Waküja pütchi waneepia
1. ¿Jamüsü watüjaaka saaʼu eein naaʼin süpüla aküjaa pütchi na anoujakana soʼu nükalia Jesuu?
1 Aküjüshii pütchi «waneepia» na anoujakana soʼu nükalia Jesuu eepünaale eein wayuu (Aluw. 5:42). Naküjapa pütchi sainküin piichi, naküjaleʼeinya namüin na waraittakana kaayeruʼupunaa. Eeshiijaʼa süpüla naküjüin pütchi nayaʼlajaapa metkaaraluʼupünaa süchikijee naküjüin pütchi. Eejüsü naaʼin süpüla aküjaa pütchi maʼaka naaʼin Jesuu (Mar. 6:31-34).
2. ¿Kasa sünainpünaaka waküjüliin pütchi nüchiki Jeowa?
2 Eejüsü naaʼin. Süka waküjüliin pütchi süküjüin wamüin kasain waainjüin otta kasain wayuu waya (Isa. 43:10-12). Eejüinjatü naaʼin waneepia wanee aküjüi pütchi süpüla nüsouktüin saaʼu tü nunoujakalü anain, nnojotsü shiainjatüin neʼe nüküjapa pütchi sainküin piichi (1 Ped. 3:15). ¿Jülüjüirü paaʼin eein süpüla püküjüin pütchi eepünaale pia? ¿Kaseerü püküjaka? ¿Alüʼüjüshi pia karaloukta waneepia nayaaluʼu na aapajeenakana pünüiki? (Pro. 21:5.) ¿Aküjüshi neʼe pia pütchi sainküin piichi, paainjataapa shia wanaapünaa sümaa pukuwaʼipa eepünaale eein wayuu?
3. ¿Kasaichi sünülia tü aküjaakat pütchi sainküin kaaye, süpülee kemion, pitaat otta oikkaalee?
3 Aküjaa pütchi eepünaale eein wayuu. Naashin Pablo, aküjüshi pütchi «suʼupala wayuu süpüshuaʼa» otta sainküin piichi (Aluw. 20:20). Tü aküjaakat pütchi sainküin kaaye, süpülee kemion, pitaat, oikkaalee jee sainküin waneeirua kasa, shia pansaaka aluʼu «aküjaa pütchi eepünaale eein wayuu» sümünüle. Ayatüsia shiain waküjüin maʼin atuma pütchi sümüin wayuu tü aküjaakat pütchi sainküin piichi. Na anoujakana soʼu nükalia Jesuu, nnojotsü shiain naaʼinmaain nepia na wayuukana, shia naaʼinmaaka aküjaa pütchi sümüin wayuu. Eejüsü naaʼin waneepia süpüla aküjaa pütchi eepünaale eein wayuu, eepünaale naya otta sainküin piichi. Müinjatüjaʼa neʼe wakuwaʼipa süpüla keraain watuma süpüshuaʼa tü waʼyataainkat nümüin Maleiwa (2 Tim. 4:5, NM).