Génesis
5 Anuu tü nüchikimaajatkalü Adán. Wanaawasü nukuwaʼipa nümaa Maleiwa nukumajünaiwaʼaya nutuma. 2 Nukumajüin Maleiwa wayuu toolo sümaa wayuu jierü, nüchekaka Maleiwa anain nakuwaʼipa soʼu tü kaʼi nukumajakalü oʼu naya. «Wayuuinjana naya», nümakalaka Maleiwa namüin.
3 Ciento treinta nuuyase Adán soʼu kachooin nia sümüin tü nuʼwayuusekat, Set nünülia nutuma jee ayatüshi maʼin Adán nutuma. 4 Ochocientos nuuyase Adán süchikijee nüchooin Set, kachonshi nia tooloyuu jee müsia jieyuu. 5 Novecientos treinta nuuyase Adán soʼu nünaajaain.
6 Ciento cinco nuuyase Set soʼu kachooin nia sümüin tü nuʼwayuusekat, Enós nünülia chi nüchonkai. 7 Ochocientos siete nuuyase Set süchikijee nüchooin Enós, kachonshi nia tooloyuu jee müsia jieyuu. 8 Novecientos doce nuuyase Set soʼu nünaajaain.
9 Kachonkalaka Enós sümüin tü nuʼwayuusekat mekietsatpa shikii nuuyase, Quenán nünülia chi nüchonkai. 10 Ochocientos quince nuuyase Enós süchikijee nüchooin Quenán, kachonshi nia tooloyuu jee müsia jieyuu. 11 Novecientos cinco nuuyase Enós soʼu nünaajaain.
12 Kachonkalaka Quenán sümüin tü nuʼwayuusekalü akaratshipa shikii nuuyase, Mahalalel nünülia chi nüchonkai. 13 Ochocientos cuarenta nuuyase Quenán süchikijee nüchooin Mahalalel, kachonshi nia tooloyuu jee müsia jieyuu. 14 Novecientos diez nuuyase Quenán soʼu nünaajaain.
15 Kachonkalaka Mahalalel sümüin tü nuʼwayuusekalü aipiruapa shikii jaʼralimüin nuuyase, Jared nünülia chi nüchonkai. 16 Ochocientos treinta nuuyase Mahalalel süchikijee nüchooin Jared, kachonshi nia tooloyuu jee müsia jieyuu. 17 Ochocientos noventa y cinco nuuyase Mahalalel soʼu nünaajaain.
18 Ciento sesenta y dos nuuyase Jared soʼu kachooin nia sümüin tü nuʼwayuusekat, Enoc nünülia chi nüchonkai. 19 Ochocientos nuuyase Jared süchikijee nüchooin Enoc, kachonshi nia tooloyuu jee müsia jieyuu. 20 Novecientos sesenta y dos nuuyase Jared soʼu nünaajaain.
21 Kachonkalaka Enoc sümüin tü nuʼwayuusekalü aipiruapa shikii jaʼralimüin nuuyase, Matusalén nünülia chi nüchonkai. 22 Trescientos nuuyase Enoc süchikijee nüchooin Matusalén, ayatüshia nia nümaain chi shiimainshikai suluʼu Maleiwain, kachonshi nia tooloyuu jee müsia jieyuu. 23 Trescientos sesenta y cinco nuuyase Enoc. 24 Ayatüshia Enoc nümaa chi shiimainshikai suluʼu Maleiwain. Nnojoikalaka shiʼrüin nia wayuu nüchikuaʼa, jama nüsaajüin nia Maleiwa.
25 Ciento ochenta y siete nuuyase Matusalén soʼu kachooin nia sümüin tü nuʼwayuusekat, Lamec nünülia chi nüchonkai. 26 Setecientos ochenta y dos nuuyase Matusalén süchikijee nüchooin Lamec, kachonshi nia tooloyuu jee müsia jieyuu. 27 Novecientos sesenta y nueve nuuyase Matusalén soʼu nünaajaain.
28 Ciento ochenta y dos nuuyase Lamec soʼu kachooin nia sümüin tü nuʼwayuusekat. 29 Niʼitaain Lamec Noéin nünülia chi nüchonkai, jama müin nünüiki mayaa: «Aneena waya nutuma joʼuukai chii, müliashiʼiya maʼin waya sünain aʼyatawaa jee sünain apünajaa süpaʼa tü mma mojukat süpüla apünajaa nutuma Jehová». 30 Quinientos noventa y cinco nuuyase Lamec süchikijee nüchooin Noé, kachonshi nia tooloyuu jee müsia jieyuu. 31 Setecientos setenta y siete nuuyase Lamec soʼu nünaajaain.
32 Quinientos nuuyase Noé soʼu kachooin nia sümüin tü nuʼwayuusekat. Sem, Cam otta Jafet nanülia na nüchonniikana.