EKIRAJAAYA 4

Alataka sutuma noonoonüin amaa Satanaa

Ouktüshi Adán sümaa Eva sükajee nnojoluin noonooin (Génesis 3:6, 23)

Eva shiküin süchon tü wunuʼu apülajünakat jee shikirüin Adán

Oonoosü Eva sümaa tü wüikat otta shikaka süchon tü wunuʼu apülajünakat suulia. Süchikijee, shikiraka Adán.

Ajünajaanüshi Adán sümaa Eva suluʼujee tü paʼaraiisükat

Mojusü maʼin tü naaʼinrakat, kaainjalashii naya. Nujuʼitirüin Maleiwa Adán sümaa Eva suluʼujee tü mmakat Edén.

Laülaashi Adán sümaa Eva, ouktüshii naya

Müliashii maʼin naya otta na nachonniikana. Mapa, laülaashii jee ouktüshii naya. Ouktapa naya, nnojoishii oʼunüin sirumatuʼumüin otta nnojotsü kasain ojuʼitüin nanainjee.

Eekai ouktüin nnojotsü kasain naaʼinrüin, mmashi nüchikuaʼa (Génesis 3:19)

Wayuu naatakana akuwaʼipa otta naatakana tü kaʼi kepiakalü oʼu naya

Ouktüshii waya süka nüpüshin waya Adán sümaa Eva. Nnojotsü kasain saapüin, shiʼrüin jee saaʼinrüin tü wayuu ouktüsükat, müsü sütunkakai maʼin (Juan 11:11-14).

Wanee jintut ouktüsü jee mojusü maʼin naaʼin na süpüshikana

Nnojotsü keeʼireein naaʼin Jeʼwaa ouktüin wayuu. Soʼu palitchon kaʼi, kateerü noʼu nachikuaʼa na ouktüshiikana. Noonoole nümaa Maleiwa, müinnia nnojoluin ouktüin. Kateerü noʼu waneepia.