Devachem Raj ho Bible-antlo mukhel vixoi zaun asa. Hem Raj prithume pasot Devacho udʼdhex purnn kortolem. Punn, Devachem Raj mhunnttlear kitem? Tem Raj sorgar suru zalam mhunn koxem kolltta? Devan aplea Rajea udexim atam porian kitem kelam ani fuddarak to kitem kortolo? Hea prosnanche zobab amkam hea ani fuddlea don odheai-ant mellttole.

1. Devachem Raj mhunnttlear kitem ani hem Raj cholounk Devan konnank vinchun kaddla?

Devachem Raj mhunnttlear Jehovan stapon kelʼlo ek sorkar. Hem Raj vo sorkar cholounk Jehovan Jezuk vinchun kaddla. (Matev 4:17; Juanv 18:36) Jezu “sodankal raj choloitolo” mhunn Bible sangta. (Lukas 1:32, 33) Devachea Rajeacho Raza Jezu sorgar thaun sonvsarbhor raz choloitolo.

2. Jezu sangata konn raz choloitolim?

Jezu sangata raz cholounk Devan ‘dor eka kulla thaun, bhaxe thaun, zati thaun ani raxttra thaun lokank raza koxe prithumecher raj’ korunk vinchun kaddleant. (Prokasovnni 5:9, 10) Jezu prithumer ailo tednam thaun lakʼkhamnim lok tache xis zait asat. Punn ho soglo lok tachea sangata raz choloitolo kai? Na. Fokot 1,44,000 zannam Jezu sangata sorgar raz choloitolim. (Prokasovnni 14:1-4 vachat.) Toxem zalear, Jezuche xis zaleat tea lakʼkhamnim lokanchem kitem zatolem? Tankam hea prithumer Devachea Rajea khala sasnak jieunk mellttolem.—Stotr 37:29.

3. Devachem Raj munxanchea sorkaram thaun koxem vegllem asa?

Munxanche sorkar boreponn haddunk vavurtat punn toxem korunk tanche lagim titli xokti na. Toxench, munxanche sorkar vo raz choloitat te montri bodoltat. Mhunnche, thoddea tempan dusro konn montri zata ani to ghoddie lokam vixim chintina. Punn, Devachea Rajea vixim Bible mhunntta, “sorgincho Dev kednanch bhosm zaun vechem na toslem ek raj sthaptolo.” (Daniel 2:44-45) Tor, beginuch Jezu hea akʼkhea prithumer raz choloitolo. To raz choloita tednam konnacheruch onʼneai zauncho na ani to bhed-bhav korcho na. To lokam sovem mogan ani doiall ritin vagtolo ani dusreankui teach bhaxen vagonk xikoitolo.—Izaias 11:9 vachat.

4. Akʼkhe prithumer Jezu raz choloitolo

Munxam poros Jezuk chodd xokti asa. Matev 28:18 vachun sokol dilʼlea prosnacho zobab zannam zaum-ia:

• Munxank zo odhikar asa ani Devan Jezuk zo odhikar dila tantunt kitem ontor asa?

Munxancho sorkar bodlot asta ani ho sorkar fokot umkeach desacher odhikar cholounk xokta. Punn Devachea Rajea vixim kitem? Daniel 7:14 vachun sokol dilʼlea prosnache zobab zannam zaum-ia:

• Devachea Rajeachem “kednanch nisontton zaunchem na” mhunn zannam zaun tumkam kiteak borem dista?

• Hem Raj akʼkhe prithumer raz korta tednam kitem borem zatolem?

5. Munxank eka borea sorkarachi goroz asa

Munxachea sorkara poros Devachem Raj kiteak borem zaun asa? VIDEO polloun sokol dilʼlea prosnacho zobab zannam zaum-ia.

VIDEO: Devachem Raj Mhunnttlear Kitem?—Hacho thoddo bhag (1:41)

• Aiz munis sorkar choloita dekhun kitem porinnam zala?

Upodexok 8:9 vachun sokol dilʼlea prosnacho zobab zannam zaum-ia:

• Devachem Raj munxanchea sorkara poros borem oxem tumkam dista kai? Kiteak?

6. Jezu borabor raz korpi amkam somzotolim

Amcho Raza Jezu hea prithumer jielo dekhun to “amcheo oskotaieo somzon” gheunk xokta. (Hebrevank 4:15) Jezu sangata 1,44,000 visvaxi munxam raz choloitolim. Jehovan tankam “dor eka kulla thaun, bhaxe thaun, zati thaun ani raxttra thaun” vinchun kaddleant. Tim-ui amkam bore bhaxen somzotolim.—Prokasovnni 5:9.

• Jezu ani tachea sangata raz korpi amkam bore toren somzotolim hem zannam zaun tumkam koxem dista? Kiteak?

7. Devache kaide munxamnim kelʼlea kaideam poros khub bore asat

Lokanchea boreak lagon sorkar kaide kortat. Teach bhaxen, Devan pasun aplea Rajeant jietolea lokam pasot kaide keleat. 1 Korintkarank 6:9-11 vachun sokol dilʼlea prosnanche zobab zannam zaum-ia:

• Soglo lok Devache kaide palltta tednam sonvsar koso astolo oxem tumkam dista?a

• Aplea Rajeant jietolea lokamnim aple kaide pallunk zai mhunn sangonk Jehovak hokʼk asa kai? Kiteak?

• Kaide pallinant te lok bodlonk xoktat mhunn amkam koxem kolltta?—Vers 11 polloiat.

KITEM XIKLIM

Devachem Raj mhunnttlear ek sorgincho sorkar zo akʼkhea prithumer raz choloitolo.

Porot Ugddas Korum-ia

• Jezu sangata konn raz choloitolim?

• Munxanchea sorkaram poros Devachem Raj kiteak borem zaun asa?

• Jehova aplea Razvottke khala jietolea lokam thaun kitem opekxa korta?

ANIK SODHAT

Devachem Raj khoim astolem mhunn Jezun xikoilem?

“Devachem Raj Tujea Kallzant Asa Kai?” (Web article)

Jehovachim Sakxi munxanchea sorkaram poros chodd Devache Razvottkek kiteak visvaxi ravtat?

Devachea Razvottkek Visvaxi (1:43)

Jezu sangata raz cholounk Jehovan 1,44,000 munxank vinchun kaddleant. Bible tanchea vixim kitem sangta tem zannam zaiat.

“Sorgar Konn Voitolim?” (Web article)

Devuch hea sonvsarant neai haddttolo mhunn ek bailek koxem kollʼllem?

“Hea Sonvsarant Onʼneai Kiteak Ghoddtta Tacho Zobab Mhaka Mellʼllo” (Awake!, November 2011)

Devachem Raj 1914 hea vorsa sorgar suru zalem ani tednam thaun munxanche razvottkeche nimanne dis suru zale. Hem ami koxim zannant? Hacho zobab zannam zaunk Bible-antle eke bhasaunnent kitem sanglam ani 1914 thaun sonvsarachi poristhiti ani lokancho sobhav koso bodolʼla tem polloum-ia.

1. Bible-ant kitem bhasaunni kelʼli?

Bible-antlea Daniel pustokant bhasaunni kelʼli ki “sat vorsam” somptat tednam Devachem Raj suru zatolem mhunn. (Daniel 4:13, 14) Zaitea xekddeam uprant, Jezu prithumer aslo tednam tannem tea sat vorsank “raxttrancho tharailʼlo kall” oxem mhunnttlem ani to kall somponk na mhunn sanglem. (Lukas 21:24) Him sat vorsam 1914-ant somplim oxem ami kiteak mhunnonk zata tem ami polloitolim.

2. 1914 vorsa thaun sonvsarachi poristhiti ani lokancho sobhav koso asa?

Jezu prithumer astana ek pavtt xisamnim taka oxem vicharlem: “Tum hajir asa tachi, ani sonvsarachea xevottachea vellachi khunna kitem astoli?” (Matev 24:3) Tednam Jezun tankam apunn Devachea Rajeacho Raza zalea uprant kosleo ghoddnneo ghoddttoleo tem sanglem. Tantuntleo thoddeo ghoddnneo mhunnttlear, zhuzam, bhuk ani bhuimkamp. (Matev 24:7 vachat.) Toxench, “nimannea disamnim” lokancho sobhav bodoltolo “zacho fuddo korop khub kotthin zatolem” mhunn Bible-ant sanglam. (2 Timotak 3:1-5) 1914 hea vorsa thaun sonvsarachi poristhiti ani lokancho sobhav Bible-ant sanglolo tosoch zalʼlo asa mhunn sarkem dison ieta.

3. Devachem Raj suru zalem tednam thaun sonvsarachi poristhiti itli vaitt kiteak zalea?

Jezu sorgar Raza zalo tednam tannem Soitan ani tachea noxttea dutam add zhuz kelem. Soitan tea zhuzant harlo ani Jezun “taka sokol prithumer xevttilo. Ani tachea noxttea dutankui tachea sangata prithumer xevttile” mhunn Bible sangta. (Prokasovnni 12:9, 10, 12) Soitan khub ragar zalo karonn aplo nas zatolo mhunn taka kollon ailem. Heach pasot, 1914 thaun sonvsarachi poristhiti vaitt zait asa. Punn Devachem Raj beginuch hem soglem vaittponn kaddun uddoitolem.

KHOLAIEN XIKAT

4. Devachem Raj 1914-ant suru zalem mhunn amkam Bible-antlean kollon ieta

VIDEO: Devachem Raj 1914-ant Suru Zalem (5:02)

Babilonantlea Nebuchadnezzar Razak ek sopon poddlem. Tea sopnant Devan taka fuddarak kitem zaunchem asa tem dakhoilem. Hem sopon Nebuchadnezzar-ache razvottkek ani toxench Devache Razvottkek lagu zata.—Daniel 4:14 vachat.a

Daniel 4:17-23 vachun, chartt-achea adaran sokol dilʼlea prosnanche zobab zannam zaum-ia:

• (A) Nebuchadnezzar-an sopnant kitem polloilem?—Vers 17 ani 18 polloiat.

• (B) Rukhachem kitem zalem?—Vers 20 polloiat.

• (C) “Sat vorsam” somptoch kitem zalem?—Vers 23 polloiat.

Rukha Vixim Aslolem Sopon Devachea Razvottkek Koxem Lagu Zata

BHASAUNNI KITEM ASLI (Daniel 4:17-33)

Razvottki

(A) Vhoddlo rukh

Razvottki modench bond poddtta

(B) “Rukh katrun uddoi,” ani “sat vorsam porian hea gotir to urum.”

Razvottki porot suru zata

(C) “Tujem Raj tukach urtolem”

Bhasaunni poilim koxi purnn zali . . .

• (D) Rukh konnank suchit korta?—Vers 19 polloiat.

• (E) Tachi razvottki modench kednam ani koxi bond poddli?—Daniel 4:26-30 vachat.

• (F) “Sat vorsam” somptoch Nebuchaddnezar raza sovem kitem ghoddlem?—Daniel 4:31-33 vachat.

POILE PAVTT KOXI PURNN ZALI

Razvottki

(D) Nebuchadnezzar, Babilonacho Raza

Razvottki modench bond poddtta

(E) 606 K.X.A. uprant, Nebuchadnezzar Raza piso zata ani sat vorsam raz korunk pavona

Razvottki porot suru zata

(F) Nebuchadnezzar boro zata ani porot raz cholounk lagta

Bhasaunni dusre pavtt koxi purnn zali . . .

• (G) Rukh konnank suchit korta?—1 Itihas 29:23 vachat.

• (H) Hi razvottki modench kednam bond poddli? Jezu hea prithumer aslo tednam pasun hi razvottki suru zaunk na mhunn amkam koxem kolltta?—Lukas 21:24 vachat.

• (I) Hi razvottki porot kednam ani khoim suru zali?

DUSRE PAVTTI KOXI PURNN ZALI

Razvottki

(G) Devache razvottkek suchit kortat te Izraelache raza

Razvottki modench bond poddtta

(H) Jeruzalemacho nas zata ani 2,520 vorsam porian Izraelant Devan nemlolo konnuch raza asona

Razvottki porot suru zata

(I) Jezu Devache Razvottkecho Raza zaun sorgar raz choloita

5. 1914 vorsa thaun sonvsarachi poristhiti bodolʼlea

VIDEO polloum-ia.

VIDEO: 1914 Vorsa Thaun Sonvsarachi Poristhiti Bodolʼlea (1:10)

Apunn Raza zatolo tednam sonvsarachi poristhiti koxi astoli tem Jezun sanglolem. Lukas 21:9-11 vachun sokol dilʼlea prosnacho zobab zannam zaum-ia:

• Hantuntleo khoincheo ghoddnneo tumi polloileat vo aikoleat?

Nimannea disamnim lokancho sobhav koso astolo tem apostl Paulun sanglolem. 2 Timotak 3:1-5 vachun sokol dilʼlea prosnacho zobab zannam zaum-ia:

• Hea versamnim sanglolo koslo sobhav tumkam aiz lokam modem dista?

6. Devachem Raj suru zalam hem zannam zalʼlean ami kitem korunk zai?

Matev 24:3, 14 vachun sokol dilʼlea prosnanche zobab zannam zaum-ia:

• Devachem Raj suru zalam mhunn khoinchea mhotvachea kama vorvim dison ieta?

• Hea kamant tumi koso bhag gheunk zata?

Devachem Raj sorgar suru zalem ani beginuch tem akʼkhe prithumer odhikar choloitolem. Hebrevank 10:24, 25 vachun sokol dilʼlea prosnacho zobab zannam zaum-ia:

• To “dis lagim ieta” toso amchea modlea dor eklean kitem korunk zai?

KITEM XIKLIM

Bible-antleo bhasaunneo ani sonvsarachi poristhiti polloun amkam khatri zata ki Devachem Raj suru zalam mhunn. Taka lagon, ami porgottʼttat ani mittingek hajir zatat.

Porot Ugddas Korum-ia

• Bible-antlea Daniel pustokant sanglolim sat vorsam somplim tednam kitem zalem?

• Devachem Raj 1914-ant suru zalem mhunn tumkam kiteak khatri asa?

• Devachem Raj suru zalam mhunn tumkam khatri asa hem tumi koxem dakhounk zata?

ANIK SODHAT

1914 hea vorsa thaun sonvsar koso bodolʼla tea vixim itihaskar ani dusrim kitem mhunnttat tem polloiat.

“Noitik Dorjeancho Valor Kednam thaun Unno Zaunk Laglo” (Awake!, April 2007)

Matev 24:14-ant aslole bhasaunne vorvim eka munxachem jivit koxem bodolʼlem tem vachat.

“Mhaka Baseball Khellonk Chodd Avoddttalem!” (The Watchtower No. 3 2017)

Daniel odheai 4-ant kelʼli bhasaunni Devachea Rajea vixim asa mhunn ami koxim zannant?

“Devachem Raj Kednam Suru Zalem? (Bhag 1)” (The Watchtower, October 1, 2014)

Daniel odheai 4-ant sanglolim “sat vorsam” 1914-ant somplim mhunn ami koxim zannant?

“Devachem Raj Kednam Suru Zalem? (Bhag 2)” (The Watchtower, November 1, 2014)

Gelʼlea odheai-ant Devachem Raj sorgar kednam suru zalem tea vixim ami polloilem. Tor hea odheai-ant tem Raj prithumer Razvottki choloitolem tednam amkam kitem boreponn mellttolem tem ami polloum-ia.

1. Devachem Raj soglea munxank xanti ani neai koxem favo kortolem?

Devachea Rajeacho Raza Jezu Krist Armageddon hea zhuzant soglea vaitt lokancho ani sorkarancho nas korun uddoitolo. (Prokasovnni 16:14, 16) Tednam soglim xantin jietolim ani onʼneai ascho na. (Izaias 11:4 vachat) Tea vellar, Bible-ant sangloli bhasaunni purnn zatoli: “Matso rav noxtte monis nanch zatole.”—Stotr 37:10.

2. Devachem Raj hea prithumer razvottki choloitolem tednam jivit koxem astolem?

Devachea Rajeant jivit koxem astolem tea vixim Bible oxem sangta: “Des zatolo borea monxanchem daiz: thoim ti tthikann kortolim sasnnachea sasnnak.” (Stotr 37:29) Tor, thoim fokot Jehova Devacho ani eka-mekacho mog korta toslo lok astolo. Tea vellar konnuch duent ascho na. Soglim sasnak jietolim. Chintun polloiat, tednam jivit kitlem borem astolem!

3. Vaitt lokancho nas zalea uprant Devachem Raj kitem kortolem?

Vaitt lokancho nas zalea uprant Jezu sorgar thaun hea prithumer 1,000 vorsam Raj choloitolo. Tea vellar, to ani tachea sangata Raj cholovpi 1,44,000 zann prithumer aslolea lokank sompurnn zaunk modot kortole. Tor, 1,000 vorsam sompta mhunnosor hi akʼkhi prithum sobit bag zatoli ani sogle lok Jehovachea kaideam pormonnem jietat dekhun te khuxal astole. Jehova Dev ek mogall tosoch boro Raza mhunn soglim vollkhonk pavtolim ani Jehovachem “nanv povitr” zatolem. (Matev 6:9, 10) Ek hozar vorsam somptat tednam Jezu tem Raj aplea Bapachea, mhunnche Jehovachea adhin kortolo. Magir Jehova Dev, Soitancho, tachea dutancho ani aplea Rajea add voitolea soglea lokancho nas kortolo. (Prokasovnni 20:7-10) Tea uprant, Devachea Rajea udexim mellttat tim besanvam sodankal urtolim.

KHOLAIEN XIKAT

4. Devachem Raj munxanche sogle sorkar kaddun uddoitolem

Sonvsarant thoddeach lokank podvi asta ani urlole tanchea ‘khala koxttovtat.’ (Upodexok 8:9) Punn, Devachea Rajeant oxe toren onʼneai zauncho na.

Daniel 2:44 ani 2 Tesalonikekarank 1:6-8 vachun sokol dilʼlea prosnanche zobab zannam zaum-ia:

• Jehova Dev ani tacho Put Jezu hea prithumer raj choloitolea sorkarank ani tankam sangat ditolea lokank kitem kortole?

• Jehova Dev ani Jezu vixim tumi atam porian jem xikleant tantuntlean te vaitt lokam sangata borea lokancho-i nas korcho na mhunn tumkam kiteak khatri asa?

5. Jezu sogleam-von boro Raza

Jezu sorgar thaun raz choloita tednam prithumer munxank zaitem boreponn haddttolo. Jezu lokancho mog korta ani heach pasot to tankam adar korunk sodhta. Titlench nhoi, Devan taka oxem korunk xokti pasun dilea. Hea vixim zannam zaunk VIDEO polloum-ia.

VIDEO: Devachem Raj Kitem Kortolem Tem Jezun Dakhoilem (1:13)

Prithumer astana Jezun zaitim vizmitam korun dakhoilim. Tor, tachea voilean fuddarak Raza zaun to kitem kortolo tem amkam kollon ieta. Jezun prithumer astana kitem kelem ani fuddarak to kitem kortolo tem sokol dilʼlem asa. Tor, Devachea Rajeant khoinchi bhasaunni purnn zata ti tumi pollounk axetat? Tea bhasaunnechea kuxik dilʼlim versam vachat.

6. Devachem Raj he prithumer boreponn haddttolem

VIDEO: Fuddarak Mellttolea Besanvancher Ek Nodor (4:38)

Stotr 145:16 vachun sokol dilʼlea prosnacho zobab zannam zaum-ia:

• Dev “sogllea rochnnank [munxank] dhadoxi” kortolo hem zannam zaun tumkam koxem dista?

KITEM XIKLIM

Dev aplea Rajea udexim aplo udʼdhex purnn kortolo. Akʼkhi prithum sobit bag zatoli ani tacher fokot Jehovachi bhokti korta toslo lok sasnak jietolo

Porot Ugddas Korum-ia

• Devachea Rajea udexim Devachem nanv povitr koxem zatolem?

• Bible-antleo bhasaunneo Devachea Rajeant purnn zatoleoch mhunn ami kiteak patieunk zata?

• Devachea Rajeant khoinchi bhasaunni purnn zatoli ti pollounk tumi axeun asat?

ANIK SODHAT

Armageddon mhunnttlear kitem tem zannam zaiat.

“Armageddon-achem Zhuz Mhunnttlear Kitem?” (Web article)

Jezun ‘Vhodd Sonkoxtta’ vellar kitem-kitem ghoddttolem mhunn sanglolem tem zannam zaiat.​—Matev 24:21.

“Vhodd Sonkoxtt Mhunnttlear Kitem?” (Web article)

Kuttumbantlea sogleamnim sangata mellon fuddarachea besanvacher koso niall korunk zata tem polloiat.

Sobit Bag Koxi Astoli Tem Niallat (1:50)

“Mhaka Zaite Prosn Asle,” hea lekhant sorkara add vavurtolea eka munxak tachea prosnanche zobab koxe mellʼlle tea vixim vachat.

“Bible Jivit Bodolta” (The Watchtower, January 1, 2012)