ODHEAI 25
Devan Amkam Kiteak Rochleant?
Munxachem jivit ekdom lhan ani “koxttamnim bhorlolem.” (Job 14:1) Tor prosn ieta: Devan amkam hem soglem sosunk rochleant kai? Na zalear, tannem amkam kiteak rochlim? Devak zai aslem toxem khorench ghoddon ietolem kai? Hea vixim Bible kitem mhunntta tem zannam zaun tumi ojap zatolim.
1. Jehova amkam koslem jivit diunk sodhta?
Ami boreantlem-borem jivit jielolim Jehovak zai. Taka lagon, tannem poilea zoddpeak Adanv ani Evek, Eden mhunnttlole eke sobit bagent dovorlim. Uprant, “axirvad ghalun Devan tankam mhollem: ‘Choddat ani vaddat, prithum bhorat ani tika tumchea hata khal dovrat.’” (Utpoti 1:28) Tor hea utram pormonnem, Adanv ani Evek bhurgim zolmon hi prithum bhorloli Devak zai asli. Sogleamnim hea prithumecho ani zonvarancho samball korunk zai aslo. Oxea toren, hi akʼkhi prithum ek sobit bag zatoli asli ani tantunt soglo lok bore bholaiken sasnak jietolo aslo.
Punn, Devak zai aslem toxem zaunk na.a Tori astana, Devan amchea pasot ievjilʼlem tem bodlonk na. (Izaias 46:10, 11) Khalto lok khuxalkaien sasnak jielʼlo taka zai.—Prokasovnni 21:3, 4 vachat.
2. Aiz khuxalkaien jieunk ami kitem korunk zai?
Devacho adar na zalear ami jivitant sanddonk xoktat. To dakhoita ti vatt amkam khub faideachi. Teach pasot, ami tachi xikounn gheun tachi bhokti korop gorjechem. (Matev 5:3-6 vachat.) Jehova anvddeta ki ami ‘tachea rosteamnim cholchem, tacho mog korcho ani soglea kallzan’ tachi seva korchi mhunn. Oxem korit tor ami tachim ixttam zaunk pavtolim. (Dusri Somurt 10:12; Stotr 25:14) Hea ixttagotik lagon, ami oddchonneancho bore toren fuddo korunk pavtolim ani khuxal astolim.
KHOLAIEN XIKAT
Devan hi sobit prithum rochun amkam koso mog dakhoilo ani toxench tannem amkam kiteak rochleant tem ami Bible-antlean zannam zaum-ia.
3. Munxank khuxalkaiechem jivit mellʼllolem Jehovak zai
VIDEO polloun sokol dilʼlea prosnacho zobab zannam zaum-ia.
Devan hi sobit prithum kiteak rochli?
Upodexok 3:11 vachun sokol dilʼlea prosnacho zobab zannam zaum-ia:
Hea versant tumkam Jehova vixim kitem xikonk mellʼllem?
4. Jehovak zai aslem toxem zatolench
Stotr 37:11, 29 ani Izaias 55:11 vachun sokol dilʼlea prosnacho zobab zannam zaum-ia:
Jehovak zai toxem zatolench mhunn ami kiteak khatri dovrunk zata?
Ek ghor moddlam zalear tem sarkem korunk zata. Toxench, munxamnim piddʼddear kelʼli hi prithum Dev sarki kortolo ani aplo mog kortat tankam hea prithumer sasnak ravonk ditolo
5. Jehovachi bhokti korun ami khuxal zatat
Devan amkam kiteak rochleant tem ami zannam zatat tednam ami khuxal zatat. VIDEO polloun sokol dilʼlea prosnacho zobab zannam zaum-ia.
Devan amkam kiteak rochlim tem kollʼllea uprant Terumichem jivit koxem bodolʼlem?
Upodexok 12:13 vachun sokol dilʼlea prosnacho zobab zannam zaum-ia:
Jehovan amchea pasot zaitem kelam, tor ami tache upkari asat mhunn koxim dakhoitolim?
THODDIM VICHARIT: “Devan amkam kiteak rochleant?”
Tumi tankam kitem sangtolim?
KITEM XIKLIM
Ami hea prithumer sasnak khuxalkaien jielolim Jehovak zai. Ami purnn kallzan Jehovachi bhokti kortat zalear aiz pasun ami khuxal ravonk xoktat.
Porot Ugddas Korum-ia
Jehova Devan Adanv ani Evek kiteak rochlolim?
Munxam sodankal hea prithumer jietolim mhunn amkam kiteak khatri asa?
Jivitant khori khuxalkai mellonk ami kitem korunk zai?
ANIK SODHAT
Eden bag khorench asli oxem mhunnonk kitem purave asat tem polloiat.
“Eden Bag Khorench Asli Kai?” (The Watchtower, January 1, 2011)
Hi prithum sasnak urtoli oxem ami kiteak mhunnonk zata tem zannam zaiat.
Jivitant khori khuxalkai koxi mellonk xokta hea vixim Bible kitem sangta tem polloiat.
Eka munxa lagim soglem asonui to khuxal naslo. Taka khori khuxalkai koxi mellʼlli tem polloiat.
a Aiz amkam dukh-tras kiteak asa tea vixim ami fuddlea odheai-ant polloitolim.