Obheas 16

Aiknnareank Bhorvonso ani Hurba Divop

Job 16:5

KITEM KORCHEM: Sonkoxttam vixim chodd ulounche bodlek, tim koxim suttavim zatolim tem uloun bhorvonso di.

Aiknnaream vixim borem chint. Tujim bhav-bhoinnam Jehovachi khuxi korunk sodhtat mhunn visvas dovor. Solʼlo diunchea adim, favo tednam kallzan thaun xabaski di.

Aiknnareancho tum mog korta mhunn tankam solʼlo di, tancher bejear asa mhunn di naka. Hanstea tonddan tankam sang. Oxem kelʼlean, tum aiknnareank somzota ani tuka tanchi kallji asa mhunn tim zannam zatolim.
Boreak poddonam tea vostum vixim chodd uloinaka. Goroz tednanch vaitt vostum vixim sang punn, tea vixim chodd uloinaka. Borea vostum vixim chodd uloi.
Devachea Utracho boro upeog kor. Jehova Devan munxakulla pasot kitem kelam, kitem korta ani kitem kortolo tacher tujea aiknnareachem dhean hadd. Tujea aiknnareank bhorvonso ani ghottai di.