Suʼttia

SHIIMAIN tü aküjalaa suluʼukat tü karalouktakat. Ayuʼluushi shia suluʼujee tü Wiwüliakat. Süküjeerü pümüin tü alatakat soʼujee nukumajünüin Adán sünainmüinreʼeya wakalia otta müsia tü naainjüinjatkat Maleiwa mapeena.

Sutuma tü karalouktakat pütüjaajeerü aaʼu tü saashajaakat achiki tü Wiwüliakat, na wayuu saashajaakana achiki, tü naainjapuʼukat otta müsia tü naainjüinjatkat Maleiwa süpüla kepiain waya suluʼu wanee Paraiisü saaʼu tü Mmakat.

Suluʼu tü karalouktakat eesü 116 aküjalaa otta mekiisat shiʼipa eere süküjüin tü aashajaanajatkat achiki sünain tü aküjalaakat. Tü aküjalaakat pansaasü sümaa tü kaʼi sülatakat oʼu otta müsia pütüjaajeerü aaʼu joujatüin alatüin shia.

Ashajünüsü tü aküjalaakat suluʼu pütchi mapüleesat. Naashajeʼereerü shia na tepichikana namüiwaʼa. Neʼreerü na kachonshiikana saashajeʼenneein maʼin kojuyatua namüin na tepichikana. Jiʼreerü anashaatain maʼin namüin na tepichikana otta na miyoʼuyuukana tü suluʼukat tü karalouktakat.

Sajaʼttiamüin tü aküjalaakat ashajünüsü eejeere shiyuʼnnuin suluʼujee tü Wiwüliakat. Eesü süpüla paashajeʼerüin shia. Paashajeʼerapa wanee aküjalaa, pünaʼla tü asakinnakat süchiki otta püsoukta shiʼipajee. Eʼitaanüsü shia süchikijee tü aküjalaakat 116.