ODHEAI 10
Jehovachea Sakxeanchea Mittingek Tumkam Ieukar Asa
Jehovachea Sakxeanchi mitting koxi zata ti tumi kednam-i polloilea? Tumi thoim kednanch pavonk na zalear, poilea pavtti thoim voitat tednam tumi ghoddie fatti-fuddem zait. Tumchea monant he prosn ieunk puro: Tanchea mittingent kitem zata kai? Hanvem thoim kiteak vochonk zai? Hea prosnanche zobab tumkam hea odheai-ant mellttole. Toxench, mittingek gelear Deva lagim tumchi ixttagot koxi ghott zatoli ani tumkam koso adar zatolo tem-ui tumkam kollttolem.
1. Jehovachim Sakxim mittingek ektthaim kiteak mellon ietat?
Ektthaim mellon ieunk mukhel karonn kitem tem eka Stotr boroupean dakhoilem. Tannem mhunnttlem: “Sobhent tujem nanv voir kaddtam, Sorvespora.” (Stotr 26:12) Adlea kalla voilea lokam bhaxen, aiz pasun sonvsarbhor aslolim Jehovachim Sakxim ektthaim mellon ieunk khuxal zatat. Tim Devak vakhannunk, gitam gaunk ani magnnem korunk dor sumanak ektthaim zatat. Dor vorsa, tim Devachi bhokti korunk vhodd zomatimnim pasun mellon ietat.
2. Tumkam mittingent kitem xikonk mellttolem?
Mittingent tumkam Devachea Utrachi somzonni mellttoli. Karonn thoim Devachem Utor ‘vachtat ani tacho orth somzaitat.’ (Nehemias 8:8 vachat.) Thoim tumkam Jehova vixim anik xikonk mellttolem. To tumcho kitlo mog korta tem zannam zaun tache lagim tumchi ixttagot anik ghott zatoli. Jehova tumkam khuxalkaiechi vatt koso dakhoita tem pasun tumi zannam zaunk pavtolim.—Izaias 48:17, 18.
3. Mittingent tumkam eka-mekak mellon koso adar zatolo?
Bible sangta, “mog ani borem kam korunk eka-mekak urba dium-ia. Toxench, ami ektthaim ievop soddchem nhoi.” (Hebrevank 10:24, 25) Mittingent tumkam eka-mekachi porva kortat toslim ixttam mellttolim. Tim pasun tumchea bhaxen Deva vixim anik zannam zaunk sodhtat. Tim Bible-a vixim uloitat tednam tumkam urba mellttoli. (Romkarank 1:11, 12 vachat.) Toxench, tim veg-vegllea oddchonneancho koso fuddo kortat tem zannam zaun tumkam adar zatolo.
KHOLAIEN XIKAT
Jehovachea Sakxeanche mittingek kitem zata ani thoim vochonk ami proitn kortat tednam amkam koxi modot melltta tem zannam zaum-ia.
4. Jehovachea Sakxeanchi mitting
Poilea xekddeantlim Kristanvam Jehovachi bhokti korunk ektthaim zatalim. (Romkarank 16:3-5) Koloskarank 3:16 vachun hea prosnacho zobab zannam zaum-ia:
Poilea xekddeantlim Kristanvam Jehovachi bhokti koxim kortalim?
Adlea Kristanvam bhaxen aiz Jehovachim Sakxim pasun dor sumanak Jehovachi bhokti korunk ektthaim zatat. Tanchi mitting koxi asta tem zannam zaunk, VIDEO polloum-ia. Uprant, mittinge vixim aslolem chitr polloun, sokol dilʼlea prosnanche zobab zannam zaum-ia.
Koloskarank 3:16-ant sanglam tea pormonnem amchea Raj-ghorant kitem zata?
Video ani chitr polloun tumkam anik kitem borem dislem?
2 Korintkarank 9:7 vachun hea prosnache zobab zannam zaum-ia:
Jehovachea Sakxeanchea mittingent poixe kiteak magonant?
Fuddlea mittingent kitem astolem tem zannam zaunk tumkam Bible xikoita tachea lagim tumi vicharunk zata.
Mittingecho khoincho bhag pollounk tumi axetat?
Tumi Zannant?
Sonvsarbhor amcheo mitting khoim ani kednam zatat tem zannam zaunk tumi jw.org-cher pollounk zata.
Mittingent bhaxonnam, dekhave ani video astat. Mittingechea survatek ani xevottak git ani magnnem asta.
Mittingechea thoddea bhagamnim bhasabhas asta ani tantunt konnem-i zobab diunk zata
Ghov-bailamnim, bhurgeamnim, zanntteamnim, tornatteamnim, sogleamnim mittingek hajir zaunk zata
Mittingek hajir zaunk koslench mol farik korchem poddona. Jehovachim Sakxim mittingent poixe magonant
5. Kotthin zalear-ui mittingek vochop gorjechem
Ami Jezuchea familichem udharonn polloum-ia. Dor vorsa tachi famil Jehovachi bhokti korunk Jeruzalemant voitali. Tim Nazaretant ravtalim ani thoim thaun Jeruzalem 100 kilometr pois aslem. Thoim voitana tankam dongra voilean vochonk poddttalem. Tor, ho provas korunk tankam sumar don dis lagtale. Lukas 2:39-42 vachun hea prosnanche zobab zannam zaum-ia:
Jeruzalemant vochonk tankam sompem aslem kai?
Mittingek vochonk tumkam kiteak kotthin zaunk xokta?
Mittingek vochonk kotthin aslear-ui tumi thoim kiteak vochonk zai?
Jehovachi bhokti korunk ami ektthaim mellon ievop chodd gorjechem mhunn Bible sangta. Hebrevank 10:24, 25 vachun hea prosnacho zobab zannam zaum-ia:
Ami dor ek mittingek kiteak ektthaim mellon ieunk zai?
THODDO LOK MHUNNTTA: “Mittingek kiteak vochonk zai, ghorach ravon Bible xiklear puro nhoi.”
Ami mittingek gelolim Jehovak zai mhunn Bible-antlea khoinchea versantlean vo udharonnatlean kollon ieta?
KITEM XIKLIM
Mittingek hajir zaun tumkam Jehova vixim anik xikonk mellttolem, tache lagim tumchi ixttagot ghott zatoli ani dusream sangata tumkam Jehovachi bhokti korunk mellttoli.
Porot Ugddas Korum-ia
Ami ektthaim mellon ieunk zai mhunn Jehova kiteak sangta?
Jehovachea Sakxeanchea mittingek tumkam kitem xikonk mellttolem?
Sobhent hajir zalʼlean tumkam anik koxe toren adar zatolo?
ANIK SODHAT
Mittingek vochonk tumi fattim-fuddem zatat kai? Ek munis tosoch fattim-fuddem zatalo. Punn, uprant taka mitting kiteak avddonk lagli tem polloiat.
Eka tornnatteak mitting kiteak avoddtta ani thoim hajir zaunk tannem kitem kelem tem polloiat.
Thoddeank mittingek hajir zaunk kiteak borem dista tem zannam zaiat.
“Raj-ghorant Mittingek Hajir Zavop Kiteak Gorjechem?” (Web article)
Jehovachea Sakxeanchea mittingek hajir zalʼlean eka ragixtt munxachem jivit koxem bodolʼlem tem polloiat.
“Hanv Pistol Ghenastana Khoinch Vochom Naslo” (The Watchtower, July 1, 2014)