Tü aküjünajatkat wamüin

◼ Karaloukta aküjünajatka aka pütchi awüriiroʼu otta maayoʼu: La Atalaya otta ¡Despertad! Puuyantapa püchikuaʼa eemüin na wayuu ekirajaweekana, maʼaka naaʼin na oʼunakana sünain tü outkajawaa süpülajatka Sotuin Waaʼin ouktüin Jesuu otta waneeirua outkajawaa akanasaʼa nnojoliin nanoujüin wamaa. Pikiraja naya süka tü karalouktakat Kasa shikirajaka. Juunioʼu: ¿Kasa shikirajaka maʼin tü Wiwüliakat? Eere tü karalouktakat nümaʼana chi wayuukai, paapa nümüin wanee poyeeto wayuunaikiruʼu. Juulioʼu: Tü poyeetoirua eekat jümaʼana wayuunaikiruʼu. ¡Talata pia waneepia sümaa katüin poʼu saaʼu tü Mmakat!, ¡Eeshi süpüla paʼaleewain Maleiwa!, Saaʼin wayuu outusü... ¿Eeshii süpüla sükaaliinjüin waya? ¿Saainjüin kasa mojusü wamüin? ¿Shiimainchejee eein?.

◼ Soʼu tü semaana aainjünajatkat oʼu tü outkajawaa miyoʼu apünüinkat kaʼi, piamaka kaʼi otta tü waneekat kaʼi, nnojoleerü aainjünüin tü outkajawaakat: Ekirajawaa sünain tü Wiwüliakat namaa na Wawalayuukana, Ekirajawaa süpüla Aküjaa Pütchi otta Outkajawaa süpüla Aʼyatawaa nümüin Maleiwa. Makalaka wounejaain jia süpüla jikirajaain sünain tü pütchi sünainpünaakat outkajawaakat tiairua. Eesü süpüla jaainjüin tia, suʼunnaa tü Ai Juʼwaajakat oʼu Maleiwa sümaa Jüpüshi.

◼ Sünülia tü pütchi aküjünajatkat süchikijee tü outkajawaakat eere Sotuin Waaʼin ouktüin Jesuu süpüla juyaka 2010 shia: «¿Joujeerü eeka tü jimataakat aaʼin otta tü anaakat akuwaʼipa?».