«Taashajeʼereerü türa karalouktakat müleka paashajeʼerüle tü taapüinjatkat pümüin»
Eeshii waneeinnua wayuu eeka naküjüin wamüin naashajeʼereerüin tü karaloukta waapakat namüin müleka waashajeʼerüle wanee karaloukta naapajatka wamüin. Nnojotsü anain waapaale shia süka nnojoluin pansaain sümaa tü sümakat tü Wiwüliakat. ¿Jamüinjatü wanüiki namüin? (Roma 1:25.) Eeshii süpüla wamüin namüin: «¿Kasa saashajaaka achiki tü karaloukta paapeekat tamüin? ¿Süküjüinche sunouktaajeerüin nakuwaʼipa na wayuukana watta kaʼi? [Puuʼulaa nusouktai. ‹Paashajeʼerapa shia, pütüjaweerü aaʼu kasain wayuu tü saashajaakalü achiki›, nümüle pümüin. Shia anaka aluʼu pümüle nümüin: ‹Süpülapünaa taapüin pümüin wanee karaloukta taküjüin pümüin kasain saashajaain achiki›. Süchikijee tia, paashajeʼera Mateo 6:9, 10.] Saashin pütchikat tüü, nüküjüin Jesuu saainjüneerüin tü nüchekakat Maleiwa süikkalaapa tü Nuluwataayakat. Makalaka nnojoleerüin taashajeʼerüin tia karalouktakat müleka nnojorüle shiain saashajaain achiki tü saaʼinrajatkat Nuluwataaya Maleiwa. Taküjeein pümüin süpüshi tü kasa eeinjatkat sutuma tia aluwataayakat».