Tü aküjünajatkat wamüin

◼ Karaloukta aküjünajatka aka pütchi pewüreeroʼu: Tü poyeetoirua eekat jümaʼana wayuunaikiruʼu. ¡Talata pia waneepia sümaa katüin poʼu saaʼu tü Mmakat!, ¡Eeshi süpüla paʼaleewain Maleiwa!, Saaʼin wayuu ouktüsü... ¿Eeshii süpüla sükaaliinjüin waya? ¿Saainjüin kasa mojusü wamüin? ¿Shiimainchejee eein? Maatsoʼu: Tü karalouktakat Kasa shikirajaka. Piʼitaa püpüleerua puʼttüin sünain ekirajaa wayuu sünain tü Wiwüliakat. Awüriiroʼu otta maayoʼu: La Atalaya otta ¡Despertad! Puuyantapa püchikuaʼa eemüin na wayuu ekirajaweekana, maʼaka naaʼin na oʼunakana sünain tü outkajawaa süpülajatkat Sotuin Waaʼin ouktüin Jesuu otta waneeirua outkajawaa akanasaʼa nnojoliin nanoujüin wamaa. Pikiraja naya süka tü karalouktakat Kasa shikirajaka.

◼ Sünülia tü pütchi aküjünajatkat süchikijee tü outkajawaakat eere Sotuin Waaʼin ouktüin Jesuu süpüla juyaka 2011 shia: «¿Eeshii süpüla sükaaliinjüin waya tü Wiwüliakat süpüla eejiraain waya sümaa tü alatakat maaʼulu?».

◼ Nnojotsü eeinjatüin wanee outkajawaa awüriiroʼu 17 shia neʼe eeinjatka outkajawaa süpüla ojuʼitaa sünain aküjaa pütchi. Na outkajaʼawaikana rimiinkoʼu eesü süpüla noutkajaain soʼu wanee kaʼi naata soʼu semaanakat tia. Shiasaʼa wainmale neʼipapaʼa na wawalayuu outkajaakana suluʼu wanee Piichi Outkajaalee otta nnojorüle süpüla neeʼiratüin sükalia, eesü süpüla maainjuuin shia. Aküjüneerü namüin napüshuaʼa na wawalayuukana nekirajaain sünain La Atalaya wanaa sümaa naʼwaajüin Maleiwa sümaa napüshi.