Onnbhov

Soglea Torechea Lokank Doia-Maia Dakhovop

Ek dis New Zealand-antle eke bhoinnin “Have . . . Concern for One Another,” ho video polloilo. Tantunt, Jehovak fokot doia-maia disona, punn to ti dakhoita mhunn sanglolem. (Iz. 63:7-9) Tor bhoinnin, ti jem kitem xikloli tem apnnaunk chintlem, ani konnakui tori modot korunk ti sondhi sodhunk lagli. Uprant, tea disa ti bazar korunk geli tednam, ghor-dar nasloli ek bail tika mellʼlli. Ani bhoinnin tika kitem-i khaunk viktem gheun dium kai mhunn vicharlem. Tea bailen ‘hoi’ mhunnttlem. Bhoinn khaunk gheun aili tednam tinnem, Kednai Tori Koxtt Kabar Zatole? hem trektt uzar korun tika sakx dili.

Tednam ti bail khub roddonk lagli. Tinnem bhoinnik sanglem ki ti sotant vaddloli punn kednanch Sakxi zaunk na. Ani bhoinn tika mellchea thoddeach disam poilim, ti Jehova lagim, ‘apleak porot tuka lagim soronk modot kor’ mhunn magtali. Tor bhoinnin tika Bible dilo ani tichea sangata obheas korunk manddavoll keli.a

Ami Jehovachi dekh gheun dusreank, mhunnche amchea soireank ani bhav-bhoinnank doia-maia dakhounk zata. Toxench her lokank pasun sakx diunk vatto sodhun, ami doia-maia dakhounk zata.