Tü aküjünajatkat wamüin

◼ Karaloukta aküjünajatka aka pütchi maatsoʼu: Tü karalouktakat Kasa shikirajaka. Piʼitaa püpüleerua puʼttüin sünain ekirajaa sünain tü Wiwüliakat soʼu tü palajatkat pukua jee eere tü karalouktakat nümaʼana chi wayuukai. Awüriiroʼu otta maayoʼu: La Atalaya otta ¡Despertad! Puuyantapa püchikuaʼa eemüin na wayuu ekirajaweekana, maʼaka naaʼin na oʼunakana sünain tü outkajawaa süpülajatkat Sotuin Waaʼin ouktüin Jesuu otta waneeirua outkajawaa akanasaʼa nnojoliin nanoujüin wamaa. Pikiraja naya süka tü karalouktakat Kasa shikirajaka. Juunioʼu: ¿Kasa shikirajaka maʼin tü Wiwüliakat? Eere tü karalouktakat nümaʼana chi wayuukai, paapa nümüin wanee poyeeto wayuunaikiruʼu.

◼ Süntapa tü rewiisütakat La Atalaya otta ¡Despertad! eitajünamaatüinjatü süpüla natüjaain saaʼu tü pütchi suluʼukat na aküjüinjanakana pütchi süka.

◼ Aainjüneerü maatsoʼu 30 soʼu 2010 tü outkajawaakat eere Sotuin Waaʼin ouktüin Jesuu. Tü jayeechi eeʼirajünajatkat soʼu outkajawaakat tia shia 8 otta 109, suluʼujee tü eeʼirajia jeketkat. Juutkajaʼawaire maatteoʼu, jaainja shia soʼu wanee kaʼi naata soʼu semaanakat tia. Nnojorüle süpüla suʼwanajaanüin süka wainmain na outkajaakana soʼu semaanakat tia, eesü süpüla nnojoluin saainjünüin. Saashajaanüinjatüle achiki sünain tü Outkajawaakat süpüla Aʼyatawaa nümüin Maleiwa wanee pütchi nanainpünaaka na wawalayuukana, eesü süpüla saashajaanüin achiki sünain wanee Outkajawaa süpüla Aʼyatawaa nümüin Maleiwa.