Tü aküjünajatkat wamüin

◼ Karaloukta aküjünajatka aka pütchi pewüreeroʼu: Tü poyeetoirua eekat jümaʼana wayuunaikiruʼu. ¡Talata pia waneepia sümaa katüin poʼu saaʼu tü Mmakat!, ¡Eeshi süpüla paʼaleewain Maleiwa!, Saaʼin wayuu ouktüsü... ¿Eeshii süpüla sükaaliinjüin waya? ¿Saainjüin kasa mojusü wamüin? ¿Shiimainchejee eein? Maatsoʼu: Tü karalouktakat Kasa shikirajaka. Piʼitaa püpüleerua puʼttüin sünain ekirajaa wayuu sünain tü Wiwüliakat. Awüriiroʼu otta maayoʼu: La Atalaya otta ¡Despertad! Puuyantapa püchikuaʼa eemüin na wayuu ekirajaweekana, maʼaka naaʼin na oʼunakana sünain tü outkajawaa süpülajatkat Sotuin Waaʼin ouktüin Jesuu otta waneeirua outkajawaa akanasaʼa nnojoliin nanoujüin wamaa, pikiraja naya süka tü karalouktakat Kasa shikirajaka.

◼ Sünülia tü pütchi aküjünajatkat süchikijee tü outkajawaakat eere Sotuin Waaʼin ouktüin Jesuu shia: «¿Wattayütchejeʼeya maʼin sükalia saaʼin pümüin?».

◼ Juʼunajaainjanale suluʼumüin wanee mma naata nnojotka ashajünüin anülia sajaʼttiamüin tü Anuario jeketkat, wachuntüin jümüin juunejüin tü Weteet suluʼukat juumain süpüla jüsakirüin sünain tü jülüjüinjatkat jaaʼin otta tü jaaʼinrüinjatkat. Süka eein süpüla nnojoluin anain sukuwaʼipa naʼyataain na aküjüliikana pütchi suluʼu mmakat tia (Mat. 10:16). Eesü waneeirua mma eere nnojoluin anain ounejaa na wawalayuukana. Eesü süpüla süküjünüin jümüin tü jaaʼinrüinjatkat süpüla aküjaa pütchi otta alüʼüjaa karaloukta. Joonoole sümaa tü aküjünakat jümüin nnojoleerü jümojujeʼerüin jukuwaʼipa otta sukuwaʼipa naʼyataain na wawalayuukana (1 Cor. 14:​33, 40).