Jivit ani Porgottnni Mittingechea Pustike Pasot Modot
MAY 4-10
DEVACHEA UTRANTLE THEVE | UTPOTI 36-37
“Juzeche Bhav Tachi Nattkai Kortat”
w14 8/1 12-13
“Mhojem Sopon Kitem Tem Aikat”
Bible sangta: “Aplea sogllea putam-von bapui Juzecho ogllo mog kortalo tem polleun, dusre bhav taka zolltale ani taka te bore bhaxen dekho-so korinasle.” (Utpoti 37:4) Juzeche bhav tachi nattkai kiteak kortale tem ami somzonk xoktat punn hea chukichea bhavnacher tannim tabo dovrunk na ani hem khub vaitt aslem. (Mhonnʼnneo 14:30; 27:4) Tumchea bodlek anik konnakui chodd man mellʼllo vo dusreamnim tancho chodd mog kelʼlo tem polloun tumi nattkaien bhorlim kai? Juzechea bhavancho ugddas korat. Nattkaien bhoron tannim oslim kamam kelim jea vixim uprant tankam khont bhogli. Kristanvamnim “khuxal astoleam borabor khuxal” zavop chodd zannvaiechem mhunn tanchea udharonnantlean kollon ieta.—Romkarank 12:15.
Aple bhav apli nattkai kortat mhunn Juzek kollʼllem astolem. Taka lagon, tannem aplea bhavam thaun tem vivid rongachem anglem lipoun dovorlem kai? Oxem korunk tachea monant ghoddie ailem astolem punn tannem toxem korunk na. Jakob Juzecho khub mog kortalo dekhun tannem taka hem anglem dilʼlem. Juze tacho valor kortalo ani taka aplea bapaicho visvas moddunk naka aslo dekhun to tem anglem ghaltalo. Tachem udharonn amkam khub faideachem zaun asa. Amcho sorgincho Bap bhed-bhav korina hem khorem, punn khub pavtti Dev aplea thoddea visvaxi munxank chodd maniotai dita. Punn teach vellar, Dev tankam hea vaitt ani pozoddponnan bhorlolea sonvsarantlean veglle ravonk sangta. Juzechea vivid rongachea anglea bhaxen, khorea Kristanvachi vagnnuk tankam her lokam thaun veglli dovorta. Hea vagnnukek lagon dusrim nattkaien bhoron Kristanvancho dves korunk pavtat. (1 Pedru 4:4) Osle poristhitint, eka Kristanvan apunn Devacho khoro sevok mhunn apli vollokh lipounk zai kai? Na, zoxem Juzen aplem anglem lipounk na toxench Kristanvamnim apli vollokh lipounk zaina.—Lukas 11:33.
w14 8/1 13 ¶2-4
“Mhojem Sopon Kitem Tem Aikat”
Him sopnam Jehova Deva thaun ailʼlim ani tim bhakitam zaun aslim. Zoxem provadeamnim vaitt korpi lokank, Devacho sondex ani zhoddttechim formonnam sangchim aslim toxench Juzen ho sondex herank kollit kelʼlo Devak zai aslo.
Juzen aplea bhavank sanglem: “Mhojem sopon kitem tem aikat.” Tachea bhavank tea sopnacho orth somzolo ani tankam hem avddonk na. Tannim taka mhunnttlem: “Tum raza zaun amche voir podvi choloitoloi oxem bhi tuka dista?” Fuddem oxem sangta: “Uprant, hea sopnam ani tannem kitem mhollem tea khatir te tacho dusvas korunk lagle.” Juzen aplem dusrem sopon aplea bapaik ani bhavank sanglem tednam-i tachea bhavank tacho rag ailo. Tachea bapain “taka bobatt keli: ‘Koslem hem tujem sopon? Tuji avoi, tuje bhav, ani hanv tuka noman korunk ietoleanv mhonn chintʼtai?’” Punn to hea vixim chintʼtit ravlo. Jehova sopnam vorvim Juze lagim uloitalo kai?—Utpoti 37:6, 8, 10, 11.
Fuddarak kitem zaunchem asa tem Juzen herank sanglolem Jehovak zai aslem. Dusreank avoddchona ani dhumallo pasun ieunk xokta toslo sondex sangonk Juze poilo vo nimanno munis naslo. Karonn, Jezun vhodd ritin oslo sondex porgott kelo ani tannem aplea pattlavdarank oxem sanglem: “Tannim Mhaka dhumallo dila zalear, tim tumkam-i dhumallo ditolim.” (Juanv 15:20) Tornatto Juze dhirvont ani ek bhavarthi munis aslo. Amchi pirai kitli-i asum ami Juzechea hea gunnam thaun zaitem xikonk zata.
Bible-ant Motiam Sodhum-ia
it-1 678
Edom
(Eʹdom) [Tambddo], Edomitkar.
Jakobachea zonvllea bhavank Esau-ak Edom hem dusrem dilʼlem. (Ut. 36:1) Tannem tambddea jevnnam khatir aplea malgoddeaponnacho hokʼk viklo dekhun taka hem nanv dilʼlem. (Ut. 25:30-34) Toxench, Esau zolmolo tednam tachea angacho rong purai ritin tambddo aslo. (Ut. 25:25) Ani toxench, to ani tachi sonsot ravtali tea zageancher pasun osloch rong aslo.
it-1 561-562
Samball korop
Ek govlli vo rakhnno hinddanchi rakhonn korta mhunn sangtalo tednam to kaidea pormonnem tea hinddanchi zobabdari gheunk toiar zatalo. Tankam borem jevonn mellttolem ani tanchi chori zaunchi na mhunn to hinddachea dhoneak khatri ditalo. Ani toxem korunk zaunk na zalear, to apunn tem luksonn bhorunk toiar zatalo. Punn to purnn ritin zobabdar naslo. Udharonnak, ranvotti zonvaramnim hinddancher akromonn kelʼlem zalear, taka ho kaido lago naslo. Punn suttka mellonk tannem dhoneak puravo diunk zai aslo. Zoxem tannem melʼlea monzatik haddun dakhounk zai asli. Hinddacho dhoni purave topaslea uprant tea rakhnneacho guneanv asa vo na tem tharaitalo.
Koslea-i vostuchi vo zomin samballpachi zobabdari ghetana hench totv lagu zatalem. Zoxem, kaidean vhoddlea bhavan her bhav-bhoinnanchi zobabdari gheunk zai asli. Tor, Utpoti 37:18-30-ant, aple bhav Juzecho jiv kaddunk sodhtat mhunn tanchea vhoddlea bhavak, Reubenak kollʼllea uprant to itlo chintest kiteak zalo tem ami somzonk xoktat. Tannem mhunnttlem, “‘Tacho prann ami kaddcho nhoi.’ Tanchea chopkeantlo taka vattaun, porot taka aplea bapaichea svadhin korchea nimitan Reubenan” oxem mhunnttlem. Ani Juze na mhunn kollʼllea uprant, tannem “khontin aplim vostram pinzlim” ani mhunnttlem: “Bhurgo thoim na! Hanv kitem korum?” Juze na dekhun soglim apleak guneanvkari kortolim mhunn to zannam aslo. Hea zobabdare thaun suttonk, tachea bhavamnim manddnni keli ani Juzek eka ranvotti zonvaran khalo oxem tannim bapaik dakhoilem. Tannim bokddechea rogtant tachem anglem bhizoilem ani tem vhoron aplea bapaik, Jakobak dakhoilem zo tanchea familicho vhoddil aslo ani to nit korunk xoktalo. Ho puravo polloun, Juzek eka monzatin giraslo oxem Jakobak dislem ani Reuben guneanva thaun mekllo zalo.—Ut. 37:31-33.
MAY 11-17
DEVACHEA UTRANTLE THEVE | UTPOTI 38-39
“Jehovan Juzek Kednanch Soddunk Na”
w14 11/1 12 ¶4-5
“Iedem Vhoddlem Noxtteponn Korun Kiteak Mhonn Deva Add Hanv Pap Adarum?”
“Ismaelitamnim Juzek Ejiptant vhelo. Potifaran taka Ismaelitkaram koddlo vikto ghetlo. Ho ek Ejiptkar, Faraoh patxaiacho ek opxal ani rakhonndarancho mukheli.” (Utpoti 39:1) Hea utrantlean, tornattea Juzek portun vikun ditat mhunn kollon ieta. Hem soglem sosun taka kitlem unnemponn bhoglem astolem nhoi! Ejiptachea dhoneachea fattlean Juze voita tem ami chintunk zata. Xarachea bazaramnim lok bhorlolo asa ani Juze aplea novea ghorant vochonk vatter asa.
Ghor! Juze aplea ghora thaun ekdom pois aslo. Tachi famil menddrank rakhtali ani chodd korun tim eka zagear thaun dusrea zagear vetalim dekhun tim tombumnim ravtalim. Ejiptant Potifara sarke girest lok, vhoddlea ani zhogzhogit rong aslolea ghoramnim ravtale. Sodh korpi sangtat ki adlea kallar jietolea Ejiptkarank zhaddam-peddam khub avoddttalim. Tancheo bago khub sobit astaleo ani bhonvtonni durig astalem. Tea bagent tim savlli diupi rukh laitalim ani toxench thoim xant tollem astalem zoim papyrus-achim zhaddam, komoll ani udkant zavpi her zhaddam astalim. Thoddim ghoram bage modem astalim. Varem ieunk tanche vhoddle bolkanv vo galeri, vhoddlim zonelam ani zaitim kuddam astalim. Toxench, jevnna pasot vhoddlem kudd astalem ani sevokam pasot-ui kuddam astalim.
w14 11/1 14-15
“Iedem Vhoddlem Noxtteponn Korun Kiteak Mhonn Deva Add Hanv Pap Adarum?”
Tea tempar Ejiptant bondkhonn koxi astali tachi amkam chodd mahiti na. Sodh korpeank piddear zaun poddlole zage mellʼlle zoim tankam kallkachea kuddam sarkeo ani kilʼlea sarkeo vhoddleo vontti mellʼlleo. Hea zagea vixim sangtana Juze ek oxem utor uzar korta zacho orth ek fondd zaun asa. Thoim uzvadd naslo ani tantuntlean bhair sortolo mhunn kosloch bhorvonso naslo oxem tachea utrantlean dison ieta. (Utpoti 40:15) Stotram hea pustokant mhunnttlolea pormonnem Juzek fuddem piddapidd vo tras sosunk poddli mhunn kollon ieta: “Tache pai sankllimnim bandlole, tache manicher lokhonddachem zum bosoilʼlem.” (Stotr 105:17, 18) Ejiptkar thodde pavtt koideanche hat fattleantlean kompra kodden ghott bandtale ani tanchi gomtti lokhonddachea potteamnim bandtale. Hem soglem favo zaunk Juzen kainch vaitt korunk naslem torui taka khub tras sosche poddle.
Juzek hem soglem thoddoch temp sosunk poddonk na. Bible sangta, Juze “patxaiachea her koideam sangata urlo.” Tea zagear taka khub vorsam ravchem poddlem. Apleak suttka mellttoli vo na tem Juze nokllo aslo. He kotthin dis soron voita toxe sumanam gelim ani mhoine gele. Aplo bhorvonso soddun dina zaunk ani niraxiponnant buddon urona zaunk tannem kitem kelem?
Bible-ant amkam hachi zap melltta: “Sorvespor Juze sovem aslo ani taka aplo visvaxi mog dakhoitalo.” (Utpoti 39:21) Khoincheach bondkhonnicheo vontteo, sanklleo ani kallkachem kudd Jehovachea sevokank tachea visvaxi moga thaun pois korunk xokona. (Romkarank 8:38, 39) Juzen aple dukh-tras magnnem korun sorginchea Bapak sangle ani buzvonn diupi Devan taka xanti ani somadhan dilem mhunn amchea chintunk zata. (2 Korintkarank 1:3, 4; Filipkarank 4:6, 7) Jehovan Juze pasot anik kitem kelem? Amkam thoim vachunk melltta ki “hea khatir bondkhonnichea rakhonndarak Juze bhovuch manʼlo.” Hem soglem fokot Jehovachea adaran zaunk pavlem.
w14 11/1 15 ¶2
“Iedem Vhoddlem Noxtteponn Korun Kiteak Mhonn Deva Add Hanv Pap Adarum?”
Bible-ant amkam hachi zap melltta: “Sorvespor Juze sovem aslo ani taka aplo visvaxi mog dakhoitalo.” (Utpoti 39:21) Khoincheach bondkhonnicheo vontteo, sanklleo ani kallkachem kudd Jehovachea sevokank tachea visvaxi moga thaun pois korunk xokona. (Romkarank 8:38, 39) Juzen aple dukh-tras magnnem korun sorginchea Bapak sangle ani buzvonn diupi Devan taka xanti ani somadhan dilem mhunn amchea chintunk zata. (2 Korintkarank 1:3, 4; Filipkarank 4:6, 7) Jehovan Juze pasot anik kitem kelem? Amkam thoim vachunk melltta ki “hea khatir bondkhonnichea rakhonndarak Juze bhovuch manʼlo.” Hem soglem fokot Jehovachea adaran zaunk pavlem.
Bible-ant Motiam Sodhum-ia
it-2 555
Onan
(Oʹnan) [mullavo orth “bhurgem zolmank haddchi xokti; zobordost xokti”].
Kananitkar Shua-chea dhuve thaun Judak zolmolo dusro put. (Ut. 38:2-4; 1It. 2:3) Onanacho vhoddlo bhav Er Jehovachea add gelo dekhun Jehovan taka marun uddoilo. Taka bhurgim naslim. Taka lagon, Judan Onanak Erachi bail Tamara lagim kaidea pormonnem kazar zaunk sanglem. Cheddo zolmolʼlo zalear, to Onanachi nhoi punn Er-achi sonsot zatoli ani malgoddea putacho soglo hokʼk tea putak mellttolo aslo. Ani konnuch zolmonk na zalear soglem daiz Onan-ak mellttolem aslem. Tor, Onan Tamara lagim nhidlo tednam tannem “aplem bim zomnir” otoitalem. Onan-an hostmaithun korunk na, mhunnche apnnacheach hatan lingi bhag uchamboll korunk na. Karonn Bible sangta “aple vhonie sorxim nhidtalo titlei pavtti to aplem bim zomʼnir otoitalo.” Tor Onanan mudʼdom zaun aplem bim Tamarachea lingi sandhea bhitor vochonk diunk na. Onanan daizache axek lagon aplea bapaichi adnea moddli ani kazarachea manddavollik man diunk na. Onanakui bhurgim zolmonk nant ani uprant Jehovan taka marun uddoilo.—Ut. 38:6-10; 46:12; Lok. 26:19.
w04 1/15 30 ¶4-5
Vachpeam Thaun Prosn
Judan Tamarak bhasailʼlea pormonnem aplo put Shelah ticho poti mhunn dinastana chukh keli. Toxench, ek naikinn koxi disli tea baile sangata tannem sombond dovorlo. Hem Devachea udʼdhexa add aslem. Karonn kazarachea manddavolli pormonnem eka dadlean fokot aplea kazari sangatea lagim kuddicho sombond dovrunk zai aslo. (Utpoti 2:24) Khorem mhunnttlear, Judan eka naikinni lagim sombond dovrunk na. Kaidea pormonnem, Judacho put, Shelahan Tamara lagim kazar zaun sonsot zolmank haddunk zai asli. Punn, Judan nokllo astana aplea putacher zagear ho kaido pallʼllo.
Tamara vixim polloilem zalear tichi vagnnuk pozddi nasli. Tiche zonvlle putank pozoddponnam thaun zolmole oxem mhunnonk na. Bethlehem-antlea Boazan Moabit Ruthak kazaracho kaido pallun apli potin korun ghetli tednam thoinche vhoddil, Tamaracho Put Pereza vixim borem uloitale. Tannim Boazak mhunnttlem: “Sorvespor he toren striechim tuka ditolo tea bhurgeam vorvim tujem kuttumb Tamaran Judah udexim zolm dilolea Perezachea ghorannea sarkem zaum.” (Ruth 4:12) Toxench, Jezu Kristachea purvozam modem Perezachem nanv dilʼlem asa.—Matev 1:1-3; Lukas 3:23-33.
MAY 18-24
DEVACHEA UTRANTLE THEVE | UTPOTI 40-41
“Jehovan Juzek Soddoilo”
w15 2/1 14 ¶4-5
“Sopnanchi Somzonni Diuncho Gunn Ekleach Devacho To Nhoi?”
Bottler Juzek visorlo astolo punn Jehova taka kednanch visoronk na. Eke rati, Faraohk don sopnam poddlim. Tim Jehova Deva thaun aslim. Poilea sopnant, razak Nile nodintlean sat sundor ani ttunttunit gaieo voir sorloleo dixtti poddttat. Uprant, taka sat barik ani suklolea gaieo dixtti poddleo. Barik sat gaianim mottea sat gaiank gillʼlleo. Uprant Faraohk ani ek sopon poddlem. Tea sopnant, taka sat mottim ani bhorloli konnsam toxench sat barik ani udentichea varean suklolim konnsam dixtti poddttat. Him suklolim konnsam tea mottea konnsank girastat. Sokallim Faraoh uttlo tednam tachem mon uchamboll zalem. Dekhun tea sopnanchi somzonni gheunk tannem Ejiptantlea soglea zannar munxank ani parkeank apoun haddlem. Punn konnuch tea sopnanchi somzonni diunk xokle nant. (Utpoti 41:1-8) Tankam tea sopnancho orth somzonk na vo tanchi somzonni veg-veglli asli zalear amkam khobor na. Punn, ami zannant ki Faraoh niraxi zalo ani sopnachi somzonni zannam zaunk to utsuktaien aslo.
Xekim, Juzek bottleracho ugddas ailo! Tannem aplo guneanv manun ghetlo ani Faraohk Juzek vixim sanglem. Juzen don vorsam adim aplea ani poderachea sopnancho orth sanglolo mhunn tannem Faraohk sanglem. Rokddoch Faraoh Juzek bondkhonnitlean haddunk hukum dita.—Utpoti 41:9-13.
w15 2/1 14-15
“Sopnanchi Somzonni Diuncho Gunn Ekleach Devacho To Nhoi?”
Jehova khaltea ani visvaxi munxancho mog korta. Tor tannem Juzek tea sopnancho orth sangonk modot keli jem tea zannar munxam lagim ani parkeam lagim korunk zaunk na. Faraohchea don-ui sopnancho orth ekuch mhunn Juzen somzailem. Ho sondex don pavtti diun Jehovan dakhoilem ki hem soglem tannem tharailam ani to veginuch tem ghoddon ieum-xem kortolo. Sat motteo gaieo ani sat mottim konnsam mhunnche, Ejiptantachea akʼkhea ganvant sufoll ani upott pikechim sat vorsam zaun asat. Ani sat barik ani kurup gaieo toxench sat pokim ani suklolim konnsam mhonnge dukhollachim sat vorsam. Hea dukholl-bhukek lagon adli sufollai kabar zaun vetoli.—Utpoti 41:25-32.
w15 2/1 15 ¶3
“Sopnanchi Somzonni Diuncho Gunn Ekleach Devacho To Nhoi?”
Faraohn apnnem dilolem utor pallʼllem. Tannem Juzechea angak barik sonniechem vostr ghalem ani golleant bhangarachi sorpolli ghatli. Tannem taka patxaiachi mhor asloli mudi ghatli toxench cholounk-bhonvunk ani tache ievzonne pormonnem vaur korunk raj-gaddi dili. (Utpoti 41:42-44) Eka disa bhitor Juze bondkhonni thaun rajmahalant pavlo. Juze ek koidi aslo punn rateam bhitor to Faraoh sokol ek rajpal zalo. Juzen Jehovacher bhavarth dovorlo ani Jehovan taka axirvad dilo. Itlim vorsam meren aplea sevokan onit sonsloli tea vixim Jehova zannam aslo. Jehovan sarkea vellar ani sarke ritin nit keli. Juze sangata ji onit zalʼli ti tannem sarki keli itlench nhoi punn tannem fuddarachea akʼkhea Israel raxttrak salvar korunk vatt toiar keli.
Bible-ant Motiam Sodhum-ia
w15 11/1 9 ¶1-3
Tumi Zannam Aslim?
Faraoh mukhar voichea adim Juzen khadd kiteak kaddlem?
Utpoti pustokantlean kollon ieta ki Faraohn aplea sopnancho orth sangonk Juzek bondkhonnitlean begin apoun haddunk hukum dilo. Juzek bondkhonnit aslear khub vorsam zalʼlim. Faraoh taka begin-begin apounk sangta zalear pasun Juze vell gheun aplem khadd kaddlem. (Utpoti 39:20-23; 41:1, 14) Hem pustok boroupean hi barik mahiti dilʼlean kollon ieta ki taka Ejiptacheo chali-riti khobor asleo.
Adlea zaitea raxttranchea lokam modem ani Hebrev lokam modem pasun khadd dovorop chaltem aslem. Punn, McClintock ani Strong’s Cyclopedia of Biblical, Theological, ani Ecclesiastical Literature him pustokam sangtat, “adlea raxttram modem Ejipt ekuch oxem raxttr aslem jem khadd dovorpa add aslem.”
Hantunt fokot khadd kaddop mellon aslem kai? Biblical Archaeology Review hem masik dakhoita ki Ejiptachea chali-riti pormonnem Dev-mondirant voichea adim zoxim toiari kortat toxench eka dadlean Faraoh mukhar voichea adim toiari korunk zai aslim. Oslea poristhitint Juzek aplem khadd, tokleche kens ani akʼkhe kuddiche kens tasunk poddle astole.
w09 11/15 28 ¶14
Devachea Sevokamnim Borim Vagnnunk Dovorchi
14 Adlea kallar, Dev bhirantechim avoi-bapui aplea bhurgeank heram sangata koxem vagchem tem xikoitalim. Utpoti 22:7-ant Abraham ani tacho put Izak eka-meka lagim koxe uloitat tem polloiat. Juzechea avoi-bapain pasun taka bori xikvonn dili mhunn amkam kollon ieta. Juze bondkhonnint aslo tednam her koidea sangata tachi vagnnuk bori asli. (Ut. 40:8, 14) Faraoh sangata uloitana, Juze jea ritin uloilo tantuntlean kollon ieta ki odhikar aslolea eka munxa lagim koxem ulounk zai tem to zannam aslo.—Ut. 41:16, 33, 34.
MAY 25-31
DEVACHEA UTRANTLE THEVE | UTPOTI 42-43
“Juzen Apleacheruch Tabo Dovorlo”
w15 5/1 13 ¶5
“Hanv Kitem Devachea Zagear Asam?”
Juze aplea bhavank polloitanach vollkhota! Aple bhav aplea mukhar saxttangi poddttat tem polloun taka aplea bhurgeaponnacho ugddas ieta. Bible sangta, Juzek jim sopnam poddlolim tancho taka ugddas ailo. To lhan aslo tednam Jehovan taka sopnam udexim dakhoilʼlem ki tache bhav tachea mukhar saxttangim poddttole, ani atam hem sopon purnn zalem. (Utpoti 37:2, 5-9; 42:7, 9) Atam Juze kitem kortolo? To tankam veng martolo kai vo tancho bodlo ghetolo?
w15 5/1 14 ¶1
“Hanv Kitem Devachea Zagear Asam?”
Amchea mukhar ghoddie osli poristhiti ieunchi na. Punn aiz choddxea famili modem zhogddim ani kestanvam zavop chaltem zalam. Oslea oddchonneancho tumi fuddo kortat tednam tumi ghoddie tumchea kallzachem aikon chintinastana pavl gheunk puro. Punn Juzechi dekh gheun ami somjikaien Devak zai toxem kortat tednam ami xanneponn dakhoitat. (Mhonnʼnneo 14:12) Sodanch ugddas dovrat, famili sangata xanti dovrop gorjechem punn Jehova ani tacho Put Jezu sangata xanti dovrop tachea poros chodd mhotvachem.—Matev 10:37.
w15 5/1 14 ¶2
“Hanv Kitem Devachea Zagear Asam?”
Juze aplea bhavanchea kallzant kitem asa tem zannam zaunk eka-fattlean-ek tancheo zaiteo porikxa gheta. To ek somzonni divpea udexim tanchea lagim khoraien uloita ani te bhedi mhunn tancher arop ghalta. Apunn bhedi nhoi mhunn dakhounk tache bhav taka aplea famili vixim sangtat. Toxench, te Juzek aplo lhan bhav ghora asa mhunn sangtat. Hem aikon Juze khuxal zata punn to tankam aplim bhavnam dakhoun dina. Tacho dhaktto bhav khorench jivo aslo kai? Hem zannam zaunk Juze ek ievzonn kaddtta. Tannem mhunnttlem: “hanv tumchi atam porikxa kortolom.” Uprant, to tankam tanchea dhakttea bhavak gheun ieunk hukum dita. Tanchea modlo eklo koidi mhunn ravonk toiar zata zalear, dusreamnim tanchea dhakttea bhavak gheun ieunk zata mhunn to sangta.—Utpoti 42:9-20.
it-2 108 ¶4
Juze
Tannim aplea bhavak khub vorsam adim gulamponnant viklo dekhun Devan tancher hem vaitt dhaddlam oxem Juzechea bhavank dislem. Te aplea guneanvam vixim uloitale tednam Juze tanchea mukhar aslo punn te taka vollkhole nant. Tankam aplea guneanvacho poshchatap zala tem polloun to aplim bhavnam samballunk pavlo na. Tor to thoincho pois vochon roddonk lagta. Magir portun ieun tanchea modlo Simanvak kuxin kaddun, te aplea dhakttea bhavak gheun ie porian taka koidi korun dovorta.—Ut. 42:21-24.
Bible-ant Motiam Sodhum-ia
it-2 795
Reuben
Reuben-an aplea nnov bhavank Juzecho jiv kaddche bodlek taka eke baint uddoiat mhunn somzauncho proitn kelo tednam tache bore gunn dison aile. Reuben taka baintlo vattaun aplea bapaichea svadin korunk sodhtalo. (Ut. 37:18-30) Atam 20 vorsam uprant, Juze aplea bhavancher bhedi mhunn arop ghalta tednam tankam dista ki tannim Juzek vaitt kelʼlem dekhun hem noxtt tancher ailam. Juzecho jiv kaddunk tache bhav ievzonn kortale tednam apunn tanche modem naslo mhunn Reuben tankam ugddas korta. (Ut. 42:9-14, 21, 22) Jakob Benjaminak aplea dusrea putam sangata dhaddunk toiar zaina tednam Reuben oxem mhunntta: “Hanv Benjaminak porot hanga haddina zalear, mhojea dogam putancho jiv kadd.”—Ut. 42:37.
w04 1/15 29 ¶1
Utpoti—II Pustokache Mukhel Mudʼdhe
43:32—Ejiptkarank Hebrevkaram sangata jevop kanttalleachem kiteak zaun aslem? Oxem ghoddie tanchea modem aslolea dhormik bhedbhavak lagon vo tanchea zatichea vhoddponnank lagon te kortale asot. Ejiptakarank gonvlleancho kanttalo ietalo. (Utpoti 46:34) Oxem kiteak? Ejiptkaram modem gonvlleanchi zat sarki sokol asli. Vo xet rovunk zomin unni asli dekhun aplea hinddank chorvank vhoronk zago sodhtolea Hebrevkarancho Ejiptkar dves kortale.