Soglim Festam Ani Porbo Devak Manvotat Kai?

Zaito lok festam-porbanchea vellar aplea famili sangata, soiream ani ixttam sangata vell sartat. Hem khorem ki ami khuxal zalolim Jehovak zai. Punn ek fest vo porob taka manvota vo na tem ami koxim zannam zatolim?

1. Choddxim festam ani porbo Jehovak kiteak manvonant?

Choddxim festam-porbo khottea dhormantlean aileant ani Bible-achea adarit nant mhunn tumi ghoddie ojap zatolim. Thoddea festam-porbancho sombond ghaddiponnant rigon asonk xokta. Toxench, melea uprant munxacho otmo jivo urta oslea khottea xikounneancher adarit asonk xokta. Thoddo lok thodde achar vo ondh-visvas mantat ani noxib asa mhunn patietat. Tea pasot, tim thoddim festam-porbo kortat. (Izaias 65:11) Punn Devak hem soglem avoddna dekhun to apli bhokti kortoleank sangta: “Tanchea thaun tumkam kuxin kaddat, ani oxudʼdh vostunk hat lavop bond korat.”—2 Korintkarank 6:17.a

2. Munxank favo tache poros chodd man diunk porbo kortat tednam Devak koxem distolem?

Zaito lok thodde dis monoitat jea udexim munxank, razank vo soinikank chodduch man melltta. Punn ‘munxancher visvas dovorlear’ ami fasant poddonk xoktat mhunn Jehova sangta. (Jeremias 17:5 vachat.) Tor, munxancher chodduch visvas dovrop ani tankam chodduch man divop chukichem zatolem. Thoddim aplo des svotontr zalʼlo dis monoitat ani thoddim rajki ani thoddea songottnnechea nanvan dis monoitat. (1 Juanv 5:21) Eka munxache vo songottnneche vichar Devachea add astat ani ami tankam favo tache poros chodd man dilear Jehovak koxem distolem?

3. Festam-porbanchea vellar kosli vagnnuk Jehovak avoddna?

‘Bebdikai korop, hispa bhair mouz-mosti korop, soreacheo partti korop’ Bible-a pormonnem chukichem zaun asa. (1 Pedru 4:3) Thoddeo porbo monoitana, lokank apleacheruch tabo asona. Tim moriadi bhair vochon onoitik kamam kortat. Punn, Jehova thaim amchi ixttagot samballunk ami oslea kamam thaun pois ravonk zai.

KHOLAIEN XIKAT

4. Jehovak manvonant toslea festam-porbamnim bhag gheum nakat

Efezkarank 5:10 vachun sokol dilʼlea prosnanche zobab zannam zaum-ia.

• Ek fest vo porob monoupachi vo na hea vixim nirnnoi ghetat tednam ami kitem ugddas dovrunk zai?

• Tumi ravtat thoim lok choddxim koslim festam-porbo monoitat?

• Oslim festam-porbo Jehovak avoddttat oxem tumkam dista?

Ami zolmdis monoilo zalear Jehovak koxem distolem? Jehovachi seva kortat toslea munxamnim zolmdis monoilo mhunn amkam Bible-ant khoinch vachunk mellona. Punn, fokot Jehovachi seva korinasle toslea don munxamnim zolmdis monoilo mhunn Bible-ant sanglam. Utpoti 40:20-22 ani Matev 14:6-10 vachun sokol dilʼlea prosnanche zobab zannam zaum-ia.

• Tea donui zolmdisam modem kitem ek-sarkem aslem?

• Heo donui ghoddnneo vachlea uprant ami zolmdis monoitat zalear Jehovak koxem dista mhunn amkam kollon ailem?

Tumi ghoddie chintunk puro, ‘Dusrim zolmdis monoitat tednam khoinchea-i ritin ami tantunt bhag ghetlo zalear vo Bible-achea adarit na toslea festant vo porbent bhag ghetlo zalear, Jehovak khorench vaitt distolem kai?’ Suttka 32:1-8 vachat. Uprant, VIDEO polloun sokol dilʼlea prosnanche zobab zannam zaum-ia.

VIDEO: Devak Manvonant Toslim Festam Ani Porbo (5:07)

• Jehovak kitem manvota tem sodhun kaddop kiteak gorjechem?

• Ani tem ami koxem korunk zata?

Ek porob vo fest Devak manvota vo na tem ami koxim sodhun kaddttolim?

• Ti Bible-antle xikounne add asa kai? Tem zannam zaunk ti koxi suru zali tem sodhun kaddat.

• Ti munxank, songottnnek vo desak favo tea poros chodduch man dita kai? Ami sogleam poros chodd Jehovak man ditat. Karonn hea sonvsarantle sogle tras to kaddun uddoitolo mhunn amkam tacher purnn visvas asa.

• Festam-porbanchea vellar jem kitem kortat tem Bible-a add asa kai? Ami noitik ritin nitoll ravchi goroz asa.

5. Ami kitem mantat taka dusrim man ditolim zalear ami kitem korunk zai?

VIDEO: Tumche Patienni Vixim Dusreank Bore Bhaxen Somzaiat (2:01)

Matev 7:12 vachun sokol dilʼlea prosnanche zobab zannam zaum-ia.

• Tumchim ghorchim sotant nant zalear tannim festam ani porbo monounchim nhoi mhunn tumi tankam sangtolim kai?

• Tumi festam ani porbo monoinant tednam pasun tumchea ghorcheancho mog kortat mhunn koxem dakhounk zata?

6. Ami khuxal aslolim Jehovak zai

Ami amchea famili ani ixttam sangata khuxalkaien vell sarlolo Jehovak zai. Upodexok 8:15 vachun sokol dilʼlea prosnacho zobab zannam zaum-ia.

• Ami khuxal aslolim Devak zai mhunn hea versantlean koxem kolltta?

Aplea lokamnim sangata mellon khuxalkaien vell sarlolo Jehovak zai. Hem amkam amchea ontoraxttria odhivexonamnim koxem dison ieta tem zannam zaunk ek VIDEO polloum-ia.

VIDEO: Ontoraxttria Odhivexonamnim Dakhoilʼlo Mog (5:40)

Galasiekarank 6:10 vachun sokol dilʼlea prosnanche zobab zannam zaum-ia.

• Ami festam-porbo monoilearuch dusreank “borem tem” korunk zata kai?

• Tumi eka porbechea vellar diunk poddtta mhunn ditat tednam chodd khuxal zatat vo kednam-i khuxen ditat tednam chodd khuxal zatat?

• Zaitim Jehovachim Sakxi kednam-kednam aplea bhurgeam pasot kitem tori khas kortat vo tim khuxal zaunk tankam gift ditat. Tumkam bhurgim aslear tumi tanchea pasot kitem korunk zata?

KITEM XIKLIM

Ami amchea ghorcheam ani ixttam sangata vell sarun khuxal zalolim Devak zai. Punn taka manvonant tim festam ani porbo ami monoilolim taka naka.

Porot Ugddas Korum-ia

• Ek porob vo fest Devak manvota vo na tem zannam zaunk ami amkam kosle prosn vicharunk zatat?

• Ami ek porob vo fest monouchim nant mhunn amchea ghorcheank vo ixttank koxim somzaitolim?

• Ami khuxal aslolim Jehovak zai mhunn ami koxim zannant?

ANIK SODHAT

Jehovachim Sakxi khoinchim festam ani porbo monoinant tem zannam zaiat.

“Jehovachim Sakxim Umkinch Festam Vo Porbo Kiteak Monoinant?” (Web article)

Ami zolmdis monoilo zalear, Devak tem kiteak avoddna tea vixim char karonnam zannam zaiat.

“Jehovachim Sakxi Zolmdis Kiteak Monoinant?” (Web article)

Jehovacho mog kortat tim lhan bhurgim sutti asta tednam taka manvota tem koxem kortat tem polloiat.

You Are Precious to Jehovah (11:35)

Lakʼkhamnim Jehovachim Sakxi Christmas monoinant tankam hea vixim koxem dista?

“Amkam Kitem Tori Odik Borem Mellʼllem” (The Watchtower, December 1, 2012)