Aküjaa pütchi süka tü rewiisütakalüirua
La Atalaya Eneeroʼu 1
Paashajeʼera Génesis 2:16, 17. Otta püma: «Eeshii na aküjakana nütüjaatülüinya aaʼu Maleiwa kaainjalainjachin Adán sümaa Eva, otta eeshii na aküjakana alawaain tia süka piamainje nuʼupünaa Maleiwa. ¿Jamüsüjaʼa pünüiki? [Puuʼulaa nüsouktai.] Süküjüin tü pütchi suluʼukat süpana 13 kasain naainjüin Maleiwa süka tü atüjawaakat saaʼu tü alateetkat mapeena.»
¡Despertad! Eneeroʼu
«Saashin wayuu tü anoujaakat nünain Maleiwa shia neʼe sutuma tü suluʼukat naaʼin, nnojotsü shiain sutuma eein wanee kasa wanoujaka anainjee. ¿Jamüsüjaʼa pünüiki? [Puuʼulaa nüsouktai.] Teeʼiyatüin paala pümüin nnojoliinjanain wanoujüin neʼe süpaʼa mmaka saashin tü Wiwüliakat [paashajeʼera 1 Juan 4:1]. Süküjüin tü pütchi suluʼukat süpana 28 kasain waainjüinjatüin süpüla eein tü wanoujakat anainjee.»
La Atalaya Pewüreeroʼu 1
«Joutsü maʼin tü ooʼulaajirawaakat suulia kasaalüü maaʼulu yaa, ¿aashimüin? ¿Jamüsüche sülataka tia? [Puuʼulaa nüsouktai.] Wainma na kasaatshii sükaaliinjakana pütchikat tüü [paashajeʼera 1 Corinto 10:24]. Aashajaasü rewiisütakat tüü süchiki aipiruasü kasa mojujiraaka atuma na paʼwayuuseewashiikana otta süküjüin jamüin anaka aainjaa tü sümakat tü Wiwüliakat.»
¡Despertad! Pewüreeroʼu
«Maaʼulu yaa aashajaana achikirü maʼin eein wayuu ouktüsü asaka süsha wayuu, tü wuruujakat otta na outshiikana. ¿Nnojoleetche kasain alatüin wamüin sünainpünaale waya tü naainjakat na outshiikana? [Puuʼulaa nüsouktai.] Jülüja paaʼin tü nüchiaakat oulia Maleiwa na israeliitakana [paashajeʼera Deuteronomio 18:10-12]. Süküjüin rewiisütakat tüü, tü sümakat tü Wiwüliakat süchiki tü naainjakat na outshiikana.»