¿Anasü shiyolojo?

Jülüjeesü waaʼin tia süpülapünaa waapüin wanee karaloukta sünain aküjaa pütchi. Tü eekai ajaʼttaʼatain, mooloin, yarüttüin otta charatuain, sumojujeʼerüin shiyolojo tü pütchi anasü waküjakat süpüla suʼttaain wayuu otta mojusü pütchi nachiki na wawalayuukana sutuma.

¿Kasa waainjüinjatka süpüla anain shiyolojo? Eeshii na eʼitaakana shia suluʼu tü süpüleekat wanaapünaa sümaa sajaʼapüin. Kapülajanayaa müsü natuma tü karalouktakat, tü rewiisütakat, tü poyeetokot, tü karalouktachenkat jee waneeirua karaloukta. Suulia sumojujaain tü Wiwülia otta tü karaloukta naapaakat, neʼitaʼawalin shia süchikuaʼa süka anaka akuwaʼipa. Eeshii wawalayuu kataka atuma tü karalouktakalüirua. Jaʼitairü jamüin sünaajaaya watuma, shia anaka neʼe waapüle karaloukta anaka ayolojo suulia mojujain pütchi süchiki tü waainjakat (2 Cor. 6:3).