Asakinnaka Anain

◼ ¿Jaralii waapüinjanaka amüin tü karalouktakalüirua?

Waapüinjatü namüin na wayuu kamalainka amüin tü pütchi waküjakat. Weʼrüle kamalain nümüin wanee wayuu tü waküjakat anakajaʼa waapüle namüin piamasü rewiisüta, shiale wanee poyeeto, wanee karaloukta jee waneeirua karaloukta, jaʼitairü weʼrüin nnojoleerüin kasain nasülajüin jee nasülajeenüle mojukuʼu müsü (Job 34:19; Alat. Map. 22:​17, NM). Nnojotpajaʼa waapüinjatüin tü karalouktakalüirua namüin na mojutkana amüin shia (Mat. 7:6).

¿Kasa wayaawataka atuma kamalainre nümüin wanee wayuu tü waküjakat? Wanee sukuwaʼipa shia müleka eejüle naaʼin sünain tü wamakat nümüin otta naashajaweere wamaa. Nüsouktüle shiʼipajee tü wasakitkat anain otta nüküjüle kasain nüleʼeruʼuin achiki. Jülüjüle naaʼin tü waashajeʼerakat suluʼujee tü Wiwüliakat, niiʼiyatüin kojutüin shia nümüin. Eesü süpüla wasakirüin uatuwoʼushi naashajeʼereerüle tü karalouktakat. Kekiinjana waya süpüla wayaawatüin saaʼu kamalainre namüin tü wamakat. Waküjapa pütchi kaayeruʼupunaa, nnojoishii waya aapüinjanain karaloukta sümüin wayuu eekai eein. Nnojorüle watüjaain saaʼu kamalain sümüin wayuu tü waküjakat, waapa namüin wanee karalouktachon jee shiale wanee karaloukta ounejaaya.

Tü walüʼüjaakalü atuma karaloukta suluʼujee tü Piichi Outkajaaleekat, nnojotsü shiain sünainjee tü nneerü waapakat saaʼu, shia saaʼujee jeʼrain maʼin tü choʼujaakat wamüin süpüla aküjaa pütchi. Tü nneerü asülajünakat nnojotsü awalaajiain tü karalouktakat, süpülajatü süpüshuaʼa tü kasa sünainpünaakat tü aküjaakat pütchi sainküin mma. Sutuma talatüin waaʼin, asülajüinjana waya nneerü süka süpüshuaʼa waaʼin shiyaaluʼu tü sünainpünaakat Nuluwataaya Maleiwa, jaʼitainna maletsein waya (Mar. 12:41-​44; 2 Cor. 9:7). Otta walüʼüjüinjatü neʼe tü karaloukta choʼujaakat wamüin süpüla aküjaa pütchi, suulia amülain neʼe tü nneerü asülajünakat saaʼu tü karalouktakat.