Bhag 4
Aple Udhex Dev Amcam Colloita
1, 2. Ze khoreponim vinchartat tankam Dêv zabab dita munon amcam coxem zana zaunk zata?
EKA mogall Devan khatren ze taka khorech sôdtat tankam aple udhex ugte côrunk zai. Kiteak tanem coxtank sothea dilea? Oslea sovalank vinchar cortat tea munxank tanem zabab dileat.
2 Bible sangta: “Zôr tôr tumi [Devak] sôdxat tôr tumcam To meutolo.” “Sorgar ek Dêv rauta to gutt ugte côrta to.” “Sorv podvedar Dhôni Jehovah tacheo guttacheo vôstu tachea chakrank profetank collit kelea bogor ekui vôst corinam.”—1 Itihas 28:9; Daniel 2:28; Amos 3:7.
Zabab Khuim Asat?
3. Kiteak lagon coxtank sothea dilea munon amcam khuim mevta?
3 Devan côxtank kiteak sothea dilea, ani tankam lagon to kitem côrtolo, oslea sovalanche zabab tanem povitr atmean prerit côrun amchea faideak lagon boroun dôvorlat. Tem bôroup tacho povitr sôbd Bible zaun asa. “Soglim boroupam Devan povitr atmean bhôrleat ani xincoupak boreak podtat, dhomki diupak, vôstu sarkeo côrpak, nitivont ponant xist dacoupak, que ek Devacho munis zôn eok borem cam côrunk sômpurn somorth asunk zavo.”—2 Timotak 3:16, 17.
4, 5. Bible favo toslo book munon khuinchi vôst dacoita?
4 Bible khoroch ek favo to book zaun asa. Munxachea itihasachem sogleam poros sarkem zalolem, ani tachea rôchnechea fatlem pasun bôroup tantun asa. Tantun boroilolea bhovix vadhancheo ghôdneo, amchea disanim hea tarkek pasun sarkeo asat ani lagxillea fudarak pasun astoleo.
5 Chuko naslolea itihasak lagon aslolem xabaski potr khuichach dusrea bookak nam. Puravo dacoita que purann tempavelea poilea clasichea bôroinaranchim hatan boroilolim thodim boroupam asat. Pun thodim opurn anim thodim sompurn osim Bibliachim sumar 6,000 Hebrew hatboroupam asat. Tantun (39 book “Pornea Testamentache”) ani sumar 13,000 Christão Greek boroupam (27 book “Novea Testamentache”) asat.
6. Bible Mullak Devan prerit kelolo tosoch aiz asa munon amcam côxi khatri mevta?
6 Sôrv pôdvedar Dêv, zanem Bible prerit kela tanem calzi ghetla que tachea boroupanchem khorepon racon urchem munon. Tea pasot aiz amcho Bible toch zaun asa zo suruvatechea prerit boroupancho aslo. Haka shabaski diunk ani eok karan amcam môzot côrta. Christão Greek boroupanche thode hatboroupache nomone, mull boroupam boroilolea tempak focot 100 vorsam lagim vetat. Puranic sounsaric boroupanche hatboroupache nomone azun pasun asat, pun qochit mull boroupachea thodea xenkdeam lagim pavtat.
Devachem Denem
7. Bibliachem vantop kitlem pois pasun zala?
7 Itihasant Bible ho chod vantop zalolo book zaun asa. Teen Billion proti xapleat. Hea ankdeak khuicho pasun book lagim pavonam. Ani Bible vô tache thode bhag hanchem bhasantor 2,000 bhasanim zalam. Oxea porim ondaz asa que amchea pirthumichea xemborantulea 98 lokvostek Bible paula.
8-10. Bible porixa côrpak favo asa munon amcam kitem karanam meutat?
8 Khatren ek book Deva thaun aila munon hokk dacoita zalear, soglo bhitorlo ani bhailo puravo tachea khoreponancho amcam porixa kelear mevonk zavo.a To zivitacho udhex sozmôn sangta, sounsarachea poristiticho ôrth sangta, ani fudarak amcam kitem dôvorlam tem sangta. Khuichach dusrea bookak hem côrunk zainam.
9 Khorench munxachea familek Bible Devachem ulounem zaun asa. Tachi sudsudit sôcot vô atmo hache udexim 40 munxanim bôroup kelam. Hea porim Dêv tacho sobd vô Povitr Bible hantum thaun amchexim uloita. Apostle Paul boroita: “Zednam tumcam Devacho sôbd amchea thaun meulo tumi to mandun ghetlo. Munxanchem utor munon noim, bogor Devachem koxem, tor khorench tem tachem.”—1 Tesalonikkarank 2:13.
10 Abraham Licoln, United States 16vo president, Bibliak munta: “Munxank dilolem sogteam poros borem denem . . . pun ami borem vaxt tem nokot.” Atam hem unchaechem denem amcam sangta côxt coxe aile, Devan tankam kiteak sothea dilea, ani tachem to kitem côrtolo?
[Futtnott]
a Bible bookachi khoreponachi chôd baric khôbor zai zalear, The Bible—God’s Word or Man’s?, 1989 vorsa, Watchtower Bible and Tract Society book polloi.
Pan 10-acher aslolo vixoi]
Devan prerit kelolo Bible zaun asa Tachem ulounem munxaculla thaim