Tü aküjünajatkat wamüin

◼ Karaloukta aküjünajatka aka pütchi eneeroʼu: tü karalouktakat Kasa shikirajaka. Puʼtta sünain ekirajaa sünain tü Wiwüliakat soʼu tü palajatkat pukua. Eere tia karalouktakat sümaʼana wanee wayuu akatsaʼa nnojoluin shikirajaweein, paapa wanee rewiisüta eekai kamaʼairüin sujuʼitüin jee shiale wanee poyeeto kamalainka sümüin. Pewüreeroʼu: Tü poyeeto eekat wayuunaikiruʼu. Maatsoʼu: Tü karalouktakat Kasa shikirajaka. Puʼtta sünain ekirajaa sünain tü Wiwüliakat soʼu tü palajatkat pukua. Eere tia karalouktakat sümaʼana wanee wayuu akatsaʼa nnojoluin shikirajaweein, paapa wanee rewiisüta eekai kamaʼairüin sujuʼitüin jee shiale wanee poyeeto kamalainka sümüin. Awüriiroʼu: La Atalaya otta ¡Despertad! Sücheküle wanee wayuu tü pütchikat, paapa tü karalouktakat ¿Pücheküin pütüjaain saaʼu tü shiimainkat? Püchajaa sukuwaʼipa süpüla puʼttüin sünain ekirajaa. Puuyantapa püchikuaʼa eemüin na wayuu ekirajaweekana, maʼaka naaʼin na oʼunakana sünain tü outkajawaa süpülajatkat Sotuin Waaʼin ouktüin Jesuu otta waneeirua outkajawaa akanasaʼa nnojoliin nanoujüin wamaa, pikiraja naya süka tü karalouktakat Kasa shikirajaka.

◼ Soʼujee pewüreeroʼu nekirajeerü aka na wawalayuu waraittakana waaʼu eere woutkajaain tü pütchi jeketü süpülajatkat wayuu süpüshuaʼa, naashajaajeerü achiki weʼitaainjatüin waaʼin nünain Jeowa.

◼ Soʼujee pewüreeroʼu 1 soʼu 2012, süntireerü La Atalaya sümüinjatka wayuu süpüshuaʼa wanee pütchi jeketü «Mis primeras lecciones de la Biblia», müsü sünülia. Süpülajatü nekirajünüin na tepichi apünüinkana ouyase jee paliʼirüle shia suulia. Pachikuateerü shia sümaa tü pütchikat «De padres a hijos» otta «El rincón del joven».