યહોવાના આશીર્વાદોનો પુરાવો

૮:૬-૯, ૧૨; ૯:૧-૫, ૨૩, ૨૪

હારૂન અને તેમના દીકરાઓને યાજક બનાવવામાં આવ્યા ત્યારે, યહોવાએ સ્વર્ગમાંથી અગ્‍નિ મોકલીને અગ્‍નિ-અર્પણ સ્વીકાર્યું હતું. એનાથી દેખાય આવ્યું કે એ ગોઠવણ પર યહોવાની કૃપા હતી અને તે એને ટેકો આપતા હતા. ઇઝરાયેલીઓએ એ બધું પોતાની નજરે જોયું હતું. એનાથી યહોવાએ તેઓને ઉત્તેજન આપ્યું કે તેઓ પણ એ ગોઠવણને ટેકો આપે. આજે મહિમાથી ભરપૂર ઈસુનો મહાન પ્રમુખ યાજક તરીકે યહોવા ઉપયોગ કરે છે. (હિબ્રૂ ૯:૧૧, ૧૨) ૧૯૧૯માં ઈસુએ અભિષિક્ત ભાઈઓના નાના સમૂહને “વિશ્વાસુ અને સમજુ ચાકર” તરીકેની સોંપણી આપી. (માથ ૨૪:૪૫) શા પરથી કહી શકાય કે વિશ્વાસુ ચાકર પર યહોવાનાં આશીર્વાદો, ટેકો અને કૃપા છે?

• સતત સતાવણી હોવા છતાં વિશ્વાસુ ચાકર આપણી શ્રદ્ધા મજબૂત કરવા ભરપૂર માહિતી પૂરી પાડે છે

• અગાઉથી જણાવ્યું હતું તેમ ખુશખબર “આખી દુનિયામાં જણાવવામાં” આવે છે.—માથ ૨૪:૧૪

વિશ્વાસુ અને સમજુ ચાકરને આપણે કઈ રીતે પૂરો ટેકો આપી શકીએ?