EKIRAJAAYA 9

¿Joujeerü paʼaraiisüka tü Mmakat?

Sutuma tü alatakat maaʼulu, alüʼütsü Nuluwataaya Maleiwa (Lucas 21:10, 11; 2 Timoteo 3:1-5)

Sajaʼttiamüin tü kasakalüirua, jouluinjatü tü shaittaakat saaʼu nneerü, tü atkawaakat, tü ayuuliikat, tü jamükat, moonooinjatü tepichi sümaa nünüiki nüshi jee nii otta atkajiraainjatü wayuu

Süküjatüjülia tü Wiwüliakat süchiki tü kasa mojusü alatakat maaʼulu. Süküjüin nnojoliinjanain noonooin na tepichikana namaa nashi jee nei, mojulaainjatüin wayuu, keeʼireeinjatüin naaʼin washirüü jee tü kasa mojusü talatakalü atumaa naaʼin.

Süküjüin sukutkujaainjatüin maʼin tü Mmakat, eeinjatüin atkawaa, jamü otta wainma ayuulii. Tia, alatüsü maaʼulu.

Wanee aküjüi pütchi aashajaashi nümaa wanee wayuu süchiki tü Nuluwataayakat Maleiwa

Naashin Jesuu, aküjünajatü sainküin tü Mmakat süchiki Nuluwataaya Maleiwa (Mateo 24:14).

Nnojoleerü kasa mojusü sutuma Nuluwataaya Maleiwa (2 Pedro 3:13)

Aja’ttinneerü tü wayuu mojulaasükalüirua so’u Armagedón, o’utüneechi aa’in Satanaa otta na yolujaakana

Alüʼütsü süpüla najaʼttirüin Jeʼwaa wayuu mojulaasü.

Süsaleechi naainjala Satanaa namaa na yolujaakana.

Aluwataashi Jesuu chaa iipünaa otta wayuu naatakana eʼiruku talatüshii maʼin naya

Na wayuu oonookana nümaa Maleiwa aijiraajeena, anajiraajeena, loteerü nakuwaʼipa otta nnojoleena mmoluin naya. Nanoujeerü anain tü namakat na waneeinnua.