Dev Tumchim Magnnim Aikota Kai?

BIBLE KITEM MHUNNTTA?

• Dev amchem aikota. Bible amkam khatri dita ki ‘apnnak ulo martolea somestank, khorea monan ulo martat tankam Jehova sodam laginch asa. . . . To tanchi bob aikota.ʼ​—Stotr 145:18, 19.

• Devak zai ami tachea lagim magnnem kelolem. Bible sangta: “Khoincheach karonnak lagon usko korinakat, punn soglea vellar magnnem ani kallzantlean vinovnneo korun ani upkar attoun, Devak tumcheo vinoteo kolloiat.”​—Filipkarank 4:6.

• Devak amchi khub kallji asa. Ami koslea poristhitincho fuddo kortat ani amkam kosle uske asat te to bore bhaxen zannam. Dekhun to amkam modot korunk sodhta. Bible sangta: “Tumchea soglea uskeancho bhar tacher ghalat, karonn taka tumchi kallji asa.”​—1 Pedru 5:7.