat” Tankam Xis Zaunk Modot Korun

KITEAK GORJECHEM: “Sasnik jivit zoddunk favo asat” tanchea kallzant sotachem bim Jehova vaddoita. (D.I. 13:48, NW; 1Kor. 3:7) Xiktat tem apnnaitat toslea lokank modot korunk ami vavurtat tednam ami Jehova sangata kam kortat. (1Kor. 9:26) Taronn mellttolem zalear bautizm ghevop kitlem mhotvachem tem Bible videartheamnim zannam zaun ghevop chodd gorjechem. (1Ped. 3:21) Tanchea jivitant bodol korunk, dusreank porgottunk ani xikounk, ani tanchem jivit Jehovak somorponn korunk ami tankam modot korun xis zaunk adar ditat.—Mt. 28:19, 20.

HEM KOXEM KORCHEM:

• Jehovak ‘vollkhun ghevop’ ani taka manta tem korop, ho Bible obheasacho dheai mhunn tumchea videartheanchea ugddasak haddat.—Ju. 17:3

• Oddchonneank tondd diunk, zoxem vaitt sonvoim-o ani vaitt sangati soddun Jehova lagim tanchi ixttagot vaddounk tankam modot korat

• Bautizm gheunchea poilim ani bautizm ghetlea uprant tankam ghottai ani urba diat.—D.I. 14:22

JEHOVA DEV TUKA MODOT KORTOLO, HO VIDDEO POLLOIAT ANI UPRANT SOKOL DILOLEA PROSNANCHE ZOBAB DIAT:

• Somorponn korunk ani bautizm gheunk, eklo koslea bhirantek lagon fatti soronk xokta?

• Bible videartheamnim Jehova lagim ixttagot vaddounk, vhoddil tankam koxe modot korunk xoktat?

• Izaias 41:10 Jehova vixim kitem xikoita?

• Ami oporipurnn aslear pasun Jehovak manta tea bhaxen tachi seva korunk kosle gunn amkam modot kortole?