Süpüshi tü wanüikinjatkat
Suʼttia shikirajia wayuu oʼutuupüroʼu soʼu tü palajatkat saawanoʼu
«Shapaasü saaʼin wayuu sümaa süpüshi sutuma jouluin kasachiki maaʼulu. ¿Jalasüche wousütüin anain pütchi anasü süpüla talatüin wapüshi?» Puuʼulaa nüsouktai. Piiʼiyata La Atalaya ojuʼitaka oʼutuupüroʼu 1 otta pikiraja süka soʼutku sünüliachein pütchi suluʼuka süpana 16 otta 17 jee paashajeʼera waneesiaakaijeʼe pütchi suluʼujee tü Wiwüliakat. Paapa tü rewiisütakat otta püküja püleʼejeechin süpüla pikirajüin sünain tü wanee asakiraakat.
La Atalaya Oʼutuupüroʼu 1
Piiʼiyata süta tü rewiisütakat sümaa müin pünüiki: «¿Jamüsüje paaʼin pütüjaale saaʼu süküjünüin alawaa pümüin nüchiki Maleiwa? [Puuʼulaa nüsouktai.] Jülüja paaʼin tü nüküjakat Jesuu süpüla wayaawatüin saaʼu tü shiimainkat suulia tü alawaakat [paashajeʼera Juan 17:17, NM]. Shia kaluʼuka neʼe tü Wiwüliakat tü shiimüinkat nüchiki Maleiwa. Süküjüin rewiisütakat tüü sükajee tü Wiwüliakat jaʼraisü alawaa aküjünawaikat nüchiki Maleiwa.»
¡Despertad! Oʼutuupüroʼu
«Soʼu kaʼikat tüü awaraijaashii waya naaʼu na wayuukana sümaa napüshi süpüla wakaaliinjüin naya. ¿Kasa eejiraainjatka amaa maaʼulu saaʼin pümüin na kachounnikana? [Puʼula nüsouktai.] Wainma na kachonshii achajaakana kaaliinwaa suluʼujee tü Wiwüliakat. Anasü maʼin namüin achiawaa nachonnii sükajee pütchikat tüü [paashajeʼera Éfeso 4:31]. Süküjüin rewiisütakat tüü jamüin süpüla sükaaliinjüin tü Wiwüliakat na kachonniikana süpüla nepijüin nachonnii tepichiiwaʼaya naya sünainmüinreʼeya jimaʼaliipa jee majayünnüüpa naya.»