Akʼkho Sonvsar Konnachea Tabeant Asa?

BIBLE HACHE VIXIM KITEM SANGTA

“Akʼkho sonvsar noxtteachea tabeant asa.”—1 Juanv 5:19.

“Devcharachea kortubancho bhosm korche khatiruch Devacho Put ailo.”—1 Juanv 3:8, Povitr Pustok.

HEM ZANNAM ZALʼLEAN TUKA KITEM MELLTA

Sonvsarant tras kiteak asat tachi somzonni.—Prokasovnni 12:12.

Sonvsar boreak lagon bodoltolo mhunn mannun gheunk karonn.—1 Juanv 2:17.

BIBLE KITEM SANGTA TEM AMI KHOREANINCH PATIEUNK ZATA?

Hoi, tin karonnak lagon:

• Soitanacho odhikar kabar zatolo. Jehovan, munxakulla voilo soitanacho odhikar veginnuch kaddun uddounk nichov kela. Jehovan bhasailam ki To “devcharacho” nas kortolo ani tannem soglle tras haddleat te kaddun uddoitolo.—Hebrevank 2:14.

• Devan, sonvsaracher razvott cholounk Jezu Kristak vinchun kaddla. Aiz sonvsaracher raj choloitolea svarthi ani nixttur odhikaria thaun, Jezu sarkoch vegllo. Jezuche razvottke vixim Devan sanglam, “durbollanchi to doia kortolo, goribancho jiv to samballtolo . . . Zulumʼ ani zobordosti sonstoleank to soddoitolo.”—Stotram 72:13, 14.

• Dev fott marina. Bible sangta: “Dev kednach konnank fottoina.” (Titak 1:2) Jehova jem bhasaita tem kednach nirfoll zaunk xokona! (Izaias 55:10, 11) “Hea sonvsarachea odhi­kariak Dev bhair ghaltolo.”—Juanv 12:31.